للمرة الثالثة محاولة تنزيل
#لاتترك_يدي
الفصل الرابع
عواطف .. ليش يابنتي خذيتي حبوب منع حمل بدون علمه
ماسة بحسرة على عمرها .. عليش بنجيب منه عيل عشان يذكرني بذلي وخيبتي وروحي اللي ذبحها بدون لارحمة ولاشفقة عشان قلت له لا والله عشان يذكرني بسبب زيجتي من باته ليش نجيب عيل مانقدرش ندافع عليه لو ينظلم زيي ترا قوليلي
عواطف وحاسة بالذنب .. وانتي مفكرة لو ماجبتيش منه عيال حيسيبك
ماسة بنظرة خاوية .. اكيد حيزهق مني ويطلقني والله حتى يتزوج وحدة ثانية بيش تجيبله العيال ونا نفتك منه
عواطف .. انتي عارفة لو اطلقتي باتك شنو بيدير ليك
ماسة .. حيبيعني مرة اخرى لاول راجل يدق بابه
عواطف .. وهذا اللي تبيه انتي
ماسة .. نا كرهت الرجالة وكارهة سيرتهم لو يطلقني بس ماعاد مخليتكم تشوفي وجهي
على خشة ابراهيم وسكتت ماسة وماقدرتش تسيطر على خوفها ورعشة جسمها
ابراهيم .. ليش يا ماسة ونا كنت نستنى في اليوم اللي نسمع فيه خبر حملك بعيل مني عيل يربطني بيك ديمة ليش يا ماسة
ماسة لفت وجهها وماردتش عليه
ابراهيم .. جهزيها يا عمتي عواطف الدكتورة قالت تقدر تطلع
عواطف .. به
وجهزتها وساعدتها وروحت للحوش وسندها ابراهيم نين دخلها للشقة
ابراهيم .. مش حنسيبك نين ندفنك يا تدفنيني والعيل حيجي منك حيجي فمعاش اديري شئ وحبوبك اللي نسيتي تحوليهن من الدرج واللي تحت دبشك قولي عليهن السلام
وسيبها نزل لامه يوصيها عليها
سالمة .. حرام عليك يا ولدي اللي درته فيها حرام عليك
ابراهيم .. نحبها يا امي ومش قادر نسيطر على عصبيتي قدامها بالذات مع نظراتها اللي مافيهنش روح
سالمة .. ومن خلى نظراتها هك ترا فهمني مش انت
ابراهيم .. خلاص يا امي اللي صار صار
بالله ديري بالك عليها
سالمة .. ما توصينيش
وطلع ابراهيم وسيب وراه قلب يبكي بدل الدموع دم وعقل رافض الوضع اللي انحط فيه
ومر الوقت وروح ابراهيم وريحته واضحة وهو يطوح يمين ويسار وخش للدار وماسة دارت روحها راقدة لكن انتبهت ليه وهو يحول في دبشها
ماسة بخوف .. حرام عليك مازالت مريضة
ابراهيم .. الدكتورة قالت انهن ايام نشاط بويضتك خليني اندير اللي انديره بالهداوة خير ما اندير فيك زي مادرت امس
ومن الخوف سكنت وتقبلت اللي يصير فيها بكل هدوء وبكل وجع وتحملت نين انتهى وانقلب على وجه رقد وهي بقلب مكلوم دعت ربها
ومرن عليها ايام واجد وهي على الحالة هذي وبعد مر عشرين يوم جابلها ابراهيم اختبار حمل وللاسف الشديد طلعت حامل في نفس اليوم اللي سكرت فيه سنة متزوجة ورفعها لدكتورة اتابع عندها وقالت الدكتورة ان جسمها ضعيف بكل لازم العناية بيها وعدم الممارسة على الاقل لثلاث شهور وممكن هذا احسن حاجة صارت بسبب حملها
أنت تقرأ
لاتترك يدي
القصة القصيرة.. اصبر بس غير نتزوجه شهر شهرين بس ونجمع على قد مانقدر من الفلوس ونطلق منه .. به كيف بتخليه مايقربكش انتي ملكي نا بس .. كيد النسا بنستخدمه كل مرة بنديرله سبلة ولان هو يعبد التراب اللي نمشي عليه وحيتحمل ومايرضاش زعلي لانه اصلا مش مصدق روحه اني بجم...
