💛جزء من الذاكرة 💛|مكتملة|

🌼الفصل السابع عشر🌼

              

                   🌹جزء من الكاتبة🌹

....شافت في ديك الورقة بألم ظاهر و طاغي على ملامحها حسات بالاحراج....قلبها ضرها على ناردين و علاش هي من دون الشخصيات تجسد هاد  الألم لي عاشتو بغات تقطع ديك الورقة و تختارع أحداث جداد إلا أن جزء منها كينفي هاد الاختيار و ما بغاهاش ديرو....تنفسات صعداء و لمحات نافدة لي كانت قدامها و ما حساتش بالوقت كيف داز بزربة بغات ضحك لكن ديك ضحكة ما بغاتش تخرج بغات تكتب لكن حسات براسها دارت جريمة و قتلات روح ناردين واخا مزال حية...غمضات عينيها و بقات مركزة في الورقة و الأحداث و عقلها موجد الفكرة جاية إلا أن عقلها ما قدرش يوصل رسالة ليديها باش يطبعو لحروف.....هزات حقيبتها و وراقيها و عندها رغبة جامحة تخرج من المكتبة.....عند خروجها تسمع صوت المساعدة لي في المكتبة كتعيط ليها توجهات عندها بإبتسامة حاولات ما أمكن تخرجها...

•.......: إنصاف غبرتي علينا....مدة ما شفتك غاطسة بين الكتب..

....ضحكات على هاد الوصف و حطات حقيبتها و الوراق فوق طابلة و توجهات عندها ..

•إنصاف: ما كتعيطي ليا غير لا ما كانت عندك شي كوليا ديال الكتوبة باغة تستفيها ..

شافت فيها بعتاب و عنقاتها كأن الهضرة لي گالت ما عندها حتى هذف...

•........: حشومة تقوليها ...هضرتك صحيحة شيئا ما و لكن ماشي إستغلال راه كتعونني و كنعطيك لكتوبة لي بغاة وقيلة.

ضحكات و حطات إديها على كتافها و توجهات هي وياه لداخل تعونها يستفو لكمية لكبيرة ديال الكتوبة و يمسحو لقدام لي تغبرو...

•إنصاف: شنو جابو هاد المرة؟؟؟

هزات إديها بتعب و ورات لإنصاف الكتب لي محطوطة...

•.......: هاد المرة جابو شي حاجة جديدة و لكن جاتني بحال إلا بداو كيقلدو لمكتابات الاخرين...كين كتب خيالية و الأغلبية جيبنها و حنا ديما كنا كنجيبو الاستثناء...كين تاريخ و ثراث....كاين روايات دارت بوم و لكن كتاب واحد لي شكلو مفشكل....

جبداتو من درج مكتبها و حطاتو قدام إنصاف .... كان كيعج بالغموض و شيئا ما غلافو قديم و ميل لون الجلد....حطات إديها عليه و بقات كتحسسو بخفة حلات اول ورقة و قرات عنوان كان مكتوب بالخط العريض" أصفاد الماضي".....هزات راسها فيها و مرة تهبطها لكتاب....

•إنصاف: بغيتو..

رمقاتها بنظرة متسائلة و شيئا ما ميلة لرغبة في الجواب..

•إنصاف: و صافي نعاونك و في المقابل ناخدو و عاد راه قديم بزاف حتى واحد ما غادي يشريه و الى بقى هنا غادي غير يتغبر و يخسر .. أنا نعرف نرد ليه لبال....

•.......: خوديه و باركة من تفلسيف و نوضي عاونيني...

ضحكة شرقات على محياه و مشات بسرعة خشاتو في حقيبتها و رجعات عندها.....بداو كيستفو الكتب على حساب اللغة و من بعد على حساب الصنف و عاد في كل صنف كيستفه على حساب الحرف و  يمسحهم في نفس الوقت الى كان شي واحد قديم...