𝙐𝙣𝙞𝙘𝙤𝙙𝙚
"ရပ်....ရပ်ပါဦး ကလေးရဲ့....မမမောလာပြီ"
သူမလက်အားဆွဲကာ လူနာခန်းထဲကနေပြေးထွက်လာခဲ့သည်မှာ ဘယ်ကိုရောက်လာမှန်းပင်မသိတော့။မောဟိုက်သလိုပြောလာသော သူမအသံလေးကြားကာမှ သော်လေးပြေးနေသည်ကိုရပ်လိုက်ရသည်။
ဘေးကနေ သူ့အားပြုံး၍ကြည့်နေသည့် ဖြူလွှလွှမျက်နှာလေးအာတမေ့တမောစိုက်ကြည့်နေရာမှ နှလုံးသားတစ်ခုလုံးစုတ်ပြတ်သတ်နေသည်ဟု ထင်ရလောက်အောင်နာကျင်လာရသည်။သို့ပေမယ့် ထူးဆန်းတာတစ်ခုက အရင်လိုတားမရဆီးမရမျက်ရည်များ ကျဆင်းမလာခြင်းပင်။
"ဘယ်တွေသွားနေတာလဲ.....ဘာလို့အကြာကြီးပစ်ထားတာလဲ....မမ မရှိရင် ကျွန်မအဆင်မပြေဘူးဆိုတာကိုသိရက်နဲ့ "
"ဟုတ်ပါပြီ အဲ့ဒီအတွက် မမကတောင်းပန်တယ်နော်....."
သူမနှုတ်ဖျားမှ ပထမဆုံးထွက်လာသည်ကတိုးလျလျစကားသံလေးသာ။
သော်လေးဘေးနားဖြတ်သွားသော လူများကိုကြည့်နေရင်းမှ သူတို့နှစ်ဦးနှင့်မတူညီသည့်အရာများကို သတိထားမိလာသည်။"မမ....ဘာလို့....ဘာလို့အခုလိုဖြစ်နေရတာလဲ ဘာလို့အရိပ်တစ်ခုလို....မဟုတ်သေးဘူး ဘာလို့အခုလို တစ်ခြားလူတွေနဲ့မတူရတာလဲ....မဟုတ်မှ ဦးတို့ကသေသွားပြီလား "
"မမက...."
"မသိတော့ဘူးကွာ သေတယ်ဆိုလည်းဂရုမစိုက်တော့ဘူး....ဘယ်လောက်တောင်လွမ်းနေခဲ့ရလဲဆိုတာမသိဘူးလား ရက်ရက်စက်စက်နဲ့အကြာကြီးပစ်ထားရက်တယ် "
သော်လေးဘာမှစဥ်းစားမနေတော့ဘဲ လွမ်းနေခဲ့ရသမျှအတိုးချကာ သူမအားတင်းတင်းကျပ်ကျပ်ဖက်ထားမိသည်။
"ချစ်တယ်နော်...မမကိုလက်မလွှတ်ပါနဲ့....ပြီးတော့မငိုပါနဲ့ ဦးရဲ့ငိုကြွေးသံတွေကြားတိုင်းမမနာကျင်ရတယ်....မမဘေးမှာ ဦးရှိနေပေးမှဖြစ်မှာ "
"ဘာ....ဘာလို့လက်လွှတ်ရမှာလဲ.....မမက ဦးဘေးမှာပဲနေရမှာ မမဘေးမှာ ဦးကအမြဲရှိနေပေးမှာ....."
သော်လေးသူမအားဖက်ထားသည်မှာတင်းတင်းကျပ်ကျပ်။ဆေးရုံကော်ရစ်တာမှာ ဟိုဒီလျှောက်သွားနေကြသောလူများ သူမတို့နှစ်ဦးခန္ဓာကိုယ်အား ဖြတ်လျှောက်သွားကြသော်လည်း ထိုအတိုင်းရပ်နေဆဲပင်။
YOU ARE READING
နှလုံးသားမှာ ဆူး
Romanceလိုတရဘဝနဲ့နေလာရပြီး ဘေးနားအရိပ်လိုလိုက်ပြီးဘဝပုံပေးကာချစ်ခဲ့တဲ့လူကိုလိုသုံးအဖြစ်သဘောထား ကိုယ့်အတ္တကို ရှေ့တန်းတင်ကာ၊ငွေဂုဏ်မောက်ပညာဂုဏ်မောက်၊နှလုံးသားကိုဥပေက္ခာပြုကာ လိုသမျှအကုန်ငွေနဲ့ဖြည့်ဆည်းတတ်တဲ့ သူမ #မြတ်ယွန်းလ...