𝙐𝙣𝙞𝙘𝙤𝙙𝙚
"ဟာ...အဲ့ဒါဘာလုပ်တာလဲ "
ဒူးနာနေရာမှ အမူးသမားလက်ကလွတ်ရန်ထပြေးမည်ကြံလိုက်သော်လည်း ကုတင်ပေါ်ကနေ ကိုယ်ရှိရာကြမ်းပြင်ပေါ်ကို လှမ့်ဆင်းလိုက်သောမမကြောင့် သူမ မနာကျင်စေရန်ထိန်းထားလိုက်ရသည်။ကုတင်ကမမြင့်လို့တော်သေးတယ်ဟုသာ သော်လေးတွေးလိုက်ရ၏။
"ဘယ်ပြေးမလို့ကြံနေတာလဲ....မမက ဦးကိုကိုက်မစားပါဘူးနော် "
ကြမ်းပြင်ပေါ်ပက်လက်လှန်ကာ သော်လေးပေါင်ပေါ်ခေါင်းတင်၍ ဇိမ်ခံနေသောသူမကလျှာလေးအာလေးနှင့်မေးလာလေသည်။
"မူးနေတာမလား....အိပ်လိုက်တော့လေ "
သူကသာပြောနေပေမဲ့ ရီဝေဝေသူမမျက်ဝန်းများက သူ့ဆီမှအကြည့်လွှဲမသွားပေ။
"အိပ်တာလား...အိပ်ချင်တာပေါ့ အရမ်းကိုအိပ်ချင်တာ...ဒါပေမယ့်လေ...ကလေးသိရဲ့လား...မမလုံးဝအိပ်လို့မရဘူး...မမနှလုံးသားထဲမှာ မီးတွေတောက်နေတယ်"
(လုပ်ပြီ...အရက်သောက်ထားလို့ရင်ပူနေတာကို...နှလုံးသားထဲမီးတောက်တယ်ရှိသေး...ဒီဘွားတော်ကတော့လေ... )
သော်လေးကိုယ့်အတွေးနှင့်ကိုယ် သူမအားပြုံးကာကြည့်နေမိတော့ ရောက်ရှိလာသော မျက်စောင်းတစ်ချက်....။
"ဘာလဲ...ဘာကြည့်နေတာလဲ ကျေနပ်နေတာမဟုတ်ဘူးနော်...."
သော်လေးသူမအား မျက်ခုံးပင့်ပြလိုက်ပြီး
"ခင်ဗျားလေးကဘာကိုမကျေနပ်နေတာလဲ...တကယ်တမ်းမကျေနပ်ရမှာ ကျွန်မမဟုတ်ဘူးလား "
"သော်ဝတီဦး...."
"ပြောကြည့်.... "
"နင်ကလေ...ကလေးရှိသေးတာကို အတတ်ကောင်းတွေတတ်နေတာလား "
ပက်လက်ကနေ လက်ညှိုးတစ်ထိုးထိုးနှင့် ပြောနေသောသူမစကားများအား နားမလည်ပေမယ့်လည်း...သော်လေးဒီတိုင်းသာငြိမ်နေလိုက်သည်....။
"ဘာလို့ပြန်မဖြေတာလဲ...ငြိမ်နေတာဆိုတော့ဟုတ်နေတာလား "
"ဘာကိုလဲ...."
"ကလေးရှိသေးတာ အတတ်ကောင်းတွေတတ်နေတာလေ "
"ကျွန်မ ကလေးမဟုတ်တော့ဘူး...မမမြတ်ယွန်းလင်းငယ်...အတတ်ကတော့မျိုးစုံတတ်တယ် "
YOU ARE READING
နှလုံးသားမှာ ဆူး
Romanceလိုတရဘဝနဲ့နေလာရပြီး ဘေးနားအရိပ်လိုလိုက်ပြီးဘဝပုံပေးကာချစ်ခဲ့တဲ့လူကိုလိုသုံးအဖြစ်သဘောထား ကိုယ့်အတ္တကို ရှေ့တန်းတင်ကာ၊ငွေဂုဏ်မောက်ပညာဂုဏ်မောက်၊နှလုံးသားကိုဥပေက္ခာပြုကာ လိုသမျှအကုန်ငွေနဲ့ဖြည့်ဆည်းတတ်တဲ့ သူမ #မြတ်ယွန်းလ...
