𝙐𝙣𝙞𝙘𝙤𝙙𝙚
"ပြောထက်လွန်း.... "
".............................."
"အင်း အခုလာခဲ့မယ် "
ထက်လွန်းဖုန်းဆက်သောကြောင့် သော်လေးအစည်းဝေးခန်းသို့အပြေးလာခဲ့လိုက်သည်။ တံခါးဖွင့်ကာဝင်သွားလိုက်တော့ ဆေးရုံအုပ်ကြီးနှင့်အတူ....Cardiology ဌာနတွင်ရှိသောဆရာဝန်များ....ကိုယ့်ထက်ရာထူးကြီးသူတွေရှိသောကြောင့် သော်လေးခေါင်းငုံ့ကာဖြင့် ထက်လွန်းနှင့်အိမ်သူထိုင်နေရာဘေးတွင်သွားကာထိုင်လိုက်သည်။
"ဘာလို့အစည်းအဝေးခေါ်တာလဲ "
"သိချင်ရင်သွားမေးပါလား"
သူကထက်လွန်းကိုမေးပေမဲ့ ဘောက်ဆတ်ဆတ်ဖြေလိုက်သည်ကအိမ်သူ....။
"ဘာဖြစ်နေတာလဲအိမ်သူ"
"အရှေ့ပေါက်ကနေဝင်လာပြီးတော့ ရှေ့ဆုံးတန်းမှာထိုင်နေတဲ့သူတွေကို မတွေ့ခဲ့ဘူးလား "
"ဘယ်သူတွေလဲ....မတွေ့ခဲ့ပါဘူး "
သော်လေးပြောနေရင်းကပင် ထိုင်ခုံမှကိုယ်ကိုအနည်းငယ်ကြွ၍ အရှေ့သို့ကုန်းကြည့်လိုက်မိသော်လည်း....ထိုင်ခုံပေါ်ပြန်၍ဆောင့်ဆွဲချလိုက်သောအိမ်သူ
"အ....နာတယ်အိမ်သူရဲ့ "
"နည်းနည်းလေးလောက်အိန္ဒြေဆည်ပါဦးလား....အဲ့လောက်တောင်ကြည့်ချင်နေတာလား"
"ဘယ်သူတွေလဲလို့လေ "
"နင်တို့နှစ်ယောက်တိတ်တိတ်နေကြစမ်းပါ....ပွစိပွစိနဲ့နားတွေကိုညည်းနေတာပဲ တော်ကြာနေ ပါမောက္ခကကြားလို့လာငေါက်နေဦးမယ်....သော်လေးလည်ကနာငြိမ်ငြိမ်နေ....အိမ်သူကလည်း မမြင်ပါဘူးပြောနေတဲ့လူကိုပြသနာရှာမနေနဲ့ "
"သူကငါ့ကိုဒေါသထွက်အောင်လုပ်နေတာလေ "
"ကိုယ်ဘာလုပ်လို့လဲ...."
"ကဲတော်ကြပါတော့လို့ပြောနေရင်ဟာ...."
"ဒေါက်တာသော်ဝတီဦး....."
သုံးယောက်လုံး၏အကြည့်များက ဆေးရုံအုပ်ကြီးဘေးတွင်ထိုင်နေသော သူမတို့၏ပါမောက္ခကြီး ဒေါ်စန်းစန်းရှိရာဆီရောက်သွားရ၏။သော်လေးမဆိုင်းမတွပင်မတ်တပ်ထရပ်လိုက်သည်။
YOU ARE READING
နှလုံးသားမှာ ဆူး
Romanceလိုတရဘဝနဲ့နေလာရပြီး ဘေးနားအရိပ်လိုလိုက်ပြီးဘဝပုံပေးကာချစ်ခဲ့တဲ့လူကိုလိုသုံးအဖြစ်သဘောထား ကိုယ့်အတ္တကို ရှေ့တန်းတင်ကာ၊ငွေဂုဏ်မောက်ပညာဂုဏ်မောက်၊နှလုံးသားကိုဥပေက္ခာပြုကာ လိုသမျှအကုန်ငွေနဲ့ဖြည့်ဆည်းတတ်တဲ့ သူမ #မြတ်ယွန်းလ...
