#لاتترك_يدي
الفصل السادس عشر
لما جيت بنطلع خفت عليها مني لاني حسيت بيها تسحابني مش قاعد على شان صوتها وهيا تردد في الدعاء كان عالي فغيرت رايي ولما سمعت صوت بابها اسكر فتحت بابي بشواش وطلعت نسحب تقول سراق لدرجة نزلت مع الدروج واتصلت بمحمد ان يطلعلي وخذيته شور المربوعة عشان جناح الضيوف دار للشباب ودار لعمي منير ومانبيش نحكي حذاهم
محمد.. مش على اساس بترقد
غيث .. كذبت
محمد باستغراب .. عليش
غيث .. تصدق ان كلام راكان على ماسة ضايقني
محمد.. شنو
غيث بحيرة .. والله زي مانقولك ومعاها اخرى لو ماعارف نية راكان ممكن مش بعيد ضربته
محمد.. شكلك طحت يا رفيقي
غيث .. والله ماني عارف تعرف تو وهيا راكبة شكلها ماتعرفش اني فوق وصوتها كان عالي وهيا تردد في دعاء دخول البيت قديش حسيت براحة يا محمد ليا وقت طويل ماحسيتش بيها
محمد.. به هذي فرصتك تقرب منها
غيث بوجع .. وهل حتقبل بيا بشكلي هضا
محمد بتنهيدة .. والله مافيك حاجة غير انت اللي تشوف في شكلك هك وحتى الاصابة والله ماهي حاجة كبيرة وطالما انت متأزم منها هكي ديرلها عملية تجميل وريح بالك
غيث بعصبية .. مانبيش نين نلقى من ترضى بيا هك وتحبني زي ما نا وبعدها ساهل
محمد.. يبقى تقرب منها مرات تقبلك زي ما انت وتلقى سعادتك معاها
غيث بحيرة .. مش عارف مش عارف
محمد.. الله اكبر اذن الفجر هيا نصبو نمشو للجامع وادعي لربك يهونها
غيث .. هيا
وعدو للصلاة وروحو رقدو وبدا يوم جديد والساعة عشرة نزلت ماسة وعيونها منفخة وارهاق تحت عيونها
حواء..اسماله كنك يا بنتي
ماسة ارتبكت ماعرفتش شنو تقول
نادين غمزت لماسة .. كنك يا بنتي شكله غيث مسهرك
ماسة بي احراج وصوت واطي .. خذتنا السهرية بعد ماروح من الجامع وما نندروش على الوقت نين لقيته موخر
ماجدة .. به خشي تمددي جواء
ماسة .. لا بنساعدكم
نادين .. اهو نا وماما وعمتو وبهيجة
سادين
ماسة .. عيب اول يوم انسيبكم
حواء.. بعد ماتوعي ديري الحلو وهكي تقعدي ساعدتي
ماسة .. به
وطلعت مشت شور الدار اللي كانت ترقد فيها قبل وعلى طول تمددت بدون ماتغير حتى دبشها لحاجة نوم وخشت عليها حواء
حواء.. كنك يا بنتي ليش مش راقدة
ماسة وقمعزت .. ماقدرتش نغمض عيوني يا عمتي وقعدت واعية الوقت كله بين ما نتقلب ونقرا في قرآن وماصدقت جت الساعة عشرة بيش ندير سبلت التطييب
حواء.. به تمددي وحاولي ترقدي حتى ساعتين وسيورك حتتعودي على فراشك الجديد
ماسة بهدوء.. ان شاءالله
ورجعت تمددت وحواء طلعت ومهناك وقت وماسة رقدت فعلا وغيث كان برا وروح مع الساعة اثنين الظهر
ومشى الوقت بجو حلو بالذات مع نادين ودارت ماسة الحلو وكثرت الكمية لانها عرفت ان الشباب وكالين ويحبو الحلو خصوصا انهم كلهم يتمرنو وبعد ماكملو كل حاجة وفي الصالة الجوانية قاعدين حواء وماجدة ومنير يشربو في قهوتهم ونادين وماسة في دارها المعتادة
أنت تقرأ
لاتترك يدي
Short Story.. اصبر بس غير نتزوجه شهر شهرين بس ونجمع على قد مانقدر من الفلوس ونطلق منه .. به كيف بتخليه مايقربكش انتي ملكي نا بس .. كيد النسا بنستخدمه كل مرة بنديرله سبلة ولان هو يعبد التراب اللي نمشي عليه وحيتحمل ومايرضاش زعلي لانه اصلا مش مصدق روحه اني بجم...
