#لاتترك_يدي
الخاتمة
وشوي وطلعت الدكتورة وطمنتهم ان ماسة حالها كويس والبيبهات في الحضانة بيطمنو عليهم وحمد غيث ربه واستنى نين طلعوها لجناحها وكلهم التمو عليها يستنو فيها توعى كويس واول ماوعت
ماسة بصوت واطي .. غيث
غيث .. ياروحه حمدلله على سلامتك يا ماستي
ماسة .. الله يسلمك عيالي كيف حالهم
غيث .. كويسين وتو امي كانت حذاهم
حواء باستها على راسها.. حمدلله على سلامتك يا بنتي وعيالك كويسين كلهم
ماسة .. الله يسلمك الحمدلله يارب
وبعد ماسلمت عليها ماجدة ومنير ومحمد طلعو وخلوها مع غيث اللي مطر يسيبها لانه بيعدي للمركز بيش يكملو المحضر
غيث.. خفت عليك واجد لانك طولتي
ماسة .. ونا خشيت خايفة اني نطلع منها وتكون صارتلك حاجة
غيث .. طمني بالك يا قلبي خلاص مسكوه
ماسة بفرحة .. الحمدلله وين مسكوه
غيث .. هنا في المصحة
ماسة بخوف والتفت بشواش لغيث تطمن عليه .. مافيك شئ صح ماضركش
غيث وشد ايدها .. مافيا شئ يا قلبي ما لحقش اصلا
ماسة .. الحمدلله
غيث وباس جبينها .. ارتاحي يا قلبي بنعدي لمركز الشرطة بيش يكملو المحضر ونجيك
ماسة .. دير بالك على روحك
طلع غيث وخشت حواء وماجدة قعدو احذاها وطلع غيث ومحمد للمركز وبعد ماطمنو صلاح وراكان انهم شدو شوقي ارتاحو والقلوب اطمنت
وشوي وجو كلهم للمصحة حتى من سيرين وجابو التوآم واذن منير في وذنهم
نادين بفرحة .. حي عليك وعلى الازمة اللي بيدروها عيالك يا بنتي الثلاثة ماشاءالله عيونهم زرق
صلاح .. منين بيجيبو غيرهم اذا البات والام نفس لون العيون
انسام ..نا بنقضي اللي مازال من حملي بنتفرج على عيالك ماشاءالله
غيث .. باتهم صلاح وامهم انتي منغير ماتشوفي لعيالي حيطلع ولدكم سمح ماتخافيش
صلاح بثقة .. بنسميه سراج اكيد بيطلع سمح ولدي
حواء وجت حضناته .. ربي يحفظك لي
راكان .. ماقلتوش شنو بتسموهم
غيث .. ماسة سمتهم ليها وقت
نادين .. شوف المعفنة ونا ليا شهر اندور في اسماء
ماسة .. ماهو نبيها مفاجأة
حواء.. شنو يا بنتي بتسميهم
ماسة .. قبل مانقول بالك انتي اللي بتسميهم يا امي او في عقلك اسم خاطرك فيه
حواء.. صح هما احفادي وفرحتي بيهم تعادل الدنيا كلها لكن مش نا يا بنتي اللي قضت الحمل في تعب وقلت حركة وفتحو بطني عشان نجيبهم انتي الاحق من اي واحد انه يسميهم
ماسة .. عمران وزياد وحواء
حواء بفرحة .. صح بتسمي زياد
ماسة .. اه يا امي
سما .. يا عميمة سيبتي عمران وحواء وفرحتي بزياد
حواء تمسح في دمعة نزلت .. عشان زياد يقعد ولد غيث من ولية اخرى وانها تفكر تسمي عليه كبيرة هذي منها لكن حواء وعمران الام والاب فمتوقع انها تختار تسميهم
ماسة .. نا سميته على خاطرك يا امي عشان بسبب فراقه انتي تعبتي وحبيت نجيبلك واحد ثاني باسمه
حواء.. ربي يحفظك لي يا بنتي
أنت تقرأ
لاتترك يدي
Short Story.. اصبر بس غير نتزوجه شهر شهرين بس ونجمع على قد مانقدر من الفلوس ونطلق منه .. به كيف بتخليه مايقربكش انتي ملكي نا بس .. كيد النسا بنستخدمه كل مرة بنديرله سبلة ولان هو يعبد التراب اللي نمشي عليه وحيتحمل ومايرضاش زعلي لانه اصلا مش مصدق روحه اني بجم...
