وعدتكن لم يطلع الفصل قصير حنزل فصل ثاني ونا عند وعدي
#لاتترك_يدي
الفصل الثاني
وفي منطقة صغيرة من ضواحي المدينة الكبيرة
علي بعصبية .. كيف لتو هالحيوانة ماروحتش
عواطف بخوف .. والله عمرها مادارتها لتو
علي وعلى نفس عصبيته ويخبط في كل شئ يجي قدامه .. تي حتى خراها يعطي خارج التغطية كيف اندير نا حتى خوتها واحد زارد والاخر يقرا مع صاحبه
نا قلت من الاول مش لازمتنا هالجامعة
لكن شئ خوتها سكرو روسهم وقالو حرام مع المجموع اللي جابته في الشهادة هذا اللي جانا من وراء الجامعات مرواح عقبات الوقت
عواطف على نفس خوفها مع جسم يرعش كله خوف على بنتها وخوف من باتها .. والله عمرها مادارتها وديمة الباص يجيب فيها بعد العصر بالزبط وحتى لو محاضرتها تأخرت تسيب فيها عشان تكون في الحوش على الوقت اللي انت قايللها عليه
علي بصوت عالي .. وتو شنو الوقت قريب العشاء يذن وحتى الخرا بتاع الباص ماردش عليا
عواطف .. والله ماني عارفـ
علي .. سكري فمك اهو بتاع الباص يرن
سواق الباص .. ايوا يا عمي علي لقيتك ران عليا اكثر من مرة
علي بعصبية .. وليش مارديتيش
سواق الباص .. كان فوني في الشحن
علي .. بنتي وين
سواق الباص .. كيف بنتك وين بنتك حطيتها على فتحة شارعكم زي كل يوم
علي بصوت عالي .. شنو تقول انت بنتي لتو ماجتش
سواق الباص بخوف .. والله العظيم بنتك نزلتها بالزبط بعد اذين العصر بربع ساعة في مكانها اللي ديمة انزل فيها فيه
علي بحمق سكر فونه وبصوت عالي ويكسر فلي يجي قدامه حتى من عواطف خذت نصيبها .. والله لدني قاتلها بنتك الدايحة هذي وقولي علي قالها تسحاب روحها بتضحك عليا بالعباية اللي لابستها
على رنة فونه برقم يعرفه ومسجله عنده
علي .. كنه الخرا هذا يتصل مش وقته بكل
وفتح علي الخط
ابراهيم .. عمي علي
علي .. كنك شنو تبي
ابراهيم .. ماسة
علي بعصبية واضحة .. كنها تعرف وينها
ابراهيم .. اه في المصحة اللي احذا المدرسة
علي.. كنها بنتي شنو صار فيها
ابراهيم .. بنتك اغتصبت
علي بصدمة .. شنو شنو تقول انت
ابراهيم .. اللي سمعته
علي.. ومن اللي دار فيها هك تعرفه مسكته
ابراهيم .. نا
علي بصدمة اكبر .. شنو منو قلت
ابراهيم ببرود .. نا اغتصبتها
علي .. جايك ونهايتك على ايدي يا ولد الحرام
وسكر فونه وغير دبشه وهو طالع رن على عياله وقاللهم شنو صار
عواطف ببكا .. بالله عليك بنمشي معاك بنشوف بنتي
علي .. معاش تقولي بنتي نا ماعنديش بنات بنمشي نقتلها ونقتله ونغسل عاري
عواطف .. حرام عليك يا راجل عار شنو يقولك اغتصبها مش زنت معاه هيا
علي .. هيا هيا بتقعد سيرتي على كل لسان ياريتها ماتت وارتحت منها
على اساس سيرته نظيفة بسبب الخرا اللي يشرب فيه وطبعه اللي زي الزفت والناس كلها تخاف منه
وطلع علي وفي جرته عواطف تلبس في عبايتها ووصلو للمصحة اللي في منطقتهم واول ما وصل لقى ابراهيم عند باب المصحة يبي يتفاهم معاه قبل مايخش ولما شافه علي جاه ثاير وشده من دبشه وضربه بوني لكن ابراهيم مازال اصح من علي
أنت تقرأ
لاتترك يدي
Historia Corta.. اصبر بس غير نتزوجه شهر شهرين بس ونجمع على قد مانقدر من الفلوس ونطلق منه .. به كيف بتخليه مايقربكش انتي ملكي نا بس .. كيد النسا بنستخدمه كل مرة بنديرله سبلة ولان هو يعبد التراب اللي نمشي عليه وحيتحمل ومايرضاش زعلي لانه اصلا مش مصدق روحه اني بجم...
