💛جزء من الذاكرة 💛|مكتملة|

🌼 الفصل الثاني 🌼

💜قبل البداية💜

           🌿أخشى عليك من نفسي⁦🌿

.....في مرحلة من الزمن قوانينا و مصطلحاتنا ما كيبقى عندهم حتى معنى... كتولي عندنا طريق أخرى ، فجأة ظهرات و خدات مساحة كبيرة ستحودات على الأفكار و الأحلام الاحاسيس و حتى على الكلمات لي كيخرجو بلا علم و كيكون عندهم معنى اعمق من لي كنتصورو....حياتنا كتشقلب و كنوليو كارهين هاد دخيل لكن ما عندناش قدرة عليه و لا حتى قوة ما تقدر تخليه يهرب و يتخلى على لمكانة لي خدا في لجسم ديالنا....هو فيروس قاتل شويا بشويا كيتغلغل في اعماقنا كيستوطنا و كيخلينا نتشبتو بيه و نتنفسوه...كنحسو بالوحدة إلى مشى،حيت كيرتبط مع شخص معين شخص بنسبة لهاد الفيروس هو اوكسجينو......

.....صمت مقتحم المكان.....صوت ديال نبضات قلبها اسر جدران الغرفة ضمنو.....ضوء الهاتف عاطي لظلام روح أخرى.....روح كتعج بالغصب و أحاسيس أخرى كتلعب و كتحاول تختارق....صباعها رقاق كتحط على شاشة الهاتف بحنان كأنها كتخيلو واقف قدامها كتحس ببرودة بشرتو و حرارة نظراتو...كتأمل في تفاصيل صغيرة لي كانت بمتابة المخدر بنسبة ليها......بشرتو السمراء شاحبة نظارتو لي محطوطين بمهل على أنفو...بندقية عيونو لي خلاتها تغرق فيهم كأنهم صحراء قاحلة و ريح عاطيها مذاق.... كتحس بيه قريب ليها في ديك لحظة قريب لدرجة أن قلبها وقف في جزء من الثانية و عاود رجع يتسمع رنينو كالمعتاد....حلقة مغناطيسية بينها و بين صورة خلاتها تغطس في دوامة لا متناهية من الاوهام و الأحلام الوردية اللحظية احلام تمناتها تتحقق بشدة لكن عقلها و منطقها طريقها ما متقبلهاش و هي ما عندهاش قوة تزعم و تكسر هاد رابطة لقوية بينها و بين هاد القيود.....كاسكطتو الرجالية السوداء عطات لهالتو غموض متير ملهم و ضحكتو لفاتنة خلاو هاد لمجهولة تبتاسم بهدوء و تطلع نفس بصعوبة....حكات عينيها بخفة و غمضاتهم و حطات لهاتف على صدرها و سرحات مع افكارها متمنية حاجة  ، و حوايج آخرين كيجبدوها لتقب لا مخرج منه.... تقب عامر بالعوائق و العواقب لكن كين فيه هو كين شخص لي قلبها نبض بسميتو شخص لي متالك كل نفس منها شخص لي خلاها تحس بالامان و حتى لخوف.... شخص لي كان صديق يوم و تحول فجأة لحب مؤلم حب كيطلع و ينزل فيها....حب قاتل و كيتلذذ بهاد لعذاب...

.... صوت ديال إحتكاك رويض مع الماء ديال شتاء عطى احساس خيالي لراكب لموطور كان شعور مفشكل كأنه كيطير في ديك لحظة بضبط....شعور عاصفي غاضب داخلو.... كيفرغ في داك لمسرح كل ما عندو من احباط..... سرعة كتزيد و شتاء كتصب بخفة كتختارق إديه لي محطوطة على لمقود....كيبان مجنون في ديك لحظة كأنه عصى قوانين لواقع و خلا قوانين أخرى تتحكم قوانين  ما عندها حتى علاقة بيه و لكن كان عندها رابط مع طريق سرعة لحياة بالنسبة ليه.....وقف فجأة قدام منظر خيالي منظر ليلي قاتم....حيد لكاسك بخفة و غمض عينيه و ستنشق عبث الليل و احاسيسو لمبهمة.....شعرو كيطير بخفة مع ريح و شتاء كتسقيه ، نزل من لموطور و جلس على الحافة كانت كتطل على طبيعة خلابة مظلمة.... نجوم مزينة ليل و لقمر واضح واخا شتاء لي كانت فارضة قوتها باش تخرب لمنظر الا أنها زادت لجو روح غريبة روح كترفرف و كتحلم.... صمت قاتم كان و تنفسو كيتسمع بخفة وسط هاد لأطموسفير الراقي لكانت من زهرو يشوفها....و يكون هو لملك ديالها و لمسيطر....مسح وجهو و غمض عينيه بخفة و مشى مع لهيب أفكارو لي كيحفرو بطريقة مؤلمة وسط عقلو....إديه كيرجفو بطريقة غريبة كتعكس شي حاجة حتى واحد ما عارفها من غير راسو يمكن حتى هو خايف منها و لا خايفها تخرج و تضمر ديك لعلاقة.....تنفس بصوت مسموع و هز راسو لسماء متمني حاجات يتحققو و يكونو عندهم مكان وسط حياتو...ركب فوق موطور و رجع بسرعة خيالية مخلي لبرد يختارقو و ما خايفش من هاد لجو لي يمكن يكون خطير....كيلعب على حواف طريق و مستمتع بهاد لحظات لي يمكن تكون مقدسة بالنسبة ليه....وقف قدام مكان معزول و ملفت و صمت كيميزو و صوت لاشجار لي كتحركها ريح عاطي نوع من الموسيقى الراقية الكلاسيكية لسامعها....لبرد عصف بقوة كبيرة خلاتو ينزل و يحل لكراج ديال لفيلة و يدخل لمومطور بسرعة....بقى واقف مدة قصيرة كيسمع لهاد صوت لعذب و غمض عينيه كأنه بغى يحس بيه.... دخل  و سد لكارج من موراه حتى تسمع صوتو لي كسر سكينة لبرد....