لاتترك يدي

الفصل الثامن

#لاتترك_يدي

الفصل الثامن

غيث بصدمة .. امي انتي تحكي
حواء.. الحمدلله يا ولدي
غيث بفرحة .. الحمدلله يا رب
محمد خش عليهم .. نا ندور فيكم وانتم هنا
غيث وكأنه فطن لروحه .. هيا يا امي صبي نمشو لدارك

وبدون مايلتفت لماسة او حتى يعبرها بكلمة طلع وهو و محمد

حواء.. تو نرد ليك انتي امتى طالعة
ماسة .. اضني بكرة
حواء.. على خير يا بنتي

وعدت حواء مع ولدها لدار ورقدها على السرير

حواء .. نا كويسة يا غيث انت كيف حالك
غيث مسك ايد امه .. نا بلاك ضايع يا امي دفنت ولدي وانتي مش معاي عشان تقويني بس الحمدلله اهو رديتي
حواء.. الفضل بعد ربي للبنت اللي دفعت علاجها
غيث ونساها بكل .. اي بنت
محمد بضحكة بيغير الجو  .. تي اللي خبطت فيك واغمى عليها ماهو عندها حق خشت في حيط
حواء بضحكة .. في هذي صدقت
غيث وفرح لضحكة امه .. بس ماطلعتش نا السبب في اغمائها اصلا البنت كانت ميتة تتنفس بس 
حواء وردت لحزنها لما اذكرت قصة ماسة .. ربي يعينها
غيث .. ماكنتي تضحكي تو يا امي كنك شنو في
حواء.. مافي شئ يا ولدي نا نبي نطلع من المصحة كرهتها
غيث .. حاضر تو انديرلك اجراءات الخروج ولازم اندورلك على وحدة تقعد معاك
حواء .. مش لازم لاني لقيتها بس قولولي روان كيف حالها
غيث .. صابرة على الاقل هيا قضت معاه وقت اطول مني ولكن كانت عارفة انها بتفقده في اي وقت هذا ليش صبرت
محمد .. وسبحان الله عكس عماد اللي لتو مازال منهار
حواء تكلمت بنبرة لوم لغيث.. لان تعب واجد بيش يعيش زياد كويس ويوفرله دواه
غيث بتنهيدة وفهم لوم امه .. وسمعت ان عليهم دين واجد ومش عارف كيف نساعدهم
محمد .. عندي الحل
حواء وغيث .. شنو
محمد بضحكة .. لهدرجة تبو تساعدوه
غيث .. انطق بسرعة
محمد.. نا اطقصت على عماد وعرفت انه يشتغل بياع في محل مواد غذائية كبير يعني تقدر تقول سوق صغير شوي فترة ما بعد العصر والصبح مدرس بشهادته ومرات يعطي في دروس خصوصية وان صاحب المحل هو اللي يبي منه معظم الدين وتو صاحب المحل عارضه للبيع فاشري انت المحل بديونه وهك تصفي دين عماد وفي نفس الوقت خليه هو اللي يمسكه لك مقابل نسبة من المربح غير الراتب وهكي تبقى ساعدته بدون ماتهينه
حواء.. فكرة سمحة
غيث .. بس انت كيف عرفت هذين كلهن
محمد.. لاني عارفك يا رفيق انك اول حاجة بديرها بعد ما تطمن على عمتي حواء انك بتساعده
غيث .. والله وجبت فيها امنا هيا بسرعة نمشو لصاحب المحل بعد ما نطلعو امي
حواء.. عدو ديرولي خروج مابين ما لميت دبشي ومشيت للبنت سلمت عليها

وعند ماسة

ترجى في الممرضة تخش عليها وتكلمها تشوفلها شغل عندهم على خشة حواء عليها

ماسة بفرحة .. اهلين عمتي
حواء.. اهلين بنتي نا بنطلع تو
ماسة .. الحمدلله
حواء ومدت ليها ورقة .. هذي فيها رقمي بكرة لما تبي تطلعي وقبل ماتطلعي تتصلي بيا
ماسة .. اكيد يسعدني نتصل بيك ونطمن عليك
حواء .. لا مش تطمني عليا نا نبيك تتصلي بيا نجي ناخذك انتي مش ادوري على شغل
ماسة بلهفة .. اه عندك حد يبي وحدة تشتغل عنده
حواء.. اه
ماسة .. من ان شاءالله ناس كويسة يا عمتي
حواء.. نا
ماسة .. كيف
حواء.. نا بعد اللي صار الضغط مش ثابت عندي وديمة الدكتور ينبه فيا من الهبوط غير مرض قلبي واللي للاسف حفيدي انولد بيه وبما اني نبي وحدة تكون معاي ولما عرفتك وعرفت قصتك ليش ماتكونيش انتي منها تونسيني ومنها يكون عندك مكان تسكني فيه وتاخذي راتب كويس
ماسة بدموع .. ليش
حواء.. ليش شنو
ماسة .. ليش صدقتيني وما ضربتيش الخونة
حواء بثقة .. لاني عند نظرة في الناس ونعرف اللي يحكي صادق او كذاب من عيونه وعيونك كانن ماينطقن غير بالصدق
ماسة ومسكت ايدها بتبوسها ماخلاتهاش .. نا مش عارفة كيف نشكرك
حواء .. انك تهتمي بيا كويس بس
ماسة .. حاضر حتى تبيني نطلع معاك تو عادي
حواء.. لا بكرة يا بنتي لاني سئلت عليك الدكتور وقال ان عندك كورس علاج لازم تاخذيه كامل بيش تردي لصحتك لانك كان مارديتيش لصحتك كيف بتعانيني
ماسة بفرحة .. حاضر بكرة اول مانطلع نكلمك تقوليلي العنوان
حواء.. نا قلت تتصلي بيا قبل ماتطلعي نجيك كلمة هيا
ماسة ودموعها موقفنش .. حاضر

وطلعت حواء لقت غيث مكمل الاوراق وطلعت هيا ومحمد وفي السيارة

حواء.. غيث
غيث .. نعم
حواء.. شفت الحسابات وتأكدت ان البنت الفلوس سدن علاجها
غيث .. اه يا امي وحطيت اخرى مبلغ لبكرة لان اخر يوم ليها
محمد.. ما لاحظتوش حاجة
غيث .. شنو
محمد .. بخصوص البنت
حواء وركزت .. كنها
محمد .. ان لما خش غيث ليك وانت عند البنت كمشت في روحها ولما صبيت في فم الباب زادت خشت في روحها تقول خايفة من حاجة
حواء تبي تغير الموضوع .. بنقوللكم بكرة البنت بتجي تقعد معاي
غيث وقف السيارة بقوة .. شنو (والتفتت لامه لوراء) كيف بتخششي بنت لحوشنا ما نعرفوش فيتها ولا قصتها شنو
حواء .. رد سوق السيارات وراك يبيبن
غيث وشغل السيارة من جديد
حواء.. نا نعرفها
محمد.. من امتى يا عمتي
حواء.. نا عندي نظرة في الناس والبنت مادستش عليا شئ وارتحت ليها والكلام في الموضوع هذا انتهى

غيث ومحمد سكتو رغم ان الكلام ماعجبهمش

حواء .. تحطوني في الحوش وتطلع تجيب سرير ودولاب بيش نحطوهن في الدار اللي احذا الكوجينة مابين ما ضمتها بهيجة
غيث .. بتسكنيها معانا في الحوش يا امي واخرى في داري 
حواء..  اللي كانت دارك وها امنا وين تبيني انسكنها بالك مع بهيجة وحسن
غيث .. مش قصدي لكن في دار اخرى برا سكنيها فيها اريح وحتى هيا بحمامها
حواء.. نا بهيجة تسكن برا من الحوش عشان معاها راجلها لكن البنت بروحها لا هذي ماتصير
محمد.. خلاص يا غيث

ونزل غيث امه وبعد ما اطمن عليها طلع هو محمد بيش يجيبو السرير والدولاب

محمد باستغراب .. كنك منزلنا هنا
غيث .. بنأخذ حاجات قبل
محمد .. من هنا
غيث .. غير هيا انزل معاي وتعرف بالك تسحابني بنخلي بنت غريبة مع امي بدون ما اندير احتياطي
محمد.. اللي يفهمك يربح المليون
#حياة
اللهم نسألك من اليقين ماتهون به علينا مصائب الدنيا