لاتترك يدي

الفصل الثالث

#لاتترك_يدي 

الفصل الثالث

قعدت ماسة في المصحة اسبوع كامل واهتمام تام بصحتها اللي انتفخاتها خفت  لكن انهيارها مازال و كل يوم ماترقدش الا بي ابراة مهدئة ورغم ان الدكتورة قالت لازم دكتور نفسي لكن من بيعدل عليها

وفي الوقت اللي ماسة قضاته في المصحة ما تعلم بشئ على الدنيا الا ان روحها راحت منها وانها عايشة جسم بلا روح كان باتها قرا  فاتحتها وبمهر غالي واجد كأنها بيعة وان الفرح بعد اسبوعين اللي عدى منهم اسبوع وطبعا لان كل اللي صار بسبب ابراهيم حتى الفرح هو اللي بيتكفل بكل حاجة وبيقولو انه عرس مشترك واتفقو على انه يوم واحد

وبعد عشرة ايام قالت الدكتورة انها تقدر تطلع لانها بدت تهدئ وكأن روحها تقبلت اللي بيصير فيها بالذات ان جاها خوها وحكالها كل شئ وانها تو مرت ابراهيم
ولبستها امها عباية جابها لها ابراهيم ومع انه كل يوم يزور فيها وهو حامل ومحمل لكن هي ولا هيا هنا كأنها في دنيا ثانية
وطلعت من المصحة مع امها وابراهيم وخوها بدون ولا كلمة ولا حتى همسة
ونزلت لحوشهم كانها دمية يحركو فيها وبس
ومشن الايام اللي باقية على عرسها وطبعا الدكتورة نبهت ان مافيش علاقة حميمية الا بعد شهرين من اللي صارلها كنهدا الضرر بيكون كبير

وعدى العرس زي عرس كبير وفخم لناس عندها فلوس بالذات ان العروس آية في الجمال واي حد يتباهى بيها
ورغم ان مازال في آثار لكن الكوافيرة وبايدين خبيرة غطته كلها
وهي ولا هيا تتفرج على الناس ولاكأنها هي العروس وتحس في روحها كأن الناس ترقص في جنازتها
وكمل العرس وخذاها ابراهيم لشقته اللي فوق هله ورغم حلاوة الشقة هيا حستها كأنها حبس

ابراهيم .. مبارك عليا انتي

وهي ماردت شئ لكن جسمها يرعش كله بالذات هو يقرب بخطواته وهي تباعد نين مسكها الحيط وكيف مايكونش جسمها يرعش او ماتخافش وهيا مع راجل ذبحها وذبح روحها

ابراهيم بهدوء .. ماتخافيش ماسة انتي عارفة اني مادرتش هكي فيك الا عشان تكوني ليا لانك كنتي رافضتيني بكل ونا مافيش حد يقولي لا

ماسة ودموع نزلو يبكو على روحها وعلى الظلم اللي شافاته وبسبب انها بس قالتله لا وانها بس كانت تبي تكون وفية لولد عمها

ابراهيم يكمل .. ماتخافيش يا ماسة انا مستحيل انظرك اخرى وبيش تطمني الدكتورة قالت مانقدرش نقربك على الاقل لشهرين ونا والله لاني نموت فيك ونحبك واجد هو اللي خلاني اندير فيك هكي

ماسة هزت راسها براحة ودموعها وقفن لانها حست للحظة ان وقت اعادامها توخر شهرين

ابراهيم .. لكن مش معناها ترقدي في دار اخرى لا ماتفكريش هكي انتي مرتي تو وحلالي وحقي وملكي انديرلك اللي نبيه بس تكوني ليا خشي غيري دبشك ونا تو نغير في الدار الثانية