💛جزء من الذاكرة 💛|مكتملة|

🌼الفصل السابع🌼

   ••الفصل السابع••

                 🥀العد العكسي🥀

🎭Light is easy to love , show me your
darkness🎭

....إديه كذاعب شعر أيلا بحب و رقة ، كان مبتسم إبتسامة باهتة كأنه ماشي هو لي غادي يتلاقى مع أثناه ، كيغرس صباعو برفق و كيهز كل خصلة بوحدها ما عرفش هاد الأفكار اش غادي يوقاع ليهم ملي يكون قدامها.....واش يخاف و لا يفرح كيفكر فشنو غادي يقول كيفاش غادي يهضر...توتر و بزاف ديال الحوايج اخرين مسيطرين عليه....طلع فوق أيلا لي كانت بلا سرج....لتاحم جسدو مع جسد فرسو كان إنسجام و كيمياء من نوع أخر واحد لعلاقة كتشمل معاني و بلا معاير.....معنقها كأنه مقيدها ما عرفش لخطوات  جاين و لا لكلمات و لا الأفكار... ديك ندبة لعينة و داك لخوف من أن لحقيقة تعرفها و تخلا عليه....حس بيها تحركات و غمض عينيه و خلاها على راحتها تتمشى لبرد كيضرب في خصلات شعرو و شميش شيئا ما بدات كتغرب...كانت كتحرك بشوية كأنها كتواسيها و لا كتحول تنسيه إلا أنه غير ما غارق في اوهامو.... دوك لاوهام لقاتلة لي واخا عيا من يحاول يهرب منها إلا أنها ما كتخليهش ، حاط إديه لي كيف ديما مزينة بحلي كتزيد تبرز عروقو و كيتحسس فرو الفرس.....حس بالخطوات كيقربو ليه هز رأسو بتقالة و لمح لالة عائشة جايا كتعزكز و كتقرب ليه....ظهرات شبه إبتسامة من على محياه وقف ايلا بصعوبة و تجوه شد ليها في إيدها و بدات كتعكز عليه و هو مدور إديه على جنبها بحنان....كلسو فجنب ديال نافور و  كيتأمل في داك لمنظر خيالي.....غروب ساحر كيلفت الأنظار ، ألوان مكتساحة السماء برتقالي محرر و ازرق مايل لسواد، شادة في إديه و كدوز عليهم بصباعها لحنان..... رأسه محطوط فحضنها كأنه طفل هش ....كيستنشق  داك الأمن و الأمل لي كتنتجو باش يقدر يعيش....

•لالة عائشة: أول مرة جيتي هنا كانت عندك عشر سنين......ضحكة ما كانتش كتفارقك و انت ما كنتش تفارقها أيلا لي مزال كانت صغيرة....كنت كتدور و تهضر معاها كأنها كتفهمك و بابك الله يرحمو ديما كيتأملكم كان كيعجبو يشوفك فرحان و كتلعب مع أيلا كان كيعجيو يشوفك كضحك.....عرفتي أولدي فارس ضوء لي كنت كتسناه ينور ليك حياتك أنت لي كطفيه  أنت لي ما خلتيهش يشعل.

هزات إديها برقة و غرقاتها في شعرو لمتناتر و من بعد حطاتها على جبهتو...

• لالة عائشة : ربي عارف من اش كتدوز ربي عارف طيبتك و حتى هي...

تنفسات صعداء و بقات كدوز صعاتها لي كلاهم لكبر و كتحل و تغمض عوينتها بشوية.....فارس سهى فيها و فهاد لقصة لي واكلة ملامحها....صراب من طيور حلقات فوق بستانهم و إبتسامة لا إرادية أسرات ملامحهم....

• فارس : نطير انا وياها أ مي عائشة.... غير نطير ....

ضحك ضحكة ما عندهاش معنى ضحكة شبه واقعية مايلة لشي حاجة مبهمة مخفية كيشوفها غير هو....ضحكة في طياتها حاجة و يمكن حتى حاجة...