لاتترك يدي

الفصل الثالث عشر

معليش امبارح لما شفت تعبيقاتكم كنت بنزل فصل ثاني لعينوكم لكن النت دارها فيا وفصل لكن لتشجيعكم الحلو هذا فصل وآخر الليل حنزل واحد اخرى ان شاءالله

#لاتترك_يدي

الفصل الثالث عشر

سالمة .. الحق اني استغليت عازتهم
ابراهيم .. كيف
سالمة .. بات مروة لما ازوجن بناته الاثنين مع بعض ومعاها يساعد في عصام في تكميل شقته اطر انه يدين فلوس عشان كان في شغلة متأكد انها حتجيه لكن خش فيها حد وماصارش منها  لكن الراجل حقير وقعه على كمبيالة والراجل قعد يطالب بدينه ولاني نعرف ام مروة هي اللي حكتلي ونا عرضت عليها نخلص الدين كامل ومعاها مهر كبير لو وافقت وفعلا بعد وقت وافقو
ابراهيم .. ومالقيتيش لي غير صاحبة ماسة
سالمة .. قلت طالما قريبة ليها اكيد حتى في الطبع زي بعض ومرات تنسيك ماسة وتخليك تحبها
ابراهيم .. مع ان اللي درتيه غلط لكن تو عادي يا امي عشان نا مانقدرش نستغنى على مروة تو
سالمة .. ربي يدوم الود بينكم يارب

حواء.. يهبل القفطان هذا هو اللي استقبلي بيه الناس
ماسة .. بس صدره عريان
نادين .. مش واجد يا ماسة وبعدين العزومة كلها صبايا راه حتى غيث مستحيل يخش
حواء ومدت لها علبة .. هذا تلبسيه في ايديك ماتحوليشي بكل
ماسة فتحت العلبة .. شنو هذا يا عمتي شكله غالي بكل
حواء بحب.. مافي شئ يغلى عليك وبعدين دبلة ومحبسها بس ومعاها طاقم يمشي مع قفطانك ماهيش هالحاجة الكبيرة
ماسة ونست نادين .. لكن مانقدرش نقبله يا عمتي
حواء بجدية .. ماسة اسمعيني يا بنتي في حاجات كنت نحس انهن مش لازم تعرفيهن لكن تو حاسة انك لازم تعرفيهن
ماسة .. شنو
حواء.. نحن من عيلة كبيرة ومايغركش ان مافيش حد يزور فيا تو غير غيث مكلم العيلة في عزاء زياد ان عزاهم مقبول واني تاعبة ومش حمل زيارات وانهم يبعتولي رسائل على الفون وخلاص وطبعا كلمة غيث ماتقعدش اثنين لانهم يخافوه ويهابوه في نفس الوقت كبارة العيلة كلهم مايمشو الا بشوره لكن برضو يا بنتي زي مافي اللي يخاف منه ويهابه ومايدير في شئ في اللي يخاف منه ويهابه ومع ذلك مستعد انه يدير اي شئ بيش يهد بيه غيث
نادين بعد شافت خوف ماسة.. خلاصة كلام عميمة ان غيث عشان حقاني ومايحبش العوج ولا مال الحرام ديمة في حد ينويله في الشر والحفلة رغم انها تعريف بيك لكن مايغركش طيبة الناس والوجوه اللي بتشوفيها الغيران والحاسد اكثر من الفرحان فهذا ليش عميمة تبيك احسن مايكون وضحت الصورة ماسة
ماسة .. اه
نادين .. وبعدين مافيش عروس منغير دبلة وتكون فخمة اخرى تليق بمرت غيث وطاقم زيه
ماسة .. شكرا
حواء.. خشي انتي ومعاك نادين لدارك رتبي الدبش ومعاش نبي نشوف قفاطينك هذين فاهمة
ماسة .. حاضر يا عمتي

وخشت ماسة ونادين للدار وقعدت ترتب في الدبش وتساعد فيها نادين
ماسة .. اسئلي يا نادين
نادين بضحكة .. كيف عرفتي اني بنسئل
ماسة .. شكلك متوتر
نادين .. الحق واذا مافيش شئ يضايقك خاطري نعرف قصتك فيك حاجة تحير
ماسة .. كيف
نادين .. ترتبكي لما تشوفي اي راجل ورغم انك ماترفعيش في راسك لكن من صوته بس يقعد جسمك يرعش وكان تلقي اي مكان فيه راجل تهربي منه وترتاحي واجد لما نخشو لمحل نتعاملو فيه مع بنت فضولي قاتل غير ان في حاجة مش طبيعية بزيجتك من غيث
ماسة بتنهيدة .. ناقلبي استريح ليك واجد بس توعديني ماحد يعلم بالذات خوك صاحب ولد عمتي حواء
نادين .. وعد