💛جزء من الذاكرة 💛|مكتملة|

🌼 الفصل الثامن عشر🌼

                   🌷حياة ثانية بدأت 🌷

....لمحها بنظرة تاقبة و كمل في المشي ديالو....حسات برأسها ما فاهمة والو و في نفس الوقت كتحاول و ما قدراتش... كتسنى الفرصة المناسبة باش تهرب منو و طبعا تاخد وراقيها.....كيتمشى و كيضحك على هاد التفاهة لي وصل ليها ما عمرو فكر شي نهار أنها غادي يدير هاد الخطوة اشمن خطوة و لا عبث لي دار قربات جنبو و لمحاتو ساهي في طريق و كيفكر و مزال كيرسم و يمسح فديك البسمة.....كتحاول ما أمكن تبعد منو إلا أنها كتلقى رأسها كتقرب بلا قصد...وصلو قدام مكان المعهود ألا و هو البحر طبعا و جلس و قلداتو كان صوتو كيتسمع بخفة و أكتر من ذلك كتحس بلمسو قريب و بعيد في نفس الوقت....

•مالك: بغيت نعرف كلشي على قصتك...

هزات راسها فيه و تسمعات صوت ضحكتها في البحر كامل...وجهات نظراتها مرة أخرى لبحر و تعاملات كأن الفكرة ما زعزعاتش كيانها...جبد الأوراق من تحت تريكوه و رمقها بنظرات أكتر ما هما كذوب كتقتل...

• مالك: بغيت نعرف أي كلمة شنو عنيتي بيها ولاش باغة توصلي...

لمحاتو بطريقة غريبة شنو السبب لي يخلي مجهول يبغي يعرف أغوار قصتها ماشي منطقي و ما يمكنش تزكل هاد لكلمات لي من صباح و هو يخربق عليها فيهم...

•إنصاف: السبب ؟؟؟

....شاف فيها و حرك رأسو كأنها باغي يطرطقو و غرق عينيها فعينيه الرجالية و ضحك بتقل كأنها حس بيها بدات تلين..

•مالك: ماشي بضرورة تعرفي...

....تنفسات و خدات الورقة من إديه و بدات كتقرا و تفكر شنو نوات من اي كلمة كتباتها سالات لقراية و عطاتها ليه هز راسو فيها بمعنى شنو...

•إنصاف: الهدف...

حيد ليها الورقة من إديه غرق عينيه فيها و خلاها واقفة كتسنى الجواب..

•مالك: شنو معنى العنوان علاش بضبط هو و شنو بغتي توصلي بيه للقراء..

تنفسات و حركات خصلات شعرها لي طارو بفعل البرد و رجعاتهم من مورا ودنيها رمقات ببرودة. .

•إنصاف: ما غاديش نهضر على العنوان دابا إنما غادي نشرح ليك واحد technique يمكن تفهم منها  و يمكن لا.... أي كاتب روائي و لا غير طالقها و لا متمرس كيجسد راسو بين أي حرف كتبو و لا كلمة و لا جملة رواية كانت و لا خواطر كيحط راسو تما لكن ما عمرو كيحط كلشي حيت كين  جزء و لا جانب منو كيمنعو يكون كلو بين الرفوف واخا يكتب ألف رواية و خاطرة عمرو يكون كاملة تما..فهمتي مقصدي..

ضحك بغرور و مسح على شعرو حيت أنه عرف جوهرها و كيانها....غرق تاني عينيه  في الورقة و دار عندها و على وجهو تحدي و رغبة  عمق أكتر من هادا...

•مالك: عنوان الفصل ما فهمتش شنو بغتي توصلي  بقبل البداية معنى ديك جوج كلمات....

•إنصاف: ما غاديش نهضر على الفصل إنما غادي نهضر على هاد جوج كلمات...شنو كيكون قبل بداية هادي حاجة واضحة و باينة نهاية شي حاجة اخرى كانت ديجا بادية و لكن منين جبنا أول بداية لي عندها علاقة طبعا ببداية البشرية... أي بداية كانت مع بدايتنا حنا يعني البداية ديال شي حاجة ماشي بضرورة تكون كاملة يعني تتختمات تقدر تكون وقفات في نصف فديك لبدية...