In love with my best friend

Part 1

ឡានស្ពតសេរីទំនើបបានបើកចូលមកនៅមុខអាគារដែលមាន កម្ពស់ ៦៥ជាន់នៅក្នុងប្រទេសកូរ៉េ ដែលទីនោះត្រូវបានគេស្គាល់ថាជាកន្លែងដែលគ្រប់គ្រងតារាល្បីៗជាច្រើន ហើយវាក៏ជាក្តី
ស្រម៉ៃរបស់តារាជាច្រើនដែលចង់ចូលមកធ្វើការនៅក្នុងផលិតកម្ម PJ មួយនេះ ចំណែកឯ អ្នកគ្រប់គ្រងជាបុរសសង្ហាមាន ភាពឆ្លាតគ្រប់យ៉ាងដែលមានអ្នកគាំទ្រជាច្រើន ហើយសរសើរចំពោះស្នាដៃ របស់គេ

" លោក Jeon មកដល់ហើយ "

"សង្ហាណាស់" សំឡេងមនុស្សស្រីលាន់មាត់ខ្សឹបខ្សាវគ្នា នៅពេលដែលឃើញកំលោះសង្ហាកម្ពស់ 178cm ក្នុងឈុតគ្រ័រហ្សេរព៌ណខ្មៅដែលអាវសឺមីខាងក្នុងព៌ណខ្មៅ ប្រលេះឡេវបី
គ្រាប់បង្ហាញនូវដើមទ្រូងសខ្ចីរបស់គេ

សំឡេងកាមេរ៉ាលើកមកថតគេយ៉ាងព្រោងព្រាតនៅពេលដែលអ្នកកំលោះដើរមកព្រមជាមួយបាច់ផ្កា រួមទាំងស្នាមញញឹមដែល បង្ហាញអោយឃើញនៅលើផ្ទៃមុខរបស់គេ គឺវាពិតជាសង្ហារខ្លាំងណាស់ កែវភ្នែកព៌ណត្នោតមួយគូរនោះដៀងទៅមើលស្រីៗ ដែលកំពុងមើលមកគេដោយស្នាមញញឹមដែលគេយល់យ៉ាងច្បាស់ពី អត្ថន័យរបស់ក្រសែភ្នែកពួកនាងដែលបានបង្ហាញមកកាន់គេ ប៉ុន្តែគួរអោយស្តាយណាស់ថ្ងៃនេះគេមិនអាចនៅមានក្តីសុខជាមួយពួក ស្រីទាំងនោះបានទេ ព្រោះគេមកទីនេះដើម្បីអបអរដល់គម្រប់ខួបក្រុមហ៊ុនមិត្តសម្លាញ់របស់គេ

"Jimin!!!" គេហៅឈ្មោះអ្នកដែលឈរនិយាយជាមួយភ្ញៀវ ដែលមកចូលរួមហើយនៅពីក្រោយមិត្តរបស់គេគឺជាតារាបង្ហាញម៉ូតល្បីដែលនៅក្នុងផលិតកម្មនេះ ហើយនាងកំពុងតែមើលមក ដោយស្នាមញញឹម

"Jungkook!" Jimin ញញឹមយ៉ាងស្អាតមើលមកមិត្តរបស់ខ្លួន ដែលក្នុងដៃកំពុងតែកាន់បាច់ផ្កាព៌ណក្រហមដើរចូលមករកគេ ដែលធ្វើអោយ Jimin លើកដៃឡើងត្រៀមទទួលបាច់ផ្កាពីមិត្តជាទីស្រឡាញ់របស់ខ្លួន

"អរគុណណា៎! ដែលខំមកលើកទឹកចិត្ត" Jimin និយាយព្រមជាមួយការលើកដៃទទួលដោយស្នាមញញឹម តែបាច់ផ្កាបែរជា រំលងគេ ដោយម្ចាស់ផ្កាហុចទៅអោយ Vira ដែលជាតារាបង្ហាញម៉ូតល្បីនៅក្នុងផលិតកម្មរបស់ Jimin ទៅវិញ