တညလုံးဂိမ်းဆော့ကာပြာယာခပ်ခဲ့သဖြင့်မနက်ဆိုတော်ရုံနှင့်သူမထနိုင်။
သို့ပေမယ့်လည်းမနားတမ်းခေါက်နေသည့်အခန်းတံခါးခေါက်သံကြောင့်မြည်တွန်တောက်တီးသံတို့ပလုန်စီနေအောင်ရေရွတ်ရင်းတံခါးကိုအပြေးသွားဖွင့်ပေးရပြန်သည်။
အိပ်ချင်မူးတူးနှင့်တံခါးကိုဆွဲဖွင့်လိုက်စဉ်
"မနက်ဖြန်မင်းအခန်းဖော်ရောက်လာလိမ့်မယ်။အခန်းထဲရှင်းစရာရှိတာလေးတွေကြိုရှင်းထားလိုက်နော်။မနက်ပိုင်းလောက်လာလိမ့်မယ်ထင်တယ်"
ဟူသောအဆောင်မှူးရဲ့စကားကြောင့် Boun သက်ပြင်းချမိသည်။အခန်းရှင်ရသည့်အလုပ်သည်သူ့အတွက်အခက်ခဲဆုံးနှင့် စိတ်မပါဆုံးအလုပ်ဖြစ်သည်။
"Khurb .."
သို့ပေမယ့်လည်းခေါင်းကိုတဆတ်ဆတ်ငြိမ့်ပြီးလက်ခံကြောင်းသဘောထားကိုပြရသေးသည်။
အဆောင်မှူးပြန်သွားလေတော့မှတစ်ဒေါင်လောက်ထူသည့်မွေ့ယာထူထူပေါ်တကိုယ်လုံးပစ်တင်လိုက်ပြီး အသံစုံနေအောင်အော်ဟစ်လိုက်ရသည်။
အပျင်းကြောဆန့်သည့်အသံဟုဆိုလျှင်တကယ်ပင်မှန်ပါလိမ့်မည်။သူ့အပျင်းတို့ကို ညှစ်ထုတ်လိုက်ရင် ဂါလန်ပေါင်းသောင်းခြောက်ထောင်လောက်ရပါလိမ့်မည်။
ထို့နောက်အသစ်ရောက်လာမည့်အခန်းဖော်အတွက်အိပ်ရေးမဝသည့်ကြားကပင်သန့်ရှင်းရေးထလုပ်ရတော့သည်။
ဘယ်နှစ်လစာဖွထားသည့်အမှိုက်မှန်းမသိ။အတိုးချ၍ရှင်းနေရသည်မို့ Boun တကယ်ပင်စိတ်မရှည်နိုင်တော့ပေ။
Boun Noppanut ဆိုသည့် ဆေးတက္ကသိုလ်ကျောင်းသားလေးသည် ခပ်ဖြူဖြူအသားအရည်ရှိပြီး ခြောက်ပေကျော်ချင်နေသည့် အရပ်ကြောင့် တက္ကသိုလ်ကျောင်းသူများအကြား ရေပန်းစားသည်။
ဆံပင်ကာလာသည် မီးခိုးရောင်မကျအဖြူမကျအရောင်။ ပန်းနုရောင်နှုတ်ခမ်းတစ်စုံသည်ကား မျက်ခုံးထူနက်နက်နှင့် ပနံသင့်လွန်သည်။
မိသားစု၌တစ်ဦးတည်းသောသားဖြစ်သည့်အလားအလိုလိုက်ခြင်းခံရသည့်အပြင်၊ဖူးဖူးမှုတ် သည်သည်လှုပ်ခြင်းပါခံရသည်။
ŞİMDİ OKUDUĞUN
Back To You
RomantizmThis is BounPrem fan fiction. Boun Noppanut and Prem Warut are not only medical students but also roommate. Prem is first year and Boun is his senior from the third year. A love story between these two boys.
