#لاتترك_يدي
الفصل السادس والعشرين
ماسة
بعد ما عيطت بكلمة ولدي اغمي عليها قلبي انقبض لكن تفكرت نصايح غيث لو صارت حاجة شنو اندير لامي عيطت على خالتي بهيجة جابتلي دواها حاولت نشربه لها بعد ما وعيتها بالعطر وردت اغمى عليها من جديد وطلبنا الاسعاف تبع المصحة اللي اتابع عندها واتصلت بعمي منير وبلغته ونا قلبي مقبوض ودموع تنزل وبس خايفة على غيث بشكل مش طبيعي دموعي ما وقفنش ولا لساني وقف دعاء وجت سيارة الاسعاف كنت في هضاك الوقت نا وخالتي بهيجة لبست امي ولبست نا عبايتي الشرعية وركبت معاها السيارة ونرن على رقم غيث يعطي فيا خارج التغطية ومحمد مايردش وشوي لحق علينا عمي منير خذوها مني ودخلوها للاسعاف وجتني عمتي ماجدة ونادين ونا مازالت مش فاهمة شئ وجيت لعمي منير
ماسة بدموع .. يا عمي رن على محمد بالك يرد عليك نا نتصل مايردش امي عيطت وقالت ولدي وسكرت والرقم حاوالت نتصل بيه يعطي فيا مقفل خايفة ياعمي
منير .. اهدي يا بنتي مايصير الا كل خير تو نتصل بيه
ماجدة حضنت ماسة .. اهدي يا بنتي ان شاءالله تطلع منها طيبة حواء مرت بيهن من قبل الازمات هذي
ماسة وبعدت عن حضنها .. بس الموضوع فيه غيث يا عمتي
ركزت على عمي يحكي معناها محمد رد عليه جيته نجري وخذيت منه الفون ونا نسمع محمد يبكي
محمد يبكي .. خسرت غيث يا باتي خسرت غيث
ونا هنا نحس في الممر ظلم وضاق وكأن جدرانه قعدت تتحرك وتبي تفعصني بينهن ومعاش نندري على شئ عشان الدنيا اللي غيث مش فيها نا معاش نبيها
عدى الوقت بين اللي يبكي واللي يواسي واللي داير روحه قوي وحتى العرسان اللي كانو مسافرين حجزو وبيجو على اول طيارة الدنيا تلخبطت وقعدو بين دار عناية ودار ملاحظة
الدكتورة .. وين زوج المدام
منير بدمعة نزلت.. توفى اليوم
الدكتورة .. انا لله وانا اليه راجعون ربي يصبركم ويصبرها
ماجدة ودموع ينزلن بغزارة .. طمنينا يا دكتورة ماسة كنها
الدكتورة .. والله ماني عارفة على العموم المدام حامل في بداية اسبوعها الثاني وحاليا عندها انهيار عصبي ونتمنى انه مايكونش قوي لانه ممكن يأثر على الجنين
ماجدة .. لا ماتقوليها هو اللي ليهم تو اللي في بطنها
الدكتورة .. ربي يصبركم
وعدت وسيبتهم الدكتورة بين حزن وفرحة مش قادرة تخش قلوبهم يعني ربي يوم اللي خذاه فيه زرع بذرته في مرته
نادين ببكا.. وين محمد ليش مجاش لتو
منير وانهار بدموعه .. اكيد يلم في بقايا رفيقه ياربي ولدي حيفقد عقله الاول قريب خسرته ورديته ليا احسن من الاول والثاني هو اللي ليهم يارب كون معاه وماتسيبه يارب قويه على مصابه يارب
ماجدة .. هدي بالك يا حاج وان شاءالله حواء حتنوض قوية على خاطر حفيدها
منير ونادين .. يارب
أنت تقرأ
لاتترك يدي
Cerita Pendek.. اصبر بس غير نتزوجه شهر شهرين بس ونجمع على قد مانقدر من الفلوس ونطلق منه .. به كيف بتخليه مايقربكش انتي ملكي نا بس .. كيد النسا بنستخدمه كل مرة بنديرله سبلة ولان هو يعبد التراب اللي نمشي عليه وحيتحمل ومايرضاش زعلي لانه اصلا مش مصدق روحه اني بجم...
