#لاتترك_يدي
الفصل الحادي عشر
حواء.. اللي سمعتيه نبيك تتزوجي ولدي
ماسة ودموعها زادن .. ليش يا عمتي ليش
حواء.. عشان نحميك عشان نقدر نحافظ عليك
ماسة بقهر ووجع .. من امتى الراجل كان حماية يا عمتي وانتي تعرفي اللي فيها
حواء.. على الورق بس يا بنتي حتى اختلاط بيه مش حيصير
ماسة .. ليش يا عمتي
حواء.. عشان اللي صارلك اول امس معاش يصير
ماسة .. وزواجي بولدك هو اللي يمنعه
حواء.. لا مش حيمنعه لكن على الاقل لما نصبو ليه تبقى لينا صفة رسمية تسكر فم كل واحد
ماسة بدموع .. مافيش حل غير هذا
حواء.. ياريت يا بنتي فكرت نين بطلت ومالقيتش الا الحل هذا
ماسة .. به نبطل قراية وخلاص ونكمل حفظ قرآن وبس
حواء صبت وبصوت عالي نين ماسة خافت منها لانها اول مرة تشوفها هك .. انتي شنو تقولي تسيبي المعهد مش سادك سيبتي الجامعة وخشيتي معهد ومعاها تبي تسيبيه ليش يا بنتي كيف بتصبي على رجليك وانتي الشئ الوحيد اللي بيسندك تقولي بتسيبيه ليش ليش
ماسة تبكي وبس
حواء وحاوالت تهدي روحها .. يا بنتي نا نقولك على الورق ومافيش حاجة حتصير فاهمة
ماسة .. فاهمة يا عمتي
حواء.. يبقى توكلنا على الله
وصل غيث للحوش ولقى امه تستنى فيه
حواء.. ها فكرت في كلامي
غيث .. بكرة انرد عليك يا امي عن اذنك تو
حواء.. طريقك زينة
وركب غيث لشقته وعلى طول فتح التسجيل وقبل مايفتحه قرر يسمع فيش ادير فسمعها تقرا في قرآن لكن هالمرة بصوت واضح انه صاحبه يبكي سكر الصوت وطول سمع التسجيل استغرب رد فعلها واتصل بمحمد
غيث باستغراب .. رفضت وبقوة وما وافقتش الا بي اصرار من امي ومافهمت شئ وامي قالت ليها عشان تحميها من الموقف اللي صارلها اول امس واكيد سبب انهيارها العصبي ووووك ببنفجر
محمد بضحكة .. خلاص يا رفيق عطي عمتي الراي ووافق على الاقل هك انت مرتاح
غيث .. كيف بنرتاح ونا مش عارف شئ
محمد.. امشي وراء عمتي حواء وشوف لوين توصل
غيث بتنهيدة .. هذا هو اللي بيصير
وفعلا ثاني يوم عطى غيث امه الموافقة وفي نفس اليوم تقول ماصدقت كلمت محمد وباته وجابو الشيخ وعقدو وكان وكيل ماسة اب محمد الحاج منير واصلا العيلتين علاقتهم ببعض قوية واجد
وتمت ماسة زوجة غيث وبدون ما واحد فيهم شايف الثاني او يعرف شنو اللي صاير لرفيقه لكن حواء كانت تعرف شنو ادير
وعدن ايام وجن ايام وماسة تمشي للمعهد والولد معاش ضايقها لانه اصلا معاش جاء للمعهد وغيث معاش حاول يفهم شئ وعنده صفقة كبيرة مشغول بيها ويروح موخر
غيث باستغراب .. غريبة يا امي واعية لتو
حواء.. نستنى فيك
غيث .. ماهو قايلك يا امي ان الايام هذي بنروح موخر
حواء.. عارفة لكن نبيك في موضوع
غيث .. ان شاءالله خير يا امي
حواء.. بندير عزومة عشاء للعيلة
غيث .. وبه ومن امتى تأخذي في رايي في الامور هذي
حواء.. بنعرفهم على مرتك
غيث .. شنو
حواء.. اللي سمعته
غيث بتنهيدة .. ليش يا امي مش هيا مرتي على الورق
حواء.. مرتك على الورق لكن اليوم كانت عندنا جارتنا حليمة وفطنتني لحاجة كانت غايبة عليا
غيث .. شنو هيا
حواء.. كلام الناس على ماسة وهما يشوفو فيها تبات عندنا وماهيش حد من العيلة ونا اصلا زوجتك بيها عشان نحميها مش نضرها
غيث .. ديري اللي بديريه المهم انتي عارفة تصوير وطلوع لصبايا العيلة لا
حواء .. به
غيث .. خطرها يمي قولي لبهيجة بكرة اديرلي سندوتشات الشاورما اللي دارتهن امس غير نبي كمية كبيرة
حواء.. عجبنك
غيث .. اه اصلا اول مرة بهيجة ادير حاجة جديد شكلها وطعمتها سمحة واستخدمت وحدة من هالمواكين اللي معبيات الكوجينة
حواء بضحكة .. هذي ماسة اللي دارتهن وحاضر تو انقوللها
غيث .. خلاص مش لازم
أنت تقرأ
لاتترك يدي
Short Story.. اصبر بس غير نتزوجه شهر شهرين بس ونجمع على قد مانقدر من الفلوس ونطلق منه .. به كيف بتخليه مايقربكش انتي ملكي نا بس .. كيد النسا بنستخدمه كل مرة بنديرله سبلة ولان هو يعبد التراب اللي نمشي عليه وحيتحمل ومايرضاش زعلي لانه اصلا مش مصدق روحه اني بجم...
