🖤قلوب تحت الصفر🖤
......ضحكة خفيفة مرسومة على شفايفو وسط ظلام الليل....حاس بقلبو فرحان لاقصى حد روحو كترفرف....حط إديه بين خصلات شعرو و هبطها مع عنقو كأنه ما مصدقش اش وقاع و اشنو غادي يوقاع من بعد....حس بحوايج غراب لكنهم حقيقين...تغرم بيها بكل بساطة....دور عينيه بين حيوط غرفتو لمظلمة و وقف بعجالة متاجه نحو نافدة....سهى بين غيوم الليل....حل شرجم و تنفس بقوة و ضحكة مزال مرسومة على شفايفو....تمنى دابا تكون حداه.... يبقى ساهي في عينيها لي كيخلوه يذوب و يغرق فيهم.....تنفس بصعوبة مطلقة كأنه مخنوق.....خرج راسو من نافدة إد بقطرات ديال المطر كتذاعب خصلات شعرو و مزال الإبتسامة واخدة مساحة كبيرة من محياها....كلمات بسيطة أسراتو داخل لحظة و خلاتو تايه فيها و معاها....حيد شعرو لفازك من على وجهو تقدم خطوات خفاف لمرايا و جلس كيشوف في إنعكاسو حس بالخطر من دوك شوفات حس بشي حاجة دازت من حدا عينيه بسرعة فائقة كسرات ديك لبسمة لي تمردات بفعل بضع كلمات لي كانت بالنسبة ليه بحال لمنقد......وجه عينيه لحادتان لمريا كأنه عايف لمنظر لي قدامو....حس بالخطر من شخص لي قدامو كأنه ماشي هو....ناض بخفة مزاجو تحول في تانية ضحكة تبخرات و كوابيس خداو بلاصتهم و ختاطفوه.....تلاح على سرير بلاوعي بغى يحبس داك رعد لي ضرب ليه فراسو بخفة بغى يوقف لكنه كلاه بقوة و خلاه غارق في دوك لقطات لي كيجرحوه كيعدبوه و كيخليو لجرح يتحل و لماضي يرجع.....
....خيوط ديال نور فرضات قوتها وختارقات كمية ديال سواد لي كان ملوت الغرفة.....لوحات محطوطة بعبث عاطية لهاد الالم روح أخرى صور معلقة بلامبالاة و حلي رجالية محطوط بفن فأي رقعة من هاد العالم....جسم مستلقي على كرشو بخشونة فوق سرير كان كيعج بالرجولة بعروق بارزة و لون ميل لسمرة......كان وشم صغير على شكل طائر واخد مساحة بارزة من جنب إدو لكانت مملوئة بخواتم على شكل دياب و جمام مزينها لحد يخليها تغريك بلا قدرة على لمقومة....خيوط شمس مارحماتوش إد بها كتضرب لعينيه و تكسر سباتو...تحلو مجرات بندقية بإنزعاج و وجهو نظراتهم لسقف لي كان مرسوم بأشكال الخيول و الدئاب و حتى من الاشجار و الورود عوالم مختلفة مزيناه.....كيحل عينيه بتقالة و كيعاود يسدهم كأنه ما كرهش يبقى غير غارق في نعاسو....طاح في بالو صورتها صورة نور لي مزال يمكن كيضوي في حياتو....وقف بخفة هارب من دوك لافكار توجه نحو نافدة بخفة و نزع ستارها بسرعة كأنه رحم ديك لغرفة مسكينة من داك لعزيف لي واكلها....حل شرجم إد بريح خفيف كيلامسو بإستحياء بتاسم بمرارة إلا أن ديك الابتسامة لمرة تحولات في جزء من الثانية لابتسامة حقيقية ملي سمع صوتها.....عينيه لمعو بطريقة غريبة كأنه بصح سمعات حاجة كانت كتمنها....دور عينيها على لبستان لمح لاشجار و لورود لي زرعهم بنفسو حس براسو حيا من جديد إلا أنه هرب من هاد لغرفة لا تملكو لعنة المرايا كيف ديما لفكرة بحد ذاتها زعزعات شي حاجة داخلو.....خرج بسرعة فار و مخلي الأفكار من موراه نزل مع دروج و توجه للكوزينة راغب يحتسي قهوتو الصباحية.....لحاجة لي كتخليه حي لحد الان....لمح مرا كبيرة في سن جالسة على كرسي و حاطة إديها على حنكها كانت ساهية في لحديقة لي مزينها لورد ...مكتسح وجهها كمية كبيرة من التجاعيد كدل على صبرها و قوتها و مكفاحتها و كمية ديال التجارب لي خاضتها في هاد لحياة....عينين صغار خضرين برموشهم لكحلين لي فرضو جمالها لي مزال حاضر و شوفاهتا بينو طيبتها و حنانها ... لمحاتو قريب ليها و ظهر على تغرها إبتسامة ودودة و عطوفة كانت فرحانة لظهورو قدامها وقفات و توجهات عندو و ترمات في حضنو عنقها عناق طويل و حضنها بقوة كأنها مغطيها بين كتافو لكبار....
أنت تقرأ
💛جزء من الذاكرة 💛|مكتملة|
Romance••عنوان •• جزء من الذاكرة ••نوع •• رومانس - فانتازيا واقعية ••شنو كيميز لقصة•• صراحة واقيلا لحوارات... ••عدد الفصول••30
