Unicode
"နင်ငါ့ကိုဘာမှမပြောတော့ဘူးလား "
မျက်နှာချင်းဆိုင်ထိုင်နေကြပေမယ့် နှစ်ဦးစလုံး အတွေးကိုယ်စီဖြင့်စိတ်တွေလွင့်ပျံ့နေကြတာ မည်မျှပင်ကြာသွားသည်မသိ။
"နင်တကယ်ပဲ နှစ်ခါတိတိသတ်ရက်ခဲ့တာလား "
ပထမဦးဆုံး သူ့ဆီကထွက်ပေါ်လာသည့်ထိုစကားက သူမကို ထိုနေ့ကဖြစ်ရပ်ဆီပြန်လည်ခေါ်ဆောင်သွားသလိုပင်။သို့ပေမယ့် သူ့မျက်နှာအားတစ်ချက်ကြည့်ကာ သက်ပြင်းဖွဖွချလိုက်ပြီး
"ဘာလို့အခုချိန်မှာ အဲ့ဒါတွေလာမေးနေရတာလဲသော်....နင်တို့ငါ့ကို ကြိုက်သလိုအပြစ်ပေးလို့ရနေပြီပဲ နင်သိပ်ချစ်ရတဲ့နင့်မမအတွက် ကလဲ့စားချေပေးလို့ရပြီပဲမဟုတ်ဘူးလား "
စကားသံများအား လေသံမာမာဖြင့်ပြောနေသည့် သူမမျက်ဝန်းတည့်တည့်အား သော်လေးသေချာစိုက်ကြည့်နေမိသည်။
မကြောက်သလိုအပြစ်ပေးဖို့ပြောဆိုနေပေမယ့် မျက်ဝန်းတွေကတော့မညာတတ်စွာ ဂနာမငြိမ်ဘူးဆိုတာတော့ သူမ မသိလေဘူးထင်ပါရဲ့။"နင့်ကိုထိုက်တန်တဲ့အပြစ်တော့ပေးမှာပါ...ဒါပေမယ့် ငါကတော့မဟုတ်ဘူး....နှစ်ပေါင်းများစွာ နင့်ဘေးမှာရှိနေပေးခဲ့တဲ့ငါက နင့်မျက်လုံးတွေရဲအဓိပ္ပါယ်ကိုတော့ ဘာသာပြန်တတ်ပါသေးတယ်....ဖြစ်ပျက်ခဲ့သမျှတွေကို နင်နဲ့သူပဲသေချာသိမှာဆိုတော့...သူပြန်နိုးလာမှ သူ့စိတ်တိုင်းကျဆုံးဖြတ်လိမ့်မယ်ပေါ့... "
ထိုအဖြေအား မြတ်ယွန်းလင်းငယ်မိခင်ဆီမှသူမသိနှင့်ပြီးသားဖြစ်ပေမယ့် သော်ဘာကိုဦးတည်ပြောဆိုနေမှန်းကိုတော့ သူမ မသိတာအမှန်ပင်ဖြစ်၏။
"နင်ဘာကိုပြောချင်....."
"ငါ့ကိုဆက်ပြီးမချစ်ပါနဲ့တော့ အိမ်သူ "
သူမစကားပင်ဆုံးအောင်မပြောရသေး သူ့ဆီမှကြားလိုက်ရသောအကြောင်းအရာက အက်ကြောင်းထပ်နှင့်နေပြီးသားစကားလုံးများ။
"ဒါပဲလား "
"ပြီးတော့ သူ့ကိုလည်းဆက်ပြီးဒုက္ခမပေးပါနဲ့တော့ "
YOU ARE READING
နှလုံးသားမှာ ဆူး
Romanceလိုတရဘဝနဲ့နေလာရပြီး ဘေးနားအရိပ်လိုလိုက်ပြီးဘဝပုံပေးကာချစ်ခဲ့တဲ့လူကိုလိုသုံးအဖြစ်သဘောထား ကိုယ့်အတ္တကို ရှေ့တန်းတင်ကာ၊ငွေဂုဏ်မောက်ပညာဂုဏ်မောက်၊နှလုံးသားကိုဥပေက္ခာပြုကာ လိုသမျှအကုန်ငွေနဲ့ဖြည့်ဆည်းတတ်တဲ့ သူမ #မြတ်ယွန်းလ...