أبنائى (متفرعه من سلسلة أنا لك..ولكن!) (تحت التعديل الجذري)

الفصل الثالث والأربعون

إتفاجئوا بضرب النار إللى حصل ، رامز كان بيقتل أغلب الحراس إللى فى الأوضه بمسدسه ، حسام جرى بسرعه نحية آيه ومسكها ولسه كان هيخرج بيها سمع صوتها...

يُمنى بصريخ وهى بتجرى عليه:"لا."

سمع صوت ضرب نار وراه..بص لقاها مرميه على الأرض وواخده رصاصه فى دراعها مكانه...

حسام بسخريه:"مالكيش تلاتين لازمه زى مامتك بالظبط ، قتلتلها فى اليوم إللى إنتى إتولدتى فيه."

خرج بسرعه وهو ماسك آيه وبدأ يطلع على السطح...

رامز راح نحية أدهم وبدأ يحرره...

أدهم:" هات المفتاح وروح إنت فك الباقيين."

رامز:"حاضر."

أدهم بدأ يحرر نفسه ، ورامز بدأ بتحريره لمازن ولما حرره ، أخد لكمه قويه من مازن..

مازن بضيق:"بقا تسيب الحيوان ده يضرب بابا؟"

رامز بضيق وهو بردله اللكمه:"بقولك إيه ، أبوك هو إللى قعد يشاورلى بإيده إنى أفضل واقف فى مكانى."

مازن بعصبيه:"كنت إهجم من البدايه كان لازم كل ده."

رامز بعصبيه:"ماهو إللى يسمع كلامك يروح ورا الشمس."

مسكوا هما الإتنين فى بعض... الكل كان بيبصلهم بدهشه لحد ماسمعوا صوتها...

روفان بعصبيه مكتومه:"أطفال ، هتفضلوا دايما أطفال مع بعض ، إنجزوا فكونى."

أدهم راحلها بعد ماحرر نفسه وإدالها المفتاح...

ملك بعدم إستيعاب وهى بتبصلها:"روفان...."

أدهم بصوت مسموع للكل وهو بيقاطعها:"مش وقته ، يلا كل واحد يفك إللى يخصه."

أخد سلاح كان مرمى على الأرض وخرج من المكان وبدأ يطلع وراهم....مازن راح لملك وبدأ يحررها ، ورامز بدأ يحرر ليليان إللى بتبصله بدهشه وهو مش بيبصلها ، وروفان راحت لطارق...

طارق:"أنا مش هتدخل فى حاجه تخصك تانى بعد كده."

روفان بفخر:"كان لازم تثبتلى حبك وإنت خلاص أثبته."

يحيى بعدم إستيعاب:"إنتوا بتقولوا إيه؟"

سلمى:"هو مش إنت خطيب بنتى؟"

طارق:"لا أنا خطيب روفان."

عمر بعدم إستيعاب:"مش فاهم".

روفان وهى بتحرره:"أنا هفهمك يا أونكل ، أنا ورامز ومازن بنشتغل فى المخابرات ..إحم إحم بنشتغل تحت إيد أونكل أدهم."

يحيى:"هو أدهم رجع للمخابرات؟!!"

مازن وهو بيفك أمجد:"من زمان."

رامز حرر ليليان ولسه كانت هتتكلم بعد عنها...

مازن:"أنا هروح ورا بابا."