Unicode
နှလုံးသားနဲ့အပြည့်ရှိတဲ့ချစ်ခြင်းတွေကို
မင်းကမာနနဲ့ထိန်းချုပ်တယ်
ကိုယ်ကနာကျည်းချက်နဲ့ထိန်းချုပ်တယ်
ရလဒ်ကတော့ နှစ်ယောက်စလုံး
နှလုံးသားစုတ်ပြတ်အောင်
နာကျင်ရတာပဲ............
==========================
မြို့ထဲဝင်သည်နှင့် ရန်ကုန်နှင့်မတူဘဲအေးချမ်းလာသောရာသီဥတုကြောင့် သူမပြုံးမိသည်။
ဒီအငွေ့သက်လေးကိုမခံစားရတာကြာခဲ့ပြီပဲ.....
ခြောက်နှစ်၊ခုနစ်နှစ်ဟူသောအချိန်အတိုင်းအတာတစ်ခုက အရာရာကိုပြောင်းလဲသွားစေသည်။ တောင်ကြီးမြို့လေးမှာလည်း တိုးတက်ပြောင်းလဲမှုတွေရှိလာသည်ကို သူမတွေ့မိသည်။
"ဖေဖေ အိမ်မှာထောပတ်သီးရှိလား "
ဖေဖေကားမောင်းနေတာသိပေမယ့် သူမ မစောင့်နိုင်တော့။အိမ်ပြန်ရောက်တာနှင့်ဇာတိကပြချင်လာပြီ။ထောပတ်သီးအရမ်းစားချင်နေမိပြီ ။
"သမီးမေမေဝယ်ထားမှာပေါ့။မရှိလည်းခြံထဲသွားခူးလိုက် ဘယ်လောက်မှမကြာပဲနဲ့ကို။ အိမ်အရင်ရောက်အောင်ပြန်ပါဦး "
"ဟုတ်သားပဲ မီးလေးကလည်း။အိမ်ရောက်မှ ကိုကိုနဲ့ပြန်ထွက်ကြမယ်လေ။ကိုကိုလည်းမရောက်ဖူးတော့လိုက်ခဲ့မယ် "
တောသားမြို့ရောက်မဟုတ်သည့် မြို့သားတောပြန်ဆိုတာ ကိုကို့ကိုပြောတာ။ ကိုယ့်နိုင်ငံကိုယ်မနေနိုင်ဘဲ စင်္ကာပူမှာဖင်ပူရုံမက မီးတောက်အောင်ပင်နေပြီးတော့ အခုမှ ကိုကိုလည်းမရောက်ဖူးဘူးလာလုပ်နေ ။
"ပြီးတာပဲ စက်ဘီးကကိုကိုစီးရမှာ "
"ကားမရှိဘူးလား ဦးငယ် "
"ရှိတယ်သားရေ။မင်းညီမကတောင်ကြီးမှာဆို ခြံနဲ့ကျောင်းကိုစက်ဘီးနဲ့ပဲသွားတာကွ "
"ငါတော့သေပြီ သော်ဝတီဦးရေ "
ကိုယ့်နှဖူးကိုယ်ရိုက်ကာပြောနေသော ကိုကို့အားကြည့်၍ ဖေဖေနှင့်သော်လေးအပြိုင်ရယ်မိကြသည် ။
ခြံထဲကားလေးဝင်လာတာမြင်သည်နှင့် အိမ်ပေါက်ဝထွက်လာသောမေမေ့အား သော်လေးကားမှန်ချ၍ပင်လက်ပြလိုက်ကာ
STAI LEGGENDO
နှလုံးသားမှာ ဆူး
Storie d'amoreလိုတရဘဝနဲ့နေလာရပြီး ဘေးနားအရိပ်လိုလိုက်ပြီးဘဝပုံပေးကာချစ်ခဲ့တဲ့လူကိုလိုသုံးအဖြစ်သဘောထား ကိုယ့်အတ္တကို ရှေ့တန်းတင်ကာ၊ငွေဂုဏ်မောက်ပညာဂုဏ်မောက်၊နှလုံးသားကိုဥပေက္ခာပြုကာ လိုသမျှအကုန်ငွေနဲ့ဖြည့်ဆည်းတတ်တဲ့ သူမ #မြတ်ယွန်းလ...
