لاتترك يدي

الفصل الواحد والعشرين

#لاتترك_يدي

الفصل الواحد والعشرون

ماسة .. نا بنقعد مع غيث ياخالي
متحت .. ليه طالما انا موجود
ماسة .. اسباب واجدة نحب نحتفظ بيها لكن اللي نقدر انقوله ياخالي ان الراجل الوحيد حاليا اللي نقدر نتعامل معاه هو غيث انت لو ركزت لما سلمت عليك ورغم اني حاوالت وقعدت نقنع في روحي انك خالي وانك مستحيل اضرني لكن رعشة جسمي زادات لكن غيث حاليا هو آماني يا خالي رغم اني ديمة انقول بعد تجربتي ان الراجل عمره ماكان آمان الولية لكن غيث اثبت العكس ليا ودليل هك ان رعشة جسمي لما نكون مع غيث من ثاني جلسة عند الدكتورة وقفت وليا اسباب ثانية اهمها امي الثانية حواء اللي حضنتني واهتمت بيا وصدقتني رغم عدم عرفها بيا عكس هلي اللي جابوني وربوني 
متحت.. يعني هذا آخر كلام عندك
ماسة .. ماتزعلش مني يا خالي
متحت.. عمرك ماتفكري كدا انتي زي وحدة من بناتي وعمري ماهزعل منك وانا معاك في اي شئ تعمليه فاهمة عليا وباب بيتي وحضني ديما يرحبو بيك
ماسة .. شكرا ياخالي

نا كنت نسمع في كلامها وردها وقديش فرحني كلامها واسعدني وقديش تما عندي فضول نعرف اسبابها الثانية اللي ماقالتهاش لكن قلبي ارتاح ونبضاته ردن طبعيات

ورحو من عند خال ماسة بعد ماوعدوهم انهم بعد العيد حيجو يكونو هما روحو هما وعيالهم ووصلو للشقة يادوب ماسة غيرت دبشها وتوضت وقعدت تقرا في قرآن

غيث
نا مرتاح لسماع صوتها مش متخيل كيف يمر عليا الليل بدون تلاوتها للقرآن نا لازم اندير حل ونا نفكر النوم خذاني

مروة .. عليش جايب هضا كله قديش بيلبس سلومي
ابراهيم .. حبيب باته لبسيه كل يوم لبسة وهاكي حتى انتي مانسيتكش طبعا هذي مني لك لكن بكرة اكيد حنشيلك للسوق تختاري لبسة العيد بروحك 
مروة .. شكرا 
ابراهيم .. لو حد بيشكر حد هو نا اللي بنشكرك بسببك واجد حاجات تغيرت فيا مكنتش متخيل يجي يوم ونكون هك او يتعدل حالي
مروة .. عشان انت تبي تتغير وكان عندك قناعة انك تتغير
ابراهيم .. صح انضرت ماسة بسببي وممكن هيا كانت الكف اللي وعاني من التيار اللي ماشي فيه
مروة .. ابصر وين هيا تو
ابراهيم .. حتى الرقم اللي كلمت منه امي على اوراقها مقفل يعطي
مروة .. نا عندي رقمها نعطيه لك ولو بتردها والله ماعندي مانع راه
ابراهيم .. نردها حتى لو نا نبي هيا لا بعد اللي درته فيها ماضني تحق حتى في وجهي مش تردلي
مروة .. امنا ليش تسئل
ابراهيم .. نبي نعتذر منها نبيها تسامحني ومانبيش اتصال نبيها تشوفني بعيونها كيف نا نادم بالك ربي يحنن قلبها عليا وتسامحني نا حبيتك يا مروة وحاسس انك انتي لا
حاسس اللي درته في ماسة هو اللي مصبي بينك وبيني
مروة وقربت من ابراهيم ومسكت ايديه ومطبسة راسها تلعب بصوابعه  .. نا نحبك يا ابراهيم  من لما شفتك ونا في ثالثة اعدادي قلبي مكانش فيه الا انت لكن انت كنت ماتشوفش فيا بكل نا دسيت حبك جوا قلبي حتى اقرب صاحباتي ماسة ماقلتش ليها كنت خايفة بسبب طبعك وعاداتك خفت يقولولي كيف تحبي واحد زيه ونا ماليش حكم على قلبي حبيتك يا ابراهيم في الوقت اللي انت كنت ماتشوفش غير في ماسة بس
ابراهيم .. معقولة انتي تحبيني ومن زمان
مروة بهزة راس .. اه وهذا السبب الاول اللي خلاني نتزوجك غير دين باتي لان صدقني باتي كان يقدر ايدير حاجات واجد بيش يخلص دينه لكن نا فهمت امي اني نبيك وهذا ليش زوجوني ليك حتى عصام لما كلمني اعترفت ليه اني نبيك واني قادرة نغيرك غير تبي صبر ونا كنت مؤمنة جوا قلبي ان حبي يوم من الايام يوصلك لكن لما كنت تغلط باسم ماسة ونحن في اوضاع حميمية كانت زي الطعنة ليا
ابراهيم حضنها وباس راسها.. حقك عليا والله وضحت ليك ليش كنت نغلط باسمها والله كنت نموت ونا شايف نظرة الحزن في عيونك وضعفك اللي كان كل يوم يزيد وانتي حامل لكن لما جبتي وحسيت في هذيك اللحظة اني ممكن كنت نفقدك او نفقد جنيني هذاك الوقت حسيت بيك غالية عليا واجد
مروة .. ونا من يوم ماجبت شفت ابراهيم ثاني ابراهيم اللي تمنيت نشوفه ونا كل اتصال يتصل بيا عصام ونا نحكيله ونقوله انك تغيرت وانك مريحني ماتتخيلش فرحتي ونا نحكي لخوي على تغيرك بالذات وهو عارف قصة ماسة وكان خايف عليا واجد
ابراهيم .. حتى العنف في الممارسة رغم انه يسعد فيا لكن حاوالت وقاعد نحاوال اني نبعد عليه
مروة ودخلت راسها في صدره .. ونا معاش يضايق فيا لاني نحس بيك لما تحاوال ماتبقاش عنيف واجد معايا نا نحبك يا ابراهيم وايش ما ادير حلو منك
ابراهيم زاد حضنها وقرب من وذنها .. به نلحقو انحصلو جولة نختمو بيها الاعترافات الحلوة هذي
مروة بصوت واطي .. مازال على الفجر ساعتين
ابراهيم وهو يطب فيها .. يبقى توكلنا على الله