𝙐𝙣𝙞𝙘𝙤𝙙𝙚
"ငါ့ကိုဘာမေးခွန်းမှပြန်မထုတ်နဲ့ အခုချက်ချင်း တောင်ကြီးကိုပြန်လာခဲ့သော်ဝတီဦး "
တောင်ကြီးပြန်လာသည့်လမ်းတစ်လျှောက်လုံး မေမေ့၏တစ်ခွန်းတည်းသောစကားကိုပဲ သော်လေးထပ်တလဲလဲကြားနေမိသည်။
တစ်ခါမှ နာမည်ပင်ခေါ်ကာမပြောဖူးသော မေမေက ပထမဆုံးအကြိမ်လေသံမာမာနှင့် အမိန့်ဆန်ဆန်ဆိုလာသောကြောင့် သော်လေး မမအားလိမ်ခဲ့ရ၏။ပြဿနာကြီးကြီးမားမားမဟုတ်ပါစေနဲ့ဟုသာ ဆုတောင်းနေမိသည်။ပုံမှန်ဆိုလျင် အိမ်ပေါက်ဝကနေဆီးကြိုနေတတ်သောမေမေ့နေရာမှာ ဖေဖေကရပ်စောင့်နေသည်။သော်လေးကျောပိုးအိတ်ကိုယူ၍ကားပေါ်မှဆင်းလိုက်သည်။
"မေမေရော ဖေဖေ...ဘာဖြစ်တာလဲ...ဘာပြဿနာဖြစ်လို့လဲ "
သူ့မေးခွန်းအား ဦးမြတ်လင်းဦးခေါင်းအသာရမ်းပြလိုက်ပြီး
"သမီးမေမေအရမ်းစိတ်ထိခိုက်နေတယ်...သမီးကိုဖုန်းဆက်ပြီးကတည်းက အခန်းထဲဝင်သွားတာ အခုထိထွက်မလာသေးဘူး...."
သော်လေး ဖခင်ဖြစ်သူ၏စကားကြောင့် ပို၍ပင်စိုးရိမ်လာရသည်။
"ဘာဖြစ်လို့လဲဖေဖေ...မီးလေးကြောင့်လား....မီးလေးဘာလုပ်မိလို့လဲ "
သူ့ပခုံးအား နှစ်သိမ့်သလိုဖက်လာသောဖခင်ဖြစ်သူ ဦးမြတ်လင်းဦး။
"မီးလေး ကိုယ့်ကိုကိုယ်ထိန်းနိုင်သင့်တယ်....အခုတော့ မီးလေးမေမေကြောင့် ငယ်လေးတို့နဲ့မျက်နှာပျက်စရာတွေဖြစ်ရတော့မယ်....ဖေဖေတောင်သိပ်အံ့အားသင့်သွားရသွားတာ မေမေကတော့ပိုဆိုးမှာပေါ့ "
သော်လေးစိတ်ရှုပ်လာမိပြီ။ဘာအကြောင်းကြောင့် မမနာမည်ကပါလာရတာလဲ......
"ဘာတွေလဲဖေဖေရာ....မီးလေးကိုရူးအောင်မလုပ်ကြပါနဲ့ "
"မီးလေးအခန်းထဲမှာ မေမေစောင့်နေတယ်"
သော်လေးဘာမှဆက်စဥ်းစားမနေတော့ဘဲ အပေါ်ထပ်ပြေးတက်လာလိုက်ပြီး အခန်းရှေ့အရောက်တွင်တော့ အသက်ကိုဝဝရှူလိုက်ကာ တံခါးကိုလှည့်ဖွင့်လိုက်သည်။
YOU ARE READING
နှလုံးသားမှာ ဆူး
Romanceလိုတရဘဝနဲ့နေလာရပြီး ဘေးနားအရိပ်လိုလိုက်ပြီးဘဝပုံပေးကာချစ်ခဲ့တဲ့လူကိုလိုသုံးအဖြစ်သဘောထား ကိုယ့်အတ္တကို ရှေ့တန်းတင်ကာ၊ငွေဂုဏ်မောက်ပညာဂုဏ်မောက်၊နှလုံးသားကိုဥပေက္ခာပြုကာ လိုသမျှအကုန်ငွေနဲ့ဖြည့်ဆည်းတတ်တဲ့ သူမ #မြတ်ယွန်းလ...