💛جزء من الذاكرة 💛|مكتملة|

🌼 الفصل التاسع والعشرون🌼

                        🐺مر من هنا🐺

.....ضحك بغرور و مستعد يواجهها بكل ما في جعبتو...تنفس بعمق و عينيه على كل رقعة من وجهها..

•مالك: شنو زعما أي حاجة تكتبات في القصة يعني راه كتجسدني..

...سكتات كتفكر فهاد الكلمات لي هي بحد ذاتها كتقولهم ، عينيه عليها و على كيفاش كلات الطعم بلا مقاومة و لا رفض....

•مالك: لكن بصح هنا جسدوني...

....كرزات على الأوراق كتفكر في الخطوة الجاية لي غادي يدير.... نطقات بحذر مبالغ فيه

•إنصاف: وضح كتر..

....هبط من على البلاصة لي كانو جالسين فيها و جرها عندو.....تمشى قدامها و كيتسنى فيها تبعو..

•مالك: الوضوح ماشي من شيمك.

....تبعات خطاه و مزال كتفكر فشنو بغى يوصل و لا لاش غادي يوصل..

•مالك: ما غاديش تهضري عارف ، واخا نبان ليك عاطفي في القصة إلا أنه هاد شي لي خاصو يكون، من ناحية الدراسة لي درت على قصتك و القراية لي قريتها فراه مليون بالمئة ما غاديش تكمليها...

....وقفات مدة ما عارفة باش تجاوبو واش تكدب هضرتو لي صحيحة و لا تشكرو على الخير لي دار فيها بكل بساطة.... خدمات الجانب البارد منها و تصرفات عكس شنو باغة.

•إنصاف: اه ما كانتش غادي تكمل... أنا ماشي من نوع لي كنكتب على حاجة عمرني عشتها...

....شاف فيها بنظرة غريبة كأنه وصل لشنو بغى....حقق هدفو و يمكن حتى سمعو بصوتها اليقين لي كان شاك فيه...

•إنصاف: لكن التوهج لي زدتي من ناحيتي ما عندو حتى إحساس...

....ضحك على الكدبة لي كدبات و هي بدورها تبعاتو بالضحك عارفة هضرتها ما عندها حتى معنى.

•مالك: ردة فعلك ما توقعتهاش هاكدا باردة ، واخا عارف بلي البرودة جزء لا يتجزء منك إلا أنه يلعب شي واحد بشخوص قصتك كيخلي البرودة تنصهر...

....حركات راسها مشوشة بالبرد لي كيحرك شعرها و رجع ليها القب كيف حيدو في الأول بتاسمات ليه بطريق لبقة و عينيها على عينيه..

•إنصاف: حيت أنا بغيتك تكتبها..

....شاف فيها بطريقة كأنه كيتصنع الصدمة إلا أن قلبو حس بيه رفرف على إثر كلماتها...

•مالك: تقدري تكملي لقراية دابا..

...ضحكات و شد في إديها و كملو المشي و هي غير كتقرا.....الفرحة لي حسات بيها ملي شافت ناردين لقات طريق لي ما تبدلاهاش كأنها هي عاشت في عالم آخر...ضياء و فارس و حتى إسكندر و الارنب لالة عائشة حسات بنهاية متالية للحياة السعيدة..كانت مزال ليها ورقة و قبل ما تبدا تقرا فيها حبسها مالك كأنه باغي يلقي خطاب....هزات عينيها فيه  و وقفاها قدامو...