ونحن ديمة عند الوعد ولان الفصل اللي فات قصير هذا فصل جديد فرجاء وليس امر فكوني منها كلمة قصيرة لان ديمة نقوللكم في البداية مانعرفش انوازن طول الفصول ( الملاحظة هذي للفيسبوك)
#لاتترك_يدي
الفصل السادس
غيث .. انتي
حواء.. روان
روان بعيون مليانة دموع مانطقتش ولاحرف ونزلت راسها لولدها اللي على طول التفت له غيث
غيث
نزلت نظري من اللي تبكي وشفته شفت ولدي نسخة عليا طبق الاصل ولا غلطة غير هو ملامحه طفل ونا راجل ونا مشوه وهو مافيشي شئ ولا شعوريا نطقت
غيث .. ولدي
روان بدموع .. ولدك يا غيث ولد جاء من هذاك اليوم تذكره يا غيث
غيث وماعدلتش على كلامها لكن ركزت على دموعها .. انتي ليش تبكي محمد قالي ان الخبطة ما ضرتاش
ضايقني بكا روان ومش فاهم عليش لكن قربت من ولدي وحسيت قلبي يدق بقوة بقوة وشلته لحضني واول ما شلته فتح عيونه ونطق با با ودمعة حسيت بيها نزلت مني وحضنته زين على خشة محمد ومازال بكا روان ما وقفش وزاد معاها تأثر محمد حطيت ولدي على السرير وبسته وجاته امي تجري تحضن وتبوس وهيا فرحانة ومش مصدقة انها شافت عيل لي لكن حسيت برجفة بجسمي لما تسئلني امتى صار هضا وهي بالذات كانت تعرف اني قديش كنت محافظ على روان حتى من كلام الناس شنو بنقوللها وسيبتها معاها وخذيت محمد وطلعنا برا
غيث .. قولي شنو في يا محمد
محمد بتأثر واضح .. ولدك بيموت يا غيث
غيث بصدمة .. شنو
محمد .. ولدك عنده مرض في القلب والدكتور قال ايام معدودة ليه بس
غيث ودمعة ماحسيتش بيها لما نزلت .. كيف كيف تقول هك يعني لما نعرف ان عندي ولد بيكون في آخر ايامه ليش ليش بس
محمد حضني ونا مش عارف كيف انهرت وسبحان الله ان شعور الابوة كيف يجيك فجاءة ومع اني ديمة كنت نبي نتابع في اخبار روان لكن في يوم و ليلة سمعت بيهم باعو شقتهم ومعاش نعرف وين انتقلو ومعاش همني وقتها
محمد.. اهدا يا غيث انت اصلا مكنتش تعرف بيه
غيث ومسحت دموعي ورجعت لروحي .. نا ما كنتش نعرف بيه ويا ريتني ما عرفت ليش نعرف عشان مازاله ايام ويريح مني ليش
محمد.. استغفر ربك شنو تقول انت
غيث تنهدت ومسحت على وجهي .. استغفر الله العظيم استغفر الله العظيم
قولي كيف عرفت انت
محمد .. نا كنت جايكم لان عمتي حواء كلمتني وقالت تبيني ونا في الطريق فطنت بروان تجري في جرة بيبي وقبل مانخبطه طاح اغمى عليه وتاريته اصلا الجري ممنوع عليه ولما نزلت لقيت روان تعيط بقهر خذيتهم وجبتهم للمصحة
غيث .. شنو عنده بالزبط
محمد.. عنده ضعف في عضلة القلب وانسداد في الصمام ومعاهن ثقب
غيث .. لاحول ولاقوة الا بالله به معقولة مافيش علاج الانسداد يندارله عملية وواجد عاشو بالثقب والضعف
محمد.. من الاخير علاج زياد زرع قلب بس يا غيث
غيث .. ونزرعو مستعد نسفره ونطلع بيه لاي دولة ولو نبيع اللي تحتي وفوقي
محمد.. معاش ينفع لاني قلتها للدكتور وكنت حتى نا زيك نحكي لكن الدكتور قال اصلا هو في ايامه الاخيرة و ما اعتقدش انه يعيش لعند ما اجراءات السفر اتم
غيث بقوة وخوف .. شنو هو تما ربي الاعمار بيد الله سبحانه وتعالى نا من تو اندير اتصالاتي انت ناسي ان ليا كلمتي والكل يتمنى يخدمني بس ومعاها نكلم ناسي ومعارفي اللي ليهم كلمتهم بيش يسهلو ليا الاجراءات يعني انصبي البشر على خاطره
محمد.. بس
غيث .. ما بسش هيا بس نمشو للدكتور يقوللنا وين الدولة اللي نلقو فيها قلب متوفر على طول بيش انسقو معاها
محمد .. هي
أنت تقرأ
لاتترك يدي
Short Story.. اصبر بس غير نتزوجه شهر شهرين بس ونجمع على قد مانقدر من الفلوس ونطلق منه .. به كيف بتخليه مايقربكش انتي ملكي نا بس .. كيد النسا بنستخدمه كل مرة بنديرله سبلة ولان هو يعبد التراب اللي نمشي عليه وحيتحمل ومايرضاش زعلي لانه اصلا مش مصدق روحه اني بجم...
