Unicode
ငါ့နှလုံးသားရေပြင်ဟာ
တခြားသူအတွက်ဆို
မုန်တိုင်းတိုက်တာတောင်မလှုပ်ခတ်ခဲ့ပေမယ့်
နင့်အတွက်ဆိုရင် လေတိုက်ရုံနဲ့ကို
ထိန်းမရအောင်လှုပ်ခါနေရပြီ။========================
စာသင်ခန်းရှေ့တွင်ရပ်စောင့်နေသောထက်လွန်းအား သော်လေးပြေးဖက်လိုက်သည်။
"ဖြေးဖြေးလုပ်ပါဟ "
"ဘာဖြေးဖြေးလုပ်ပါလဲ။ ငါ့ကိုတစ်ယောက်တည်းစာသင်ခိုင်းတာ ဘယ်နှရက်ရှိနေပြီလဲ "
"ချစ်ဆုံးလေးကလည်း နှစ်ရက်တည်းရှိပါသေးတယ်။ ဝင်ရအောင်လေ စာသင်ခန်းထဲ "
သူရစ်မည်စိုးသောကြောင့် ထက်လွန်းကစာသင်ခန်းထဲပြေးလေပြီ ။
ရှေ့ဆုံးခုံတွင်ထိုင်ရန်ပြင်လိုက်သော်လည်း မနေ့ကနေရာမှာပင် အခန့်သားထိုင်နေသော ကောင်မလေးကြောင့် နောက်ခုံသို့သွားရန် ခြေလှမ်းပြင်လိုက်မိသည် ။"ဒီခုံမှာပဲထိုင်လေ ယူရဲ့။ တို့တစ်ယောက်တည်းတင်ကို "
သော်လေးအားတစ်လှည့် ထိုကောင်မလေးအားတစ်လှည့်ကြည့်၍ ထက်လွန်းကသူမဘေးတွင်ဝင်ထိုင်လိုက်ပြီး သော်လေးအားခေါ်လိုက်သည်။
"သော်လေးကလည်း လာပါဟ။ရှေ့ဆုံးဆိုတော့ စာလိုက်ရတာအဆင်ပြေတာပေါ့ "
ထက်လွန်းအတင်းဆွဲသောကြောင့် ထိုခုံတွင်သော်လေးထိုင်လိုက်ရသည်။ သူမတို့နှစ်ယောက်ကြားထဲတွင်တော့ ထက်လွန်းသူရှိ၏။
"ငါ့နာမည်ကမောင့်ရွှေအိမ်သူပါ။နင်တို့နာမည်ကရော "
မကြားချင်ယောင်ဆောင်ကာ ဂိမ်းဆော့နေသောသော်လေးကြောင့် ထက်လွန်းကပင်
"ငါကထက်လွန်းသူပါ သူကတော့သော်ဝတီဦး "
သော်လေးက ထက်လွန်းအားမျက်စောင်းထိုးလိုက်သည်ကိုမြင်လိုက်သောကြောင့် အိမ်သူပြုံးလိုက်ကာ
"သော်ဝတီဦးတဲ့လား။ ထက်လွန်းသူရဲ့ သူငယ်ချင်းကအရမ်းချေတာနော်။ မနေ့ကငါကခင်ချင်တယ်ပြောတာတောင် သူကမလိုချင်ဘူးတဲ့လေ "
"ဖြန်း....."
လက်သွက်လှသောထက်လွန်းလက်ဝါးက သော်လေးကျောပေါ်ဖြန်းကနဲ။
YOU ARE READING
နှလုံးသားမှာ ဆူး
Romanceလိုတရဘဝနဲ့နေလာရပြီး ဘေးနားအရိပ်လိုလိုက်ပြီးဘဝပုံပေးကာချစ်ခဲ့တဲ့လူကိုလိုသုံးအဖြစ်သဘောထား ကိုယ့်အတ္တကို ရှေ့တန်းတင်ကာ၊ငွေဂုဏ်မောက်ပညာဂုဏ်မောက်၊နှလုံးသားကိုဥပေက္ခာပြုကာ လိုသမျှအကုန်ငွေနဲ့ဖြည့်ဆည်းတတ်တဲ့ သူမ #မြတ်ယွန်းလ...