𝙐𝙣𝙞𝙘𝙤𝙙𝙚
"ကဏန်းမဆလာကအရမ်းစပ်တယ်အိမ်သူ....အများကြီးမစားနဲ့ဗိုက်အောင့်နေမယ် "
"သိပ်မစပ်ပါဘူးသော်ရယ်..... သော်ကအစပ်မစားနိုင်လို့ အရမ်းစပ်တယ်ထင်ရတာပါ "
သော်လေးသူမအားဘာမှဆက်မပြောတော့ဘဲ ထမင်းသာဆက်စားနေလိုက်သည်။
မနက်ကအတူတူမနက်စာမစားလိုက်ရလို့ နေ့လယ်စာကိုတီလေးဆိုင်မှာလာစားတာ.... မှာထားသမျှဟင်းပွဲတိုင်း အစပ်တွေချည်းပဲ ငရုတ်သီးကိုမလွတ်။ပြောပြန်ရင်လည်းကိုယ်ကအစပ်မစားနိုင်လို့ အရမ်းစပ်တယ်ထင်နေတာက အပြောခံရသေး။
"ညနေ operation ဝင်ရမှာဆို "
သူမမေးခွန်းအား သော်လေးရေသောက်နေသောကြောင့် ခေါင်းပင်ညိတ်ပြလိုက်ရသည်။
"What Case "
"နှလုံးအဆို့ရှင်....တီချယ်ကြီးကိုင်မှာပါ....ကိုယ်ကအရံသဘောမျိုးပညာလိုက်ယူရုံတင် "
"ဘယ်အချိန်ပြီးမှာလဲ "
"ညနေလေးနာ......"
"မီးလေး.... "
သော်လေးစကားရပ်သွားရသည်က Lunch Box ကိုင်ကာ ဘေးနားရောက်လာသောတီလေးကြောင့်
"ဘာဖြစ်လို့လဲတီလေး "
"စားပြီးရင်ဆေးရုံတန်းပြန်မှာမလား "
"ဟုတ်တယ်လေ "
"အဲ့ဒါဆို ဒါလေးငယ်လေးဆီဝင်ပို့ပေး "
ဗုဒ္ဓေါ....အိမ်သူပါနေတာကို မမဆီဘယ်လိုဝင်ရမှာလဲ။
"တီလေးကလည်း ကိုယ့်ဘာသာကိုယ်သွားပို့လိုက်ပါလား "
"တီလေးကအရေးကြီးအစည်းဝေးသွားတက်စရာပေါ်လာလို့ပါ....ဆိုင်တောင်ဒီတိုင်းထားခဲ့ရမှာ....လမ်းကြုံနေတာပဲမီးလေးရယ်....ငယ်လေးကအစာအိမ်ဖြစ်ထားတာဆိုတော့ အချိန်မှန်မှန်စားရမှာပေါ့ ဝင်ပို့ပေးပါနော် "
"ဟုတ်သားပဲသော်ရယ်....တီလေးကတကယ်အဆင်မပြေလို့ အကူညီတောင်းတာကို ယူခဲ့လိုက်ပါ....သော်မပို့ချင်ရင်အိမ်သူပို့ပေးမယ်လေ....ဘယ်ကိုပို့ပေးရမှာလဲတီလေး "
"AYA ကိုပါသမီးရယ် မြတ်..."
"တော်ပြီတော်ပြီ....မီးလေးပဲယူသွားတော့မယ် အချိန်မီရောက်ရင်ဖြစ်တယ်မလား "
YOU ARE READING
နှလုံးသားမှာ ဆူး
Romanceလိုတရဘဝနဲ့နေလာရပြီး ဘေးနားအရိပ်လိုလိုက်ပြီးဘဝပုံပေးကာချစ်ခဲ့တဲ့လူကိုလိုသုံးအဖြစ်သဘောထား ကိုယ့်အတ္တကို ရှေ့တန်းတင်ကာ၊ငွေဂုဏ်မောက်ပညာဂုဏ်မောက်၊နှလုံးသားကိုဥပေက္ခာပြုကာ လိုသမျှအကုန်ငွေနဲ့ဖြည့်ဆည်းတတ်တဲ့ သူမ #မြတ်ယွန်းလ...
