لاتترك يدي

الفصل الاول

#لاتترك_يدي

الفصل الاول

غيث بعصبية .. انت شنو تقول تبصر عليا صح
محمد.. ياريت نبصر يا رفيقي
غيث .. مستحيل روان تحبني مستحيل ادير هكي فيا وهيا عارفة قديش نحبها اكيد غالط يا رفيقي بالك اللي حكالك كذاب
محمد بتنهيدة ووجع على وضع صاحبه .. ياريت حد قالي نا شفت بعيني وشوف انت بعينك

وفتح الفون وشغل ڤيديو حافظ مكانه وين وعطاه لصاحبه يتفرج عليه

غيث عمران خطاب مهندس معماري صاحب شركة مقاولات كبرها بعد ما كانت قريب اضيع بعد وفاة باته  وحيد امه اسمها حواء  باته توفى هو وخوه الكبير سراج في حادث سيارة وحتى هو كان معاهم ويعتبر نجى من الموت بي اعجوبة  وبسبب اللي صارله في الحادث غير من اطباعه واجد وتما بارد وقاسي  ولما يتعصب معاش يعرف شنو يقول او يدير ونقطة ضعفه امه وبالنسبة لشكله خلوها لقدام حتعرفوه

محمد منير مهندس معماري حتى هو رفيق غيث كانو جيران وهما صغار وفرق بينهم البعد لما حولو هل محمد من احذاهم وردو اجتمعو في الثانوية في رفقة حلوة تقول ليها سنين وسنين وماكنهمش تفرقو بالذات بعد اللي صار لغيث ويشتغل مع غيث في الشركة بتاعته وعنده اخين صلاح وراكان  واخت وحدة نادين وامه اسمها ماجدة 

غيث بصدمة .. مفبرك الفيلم هذا
محمد بوجع على صدمة رفيقه .. ياريت يكون مبرك 
غيث يعاود في الفيلم ..

روان .. اصبر بس غير نتزوجه شهر شهرين بس ونجمع على قد مانقدر من الفلوس ونطلق منه
الشاب .. به كيف بتخليه مايقربكش انتي ملكي نا بس
روان .. كيد النسا بنستخدمه كل مرة بنديرله سبلة ولان هو يعبد التراب اللي نمشي عليه وحيتحمل ومايرضاش زعلي لانه اصلا مش مصدق روحه اني بجمالي هذا نرضى بواحد متشوه زيه
الشاب .. الله يلعن الفقر علي خلاك تفكري هك اديري وترتبطي براجل غيري وردي بالك يقربك لان بعدها مش عارف شنو تكون ردة فعلي 
روان .. ماتخافش هو قاري فاتحتي وصح نا تو مراته لكن صدقني مش حيفوت الورق بس زواجنا تي نا لما نحط عيني في عينه ننقرف من شكله مش لابال نخليه يلمسني 
الشاب بضحكة خبث .. اما انتي اللي يقدرك يا خوفي منك
روان .. شك في كل حد الا نا
وانت عارف لولا اني نعشقك ماكنت فكرت وخططت ووصلت للي وصلت ليه عشان نوصلك انت عمري يا عماد

روان جمعة رابعة جامعة لغة عربية واقل مايقال عنها ملكة جمال وحيدة باتها امها ماتت وهي تجيب فيها وباتها مباش يتزوج خاف على بنته من كفر مرة الاب لكن شكله دللها واجد لدرجة ان فقرهم مش عاجبها ومش راضية بلي كاتبلهم ربها رغم ان باتها مش منقص عليها حاجة وهو راجل قليل الحيلة وغرورها خلاها تفكر تلعب بقلب غيرها عشان توصل للي تبيه
وحبيبها عماد كيف حباته الله اعلم لكن ماتشوفش في الدنيا الا بيه لكن مش قد طموحاتها فهذا ليش فكرت في فكرة شيطانية زيها

غيث .. يعني نا كنت مضحكة يعني نا كنت وسيلة
محمد .. اهدا يا غيث اهدا والله ماتستاهل توجع قلبك بسببها
غيث .. انت كيف وصلك الڤيديو هذا
محمد.. نا كنت مقمعز في مطعم نتغذى لان عمتك ماجدة مش قاعدة وشكلي واعطي الباب بالقفى مافطنتش بيا لما خشت هيا وصاحبها ولفت انتباهي الصوت ولما التفتت شفتها فدرت روحي عادي لكن حطيت الفون على الطاولة بالجنب بيش قدرت نصورهم لاني عارفك من كثر حبك ليها كنت حتشكك في كلامي رغم ثقتك فيا لكن هذا هو الحب اعمى
غيث بعصبية .. فعلا اعمى لكن وديني ومانعبد لدني مخليها تتفكرني عمرها كله

وصبى غيث وممكن كمل باكو دخان في قمعيزته هذي

محمد.. وين ماشي
غيث بضحكة هزوة  .. لها لمن يعني لزوجتي الغالية
محمد.. استنى نمشي معاك

وركب محمد مع غيث اللي كان يسوق بسرعة رهيبة لدرجة خلت محمد ينطق الشهادة 

غيث .. انت تستنى هنا ماتركبش بكل فاهم والله لا
محمد.. به بس حكم عقلك يا غيث

ونزل غيث بدون مايقول كلمة زيادة وركب للدور الثاني مكان شقة روان وباتها وتقريبا خذا الدروج الخمسة في مرة من عصبيته ودق الباب بكل قوته واول ما نفتح الباب دف باتها وخش ليها في دارها وسكر الباب بالمفتاح وباتها يدق عليه بقوة ويقوله افتح

روان بخوف .. كنك يا غيث خاش هك ومسكر الدار بالمفتاح
غيث ويفتح في حزام بنطلونه .. بنوريك من غيث اللي تضحكي عليه يا معفنة اللي كيفك كانت تحمد ربها وتشكره انها طاحت في راجل مايشوفش في الدنيا الا انتي لكن شنو بنقول الوسخ وسخ

وبكل قوة وبدون ولا ذرة رحمة اغتصبها غيث رغم انه راجلها لكن حتى لو كان زوجها لو العلاقة الحميمية جت بالغصب تعتبر اغتصاب وبعد ماكمل غيث ورتب روحه دفل عليها

غيث .. خلي الراجل بتاعك تو يرضى بيك وانتي فضلتي

وفتح الباب وشده جمعة من رقبته

جمعة .. انت شنو درت لبنتي
غيث باستهزاء وفك ايدين جمعة ودفه لان لا صحة ولا جسم جمعة تسمحله يقدر يقاوم غيث .. درت في بنتك اللي تستحقه

ورد دفل اخرى في جيهة دار روان
غيث ببرود .. بنتك طالق طالق طالق
وخلي الصايع بتاعها يتزوجها تو

وطلع غيث ولما وصل لفم باب الشقة بعد مافتحه

غيث .. اه على فكرة تو نبعتلك الڤيديو اللي خلاني درت هك في بنتك عشان تعرف قديش بنتك واطية وانك ماعرفتش تربي ياااا عمي جمعة

ونزل غيث مايشوفش في الدنيا قدامه ولما وصل سيارته لقى محمد راكب في جيهة السواق وبدون اي كلام ركب غيث للجهة الثانية وطلع محمد بالسيارة لعند حوش غيث ونزل غيث بدون اي كلمة
وركب طول لشقته مايبيش امه تشوفه بالشكل هذا وخش من باب ثاني بيش ماتفطنش ليه  وعلى طول خش للحمام وحط روحه تحت الدوش وهو موجوع ومهموم وقهر مش عارف كيف يبرده حتى بلي داره حس روحه مابردش خاطره و لا ناره
#حياة 

استغفر الله العظيم واتوب اليه