💛جزء من الذاكرة 💛|مكتملة|

🌼الفصل الاول🌼

🥀مجزرة الماضي⁦⁦🥀

..... الأيام كدوز بحال الدقائق لكن الالم و الأحزان كتبقى حاصلة في الذاكرة كيف تعاشت... كنشوفها كل لحظة كنحسو براسنا فاشلين و كتزيد تفشلنا....كتنزل علينا بلا رحمة و كتخلينا نغرقو اكتر ما حنا غارقين و تخلينا نحسو بأحاسيس مختلفة كتقتل و تطغى على كل خلية من خلايا جسمنا....ذكريات كتاكلنا و لكن كتقوينا في نفس الوقت واخا ما كترحمش و لكن كتوريك بلي حتى هوما ما رحموكش و حتى واحد ما غادي يرحمك فهاد الدنيا....
.....صوت رقيق كيختارق مسامعها نفس ريتم كيتعاود كل لحظة.... ما كرهاتش لارض تحل و تبلعها و لا هاد الهضرة لي كل نهار كتقتلها كل نهار كتخليها اضعف من لي قبل واخا عارفاها حقيقة الا أنها ما متقبلاهاش ما بغاتش تكون هادي هي حياتها ما بغاتش تتقبل أنها بصح كتنتمي لهاد العائلة...دمعة طاحت على خدها خلاتها تجمع إديها عندها و تضغط عليها بكل قوة كأنها كتحاول تكتم كمية الألم لي كتحس بيها....مسحاتها بعجرفة ما بغاتهاش تنزل ما بغاتش ضعفها يبان إلا أنها عارفة راسها ضعيفة....صوت الجدة تسمع أكتر كتحس بقلبها كيتخشاو فيه لماس و دموعها ما بقى ليهم والو و ينزلو...

•الجدة: حياتي كاملة و أنا نوكل فيكم وحتى واحد ما عايش بحال لعيشة لي عايشين فيها نتوما...فلوسي مشات عليكم نتوما و لا داك سكايري
ديال باكم....

.....إديها كيرجفو بطريقة غريبة كتعكس كل ما كتحس بيه من كره لذاتها كتحس براسها خطيئة ما كانش خاصها توقاع كتحس بذنب هازاه على كتافها...بضعف مخبي داخلها بفشل بكل ما كيعكس عدم القدرة على التحمل الا أنها باقة كتقاوم و كتحاول كل نهار تفيق و تنفس و تكمل العيش فهاد لحياة لي عطاتها غير الالم ...هزات ليزيات بخفة و غرساتهم بقوة في ودنيها متمنية انهم يعتقوها من هاد الأصوات لي بداو كيلعبو ليها في رأسها....حسات بلي بصح وصلات للحد لي يخليها تنتاحر و تتهنى من كلشي صفقة مغرية و ساهلة جرحة صغيرة في إديها غتخليها تتهنى من الألم و الحياة و حتى الأصوات لي في رأسها من جداها و بابها من كلشي المجتمع الآراء المحيط أي حاجة بكل بساطة...خدات ورقة و قلم و بقات غير كتخربق فيها كأنها كتخرج كلشي من عقلها بالتخربيق...ما كرهاتش تهرب من هاد دار لي كتحس براسها ملي كدخل ليها كأنها دارت أول خطوة للجحيم....و لكن كتفكر بلي الى خرجات غادي تلقى جحيم اكتر سودوية و ألم...الريتم ديال الموسيقى كيخليها غارقة في افكار ماشي منطقية مسرحيات كيتعاودو في عقلها بحال الى بصح حقيقة....الفشل غادي و كياكل فيها الا أنها ما بغاتش تكون خاضعة ليه حتى هو يكفيها هوما بكل بساطة.... هزات عينيها الصغار في حيوط غرفتها لي شهدو على كل حدث وقع فهاد الجحيم غمضات عينها و تنفسات الصعداء كأنها ما كرهاتش تتبخر حلاتهم بخفة مبالغ فيها لكن شافت حاجة خلات كل عضلة في جسمها تتقلص هو... لمحات ملامحو في حيوط هاد لغرفة لي ولات حبس...الصدمة ظهرات على ملامحها و الموسيقى ما قدراتش تحبس صوتو لي ختارق مسامعها...الخوف بدا كيتسلل و شعور غريب خلاها تشد رقبتها بطريقة جنونية....كانت بحال شي مجنون كتضور عينيها فالبيت متمنية أنه يكون وهم من مخيلتها....قلبها كيضرب بخفة و عقلها تخنق بأحداث خلاتو يوقف في الحافة كينزلو عليها بلا حتى ردة فعل...عينيها مزال مبلوكيا على الحيط...كتحس بلمسات خفاف كيتحطو على لحمها كأنها كيضربها ضو....إديها كيرجفو و القلم طاح صدر ضجيج خلاها تخرج من هاد لمسرحية و تهرب من هاد لغرفة بكل قوة....خرجات كتجري بخفة في الشارع كأنها تائهة بغات تنصاهر تمشي من هاد لبلاصة بغات تفقد الذاكرة....بغات تقتلو و تعدبو كيف عدبها 11 عام دازت على الحادثة بالضبط عاشت بالخوف كينهش فيها العداب النفسي و عدم التصديق بلي كلشي حقيقة....عدم القدرة على البوح و لا حتى الثقة....قطرات دموع خانوها و نزلو بتمرد كأنهم كيترجاوها ترحمهم و ترحم نفسيتها لي ما بقى ليها والو و تودع....تكات على الحيط كتنهج و كتمسح في دموعها...كتحس بالقوة لي كانت كتوريهم تبخرات كأنها عمرها ما كانت.... ظلام كيلعب بيها و الحروف كيحركوها كدور في بلاصتها كأنها أسطوانة قديمة كتعاود نفس الاغنية بلا ما توقف.....كتحس بحياتها منحاصرة في زون ما كيتبدل فيها والو و حدت واحد شاد القيادة.......