#لاتترك_يدي
الفصل الرابع عشر
ماسة رغم بكاها لكن سماعته وبصوت واطي لكن سمعه غيث .. يا ياريت
غيث بهدوء.. شنو قلتي
ماسة برعشة .. انت قلت تبي دكتور نفسي ونا قلت لك ياريت
غيث بهدوء عكس العاصفة اللي جواه .. تبي دكتور نفسي يا ماسة
ماسة ووقف بكاها لكن رعشتها ما هدتش .. اه نبي لكن هنا مافيش
غيث .. عليش عشان كلامي
ماسة بهزة راس .. لا عشاني نا عشان نبي نعيش عشان رعشتي تبطل لما نشوف اي راجل عشان نقدر نتنفس براحة
غيث وماردش عليها .. هيا وصلنا
ونزلت ماسة للحوش واستقبلتها حواء كالعادة بلهفة واحتوت ماسة وهدتها نين رقدت من كثر مابكت وصاعبة عليها روحها
وغيث طلع طول ورد للشركة واول ماخش كلم حسام السكرتير بتاعه انه يبعتله موظفة اسمها رباب وعلى طول جت تجري
محمد.. في حد عنده
حسام بنظرة استغربها محمد.. اه عنده الاستاذة رباب
محمد بصدمة .. رباب موظفة قسم المحاسبة
حسام .. اه
ومازال محمد بصدمته ودق الباب وخش
غيث .. انتي عارفة اني عارف كل شئ على كل موظف وموظفة هنا حتى لو عمري ماتكلمت مع وحدة منكن
محمد يسمع وهو بقمة استغرابه لان غيث مايخالطش في الموظفات بكل ولو يبي حاجة من اي موظفة كان محمد هو اللي يتولاها بداله
رباب بثقة .. عارفة وبسبب هكي شركتك من اكبر شركات المقاولات في البلاد
غيث .. تمام والحق نا مانعرفش انلف وندور وحنخش في الموضوع على طول
رباب بي ارتباك .. تفضل
غيث .. نا عارف ان سيارتك تاعبة ومعاها اخرى انها في الورشة حاليا
رباب ساكتة ترجى فيه يكمل
غيث يكمل .. ونا نبي منك خدمة رغم بساطتها بس مهمة ليا
رباب .. لو نقدر عليها اكيد انديرها باذن الله
غيث .. نبيك ترفعي وتجيبي مراتي من المعهد اللي تقرا فيه
محمد الصدمة شلاته وفي نفس الوقت فرح
رباب باستغراب.. مافهمتش معليش
غيث بتنهيدة .. نا مرتي ماتحبش تركب مع اي راجل كنهدا راه درت ليها سواق لانها قالت السواق يبي مُحرم ففكرت انها تكون بنت سواقتها افضل ليها ولاني مانقدرش انحطها مع اي بنت ففكرت فيك اولا لاني عارف قديش انتي محترمة ونا حنأمن لمرتي معاك وثانيا حتستفادي واجد
رباب .. نا ماعنديش مانع الا اثنين اولهن واهمهن باتي ما اعتقدتش يوافق وثانيا سيارتي اللي انت عارف انها يومين اسبوع نحطها في الورشة
غيث .. بالنسبة للسبب الثاني احلى سيارة تكون عندك وتقدري تحسبيها هيا راتبك وبالنسبة لباتك لو تبي نقدر نمشيله بروحي
رباب بصدمة .. انت تمشي لباتي
غيث بهدوء .. اه
رباب .. تمام واعتقد ان باتي مش حيعارض لو كلمته
غيث .. تمام
رباب بتردد.. بس ممكن نطلب طلب
غيث .. تفضلي
رباب.. لو باتي وافق السيارة ماتكونش حاجة غالية
غيث باستغراب .. ليش
رباب .. لان لما تكون غالية مستحيل حنقدر نخلص حقها من مجرد توصيل لمرتك وفي نفس الوقت حتجيبلي حكي واجد نا منقدرش انوقفه بسبب ظروفي
غيث بتفهم .. حاضر وبعد العصر باذن الله حنجي لباتك ياريت توقضيه
رباب .. حاضر
أنت تقرأ
لاتترك يدي
Short Story.. اصبر بس غير نتزوجه شهر شهرين بس ونجمع على قد مانقدر من الفلوس ونطلق منه .. به كيف بتخليه مايقربكش انتي ملكي نا بس .. كيد النسا بنستخدمه كل مرة بنديرله سبلة ولان هو يعبد التراب اللي نمشي عليه وحيتحمل ومايرضاش زعلي لانه اصلا مش مصدق روحه اني بجم...
