𝐔𝐧𝐢𝐜𝐨𝐝𝐞
နင်ကအမုန်းတွေနဲ့ပြန်လာမယ်ဆိုတာ
သိပေမယ့်
ငါကတော့အပြုံးတွေနဲ့ပဲဆီးကြိုနေမှာပါ။
_______________________
"Hello မေမေ သမီးအတွက်ထောပတ်သီးမှည့်တာလေးတွေခူးထားပေးနော် "
"-------------------"
"ရန်ကုန်လာရင်ယူခဲ့ဖို့မဟုတ်ပါဘူး။
သမီးတောင်ကြီးကိုပြန်လာမလို့ "
"------------------"
"အန်တီချိုတို့ကိုမပြောနဲ့ဦးနော်။ကိုကိုနဲ့အတူတူလာမှာ "
"-------------------"
"ဟုတ်မေမေ။ရက်နီးမှသေချာပြန်ပြောပေးမယ်နော် "
"နင်တောင်ကြီးပြန်မလို့ဆို သော် "
"ဟဲ့ပလုတ်တုတ်။ ဖြေးဖြေးလုပ်ပါဟ "
ဖုန်းလေး call end နှိပ်ပြီးရုံရှိသေး အခန်းတံခါးအားဒုန်းခနဲဖွင့်ကာ ဝင်လာသောအိမ်သူ့ကြောင့် သော်လေးလန့်သွားရ၏ ။
ကုတင်ပေါ်ထိုင်နေသောသော်လေးဘေးတွင်ကပ်ထိုင်လိုက်ပြီး သော်လေးလက်မောင်းအားဖက်လိုက်ကာ သော်လေးပုခုံးပေါ်မေးတင်၍ သူမထိုင်လိုက်သည်။
"ဒီကိစ္စကို ဘယ်လိုလုပ်သိတာလဲအိမ်သူရယ်။ မြန်လိုက်တာ။ငါ့အိမ်ကသတင်းတွေကို နင်ကငါ့ထက်ပိုသိနေတယ်နော် "
မကြိုက်သလိုပြောနေမယ့် သူမအားပြုံးကြည့်ကာပြောနေသော သော့်အကြည့်တွေအောက်မှာ နှလုံးသားကရှော့ခ်ဖြစ်နေရပြီ ။
"ငါကဘယ်သူလဲ။ နင့်ရဲ့တစ်ဦးတည်းသောအိမ်သူပါ။နင်နဲ့ပတ်သက်သမျှငါအကုန်သိတယ် "
"နာမည်ကြီးကလည်းတင်စီးလိုက်တာဟာ "
"ဘာလဲ...ဒီနာမည်ပဲနင်အမြဲခေါ်ခဲ့တာမဟုတ်ဘူးလား "
အိမ်သူပြောနေရင်းနှင့်ပင် အကြည့်တို့က စားပွဲခုံပေါ်မှ သော်နှင့်ဟိုအမျိုးသမီးတွဲရိုက်ထားသောပုံကိုမြင်လိုက်ရသည့်အခါ ထိုင်နေရာမှထလိုက်မိ၏။
"ခြံထဲသွားမယ်။ ငါဒီအခန်းထဲမနေချင်ဘူး "
သော်လေးသိပါသည်။ အိမ်သူက သူတို့အိမ်လာတိုင်း သူ့အခန်းထဲမှာကြာကြာမနေ။ မမနှင့်တွဲရိုက်ထားသည့်ပုံကိုကြည့်မိလျင် အပြင်ပြန်ထွက်သွားတတ်တာပင်။
YOU ARE READING
နှလုံးသားမှာ ဆူး
Romanceလိုတရဘဝနဲ့နေလာရပြီး ဘေးနားအရိပ်လိုလိုက်ပြီးဘဝပုံပေးကာချစ်ခဲ့တဲ့လူကိုလိုသုံးအဖြစ်သဘောထား ကိုယ့်အတ္တကို ရှေ့တန်းတင်ကာ၊ငွေဂုဏ်မောက်ပညာဂုဏ်မောက်၊နှလုံးသားကိုဥပေက္ခာပြုကာ လိုသမျှအကုန်ငွေနဲ့ဖြည့်ဆည်းတတ်တဲ့ သူမ #မြတ်ယွန်းလ...
