#لاتترك_يدي
الفصل الثامن والعشرين
وبعد وقت وفي الليل اتصل بيه المقدم سراج وان لقو البضاعة في المكان اللي قال عليه وانهم حطو كاميرا فيه بيش تكون دليل عليه ومحمد قاله تو يكلم حد يلمحله على المكان ولان الوقت ليل فبعث رسالة قبل لسيرين انها تكلمه وعلى طول رنت عليه وبعد السلام
محمد بجدية .. سيرين انتي تبي تساعدي الشركة او لا
سيرين بتأكيد .. اكيد
محمد.. نطلب منك مساعدة
سيرين .. تفضل وان شاءالله نكون قدها
محمد.. تعرفي تكذبي
سيرين .. اكيد
محمد بضحكة .. ديري روحك حتى بالكذب ماتعرفيش
سيرين بثقة .. اسمعني استاذ محمد مافيش انسان على وجه الارض مايعرفش يكذب او كذبله كذبة او اثنين ويقعد اكبر كذاب اللي يقولك عمري ما كذبت لكن الفرق بين انسان وانسان ان مرات كذبة شخص اضر شخص آخر وهنا يخلي الكذب سئ جدا لكن في كذب ومانبش قايلة كذب ابيض لان الكذب ماليشي الوان الكذب كذب لكن فيا شئ اسمه نوايا ومايعلم بيهن الا ربي فمرات انسان يكذب عشان مايضرش الانسان الثاني
محمد باعجاب .. صح للسانك اول مرة نحس ليه فايدة
سيرين بثقة .. عقلي يا استاذ المهم شنو تبي المساعدة
محمد.. اهم حاجة الاتصال هذا مايعلم بيه حد حتى اريج اللي معاك في الاستقبال
سيرين .. تم الكلام اصلا حتى لما اتصلت بيك بدري كنت في الحوش مابيتش نتصل ونا في الشركة
محمد.. تمام مش قلتي شوقي يسئل على مخزن خاص في الشركة
سيرين .. اه
محمد.. نا نقولك على مكان والمطلوب منك تمشي تلمحي ليه بالطريقة اللي تعجبك وممكن تقوليله لما روحتي للحوش اذكرتيه وبحكم ان مافيش حد يستخدم فيه الا نادرا فهذا ليش ماخطرش على بالك على طول
سيرين .. تم الكلام المكان وين
محمد.. الحمام القديم المسكر اللي بابه صغير بكل اللي ردمناه وخليناه مخزن للخرائط الخاصة بالمقاولات اللي فاتت
سيرين .. اه عرفته وصح ماخطر على بال حد بكل لانه جاي في زواية مدرقة وفي جيهة الارشيف وماحد يمشي واجد غادي تمام تو خليني نمخمخ كيف بنقول الكلام لشوقي هيا سلام
محمد .. ديري بالك على روحك
سيرين .. كون هاني سلام
ماسة
نضت فرحانة ومرتاحة ومش عارفة ليش ممكن عشان الحلم اللي حلمته واني اخيرا عرفت الشخص اللي كان يجيني ديمة في احلامي
اتصلت بامي وقلت ليه تركب ليا او اذا مافيش حد من الشباب بننزل ولانها خافت عليا من الدروج قالتلي هيا اللي بتركب وجت ومعاها سفرة فطور ونحس في روحي جعانة وفرحت امي كيف كليت
حواء.. اليوم فيك حاجة متغيرة
ماسة .. نحس في روحي مرتاحة تعرفي يا امي بشنو حلمت
حواء.. دوووم يارب مرتاحة حتى كويس على البيبي لما نفسيتك تتحسن وبشنو حلمتي عاد
ماسة .. تتفكري يا امي لما نحكيلك على الشخص اللي يجي في احلامي
حواء.. اه
ماسة .. طلع غيث يا امي قبل مايحلق شعره
حواء باستغراب .. غيث
ماسة .. اه يا امي امس جاني في الحلم في البداية خيال زي كل مرة بس هالمرة يقرب مايبعدش وجاء حط ايده على بطني وبضحكته اللي تهبل قالي حافظي عليه لعند مانجي
حواء وتختبر في وضع ماسة .. انتي عارفة ان غيث مش حيجي صح
ماسة بحزن .. عارفة يا امي لكن قلت اكيد غيث مشغول علي في بطني وعليا وهذا ليش يوعد فيا بانه بيجي ولهذا نضت مرتاحة وقلت لازم ناخذ بالي من روحي ومن جنيني عشان يكون حبيبي (وخنقتها العبرة ) مرتاح في قبره
حواء صبت .. صبي يا ماسة البسي عبايتك
ماسة .. وين بنطلع يا امي نا رابط راه
حواء.. مش رابط انتي
ماسة باستغراب .. كيف مش رابط يا امي تي اخرى نا ارباطي حتى مش اربع شهور وعشرة ايام نا رباطي لعند مانجيب يا امي ثمان شهور ومعاها راه كيف مش رابط
حواء.. تو تفهمي هيا خشي دوشي والبسي عبايتك وتلقيني نستنى فيك تحت بنغير دبشي حتى نا
أنت تقرأ
لاتترك يدي
Short Story.. اصبر بس غير نتزوجه شهر شهرين بس ونجمع على قد مانقدر من الفلوس ونطلق منه .. به كيف بتخليه مايقربكش انتي ملكي نا بس .. كيد النسا بنستخدمه كل مرة بنديرله سبلة ولان هو يعبد التراب اللي نمشي عليه وحيتحمل ومايرضاش زعلي لانه اصلا مش مصدق روحه اني بجم...
