قُل يا من خُلقت لي أنا ، قل يا أنايا أ لستَ راغبً في ترميم ما كُسر..
...صوتو قاص باطنها تلك الكلمة بالضبط رجعات الروح لي حيات و زادت دابا....عاود شدات في إديه و جارة أرجياس من لكوغد ديالو بصعوبة لي ما حساتش بيها.....حل ليها الباب ديال السيارة كأنه الأمير كيحل العربة لأميترو ضحكات على تصرفو و هبطات كأنه كدير التحية الملكية تسمعات قهقهتو لي حاول يحبسها إلى أنه ما قدرش ركب أرجياس لور و سد الباب....جلس جنبها و تنفس كأنه غادي يدير سباق سيارات ضحكات على هاد التصرفات التافهة و غرقات عينيها فيه كتأمل تفاصيلو و لحركات لي كيدير... هز إديه ببطئ عارفها حاضيه حط يد لولة بشوية على لفلون و حرك صباعو كأنه كيدير حركات سحرية عاد حط تانية و حركها كأنه كيطرطقهم شاف فيها و دار نظرة غريبة و ديمارة بسرعتو المعتادة...توقعاتها و حلات شرشجم و بخفة طار شعرها و بصعوبة مطلقة رجعاتو كانت كتحاول إلا أنها ما قدراتش ، لمحها معنكشة و هز يد وحدة و حطها على خصلات شعرها و بقى كيقاد فيهم بصعوبة كان معنكش مع شعرها و طريق و لبرد و هو يسد الشرجم و رجع لسوگانو ....حركات رأسها كأنها ما متيقاش غضبو المفاجئ إلا أن ضحكتها تسمعات هز راسو فيها بمعنى اش كاين...
•ضياء: الغضب يتحكم فيك...
.. شاف فيها بطريقة غير مفهومة و رجع نظراتو لطريق و صوتو الغريب تسمع مرة أخرى..
•فارس: من ديما الغضب كان متحكم فيا هو السبب لي خلاني نلجأ لسرعة..
... وجهات نظراتها لمنظر طبيعي ديال الطريق و مرة أخرى ليه...
•ضياء: كنعتقد بلي ولا متحكم اكتر من كان فهاد الفترة...
....حط يدو على لحية و وحدة مزالة معلقة على لفولون..
•فارس: بسبب الحادثة يمكن...
...بتاسمات و ضحكة كلات نسبة كبيرة من وجهها كأنها حققات رغبتها مرادها طبعا بدا يتيق فيها و يقدر يهضر على الجروح لي مازال مخبية...دار لقاها كضحك و بتاسم لبتسامتها و مستغرب من هاد المجنونة لي معاه...
•فارس:ماشي غير أيلا لي غادي تشوفك حتى مي عائشة كاين تما...
...حسات بنوع من الفرحة و أيضا حسات بشعور نقص عائلتها الوحيدة ناردين إلا أن هاد العائلة ما كتبان غير من قرن لقرن...
•ضياء: مستعدة نشوف ردة فعلها..
....ضحك فارس بصوتو لخشن و دور راسو لأرجياس لي خاشي راسو بين الكوسان..
•فارس: خسر ليا اللحظة مرة اخرى ما تنساش...
... كانت غير كتمرر عينيها على هاد الجوج طبعا مصدومة من الكلمات لي قال وو جهات نظراتها لنافدة و فجأة حسات بلمستو محوطة إديها ضحكات و عينيها على خشونة إديه هزاتها و كتأمل في الخواتم لي فيها ، عجبها المنظر طبعا إديه بالنسبة ليها منظر خيالي و حساس عاود شدات فيها و رجعات كتأمل في الطريق حتى وصلو لفيلتو لي عاقلة عليها تحل الكراج و دخل السيارة و هنا حلات فمها مصدومة على التغير لي طرا في هاد الحديقة ولات جنة....نزلات من سيارة بصعوبة و نطلقات كتحسس كمية النباتات لي مخليا المكان يولي حي سمعات صهيل خيل قريب و توجهات عايشة مع الصوت و حاسة بيه قريب ليها.... كأن اللحظة كتعاود خرج و جر أرجياس خلاه كيجري و متبعها بشوية كان فرحان لسعادتها معنقة أيلا و هي فوق ظهرها منظر ميتالي للعين و روح أخرى حس بيها ختارقاتو.....خلاها معنقها و تحرك متوجه عند لالة عائشة يفرحها و لو شوية لقاها غارقة كتصوب شي حاجة في الكوزينة كيف العادة قربات ليها و عينينها كيتأملو صورتو بتاسمات ليه بخفة و شدات في إديه فرحانة لفرحتو و حاسة بقلبها تهنا عليه...
•فارس: مي عائشة جبتها ليك تشوفيها....
.... ضحكات حتى تسدو عينيها و جراتو تشوفها إلا أنه كان غير الفراغ..
•لالة عائشة: فين هي..
....بتاسم و عنقها و توجهو عند أيلا و مرة و مرة تلوح ليه شي كلمة و تعبر على مقدار فرحتها ليه و على هاد اللحظة لي شحال من مرة تمناها تتحقق...لقاها مزال معنقة أيلا و شعرها مغطي وجهها ، نزلات من فوق ضهرها قادات شعرها و حوايجها و أتر الحشمة ظاهر عليها و عقلها شبع فارس بالدعاوي.....قربات عند لالة عائشة لي حالة ليها يديها ترمات في داك الحضن لي تحرمات منو سنين هادو ، داك الحضن الحنين ديال الأمومة لي تبخر أعوام و أعوام ...بتاسم فارس بإبتسامة رضى على هاد الحدث التاريخي....نتهى الحضن و نطقات بصوت منخفض بكلمات شكر لضياء لي غير مستغربة..
•لالة عائشة: دخلو تشربو القهوة..
... تقدمات لالة عائشة و من موراها فارس و توجهات ضياء تهز حقيبتها لي حطاتها قبل ما تركب على أيلا.....قادات حويجها مرارا و تكرار و عينيها على ظهر فارس لي ما عرفاتش علاش حسات براسها خصها تصورو جبدات الكاميرا و خدات بعض الصور لحديقة و فارس بلا ما يشوفها و تبعاتو بسرعة....لمحها جرات عندو و شد في إديها بخفة كأنه توحش لمستها الدافئة... جلسو في صال أمونجا و حطات ليهم لالة عائشة القهوة و قطع من الكيك....بتاسمات ضياء و حسات بنوع من التوتر ما عرفاتش كيفاش تتصرف أما بالنسبة لفارس حاس بالنصر أنه قدر يجمع شتات راسو و ما ضيعهاش من يديه و ضيع راسو معاها...حط إديه على عنقو خافي الفعلة لي غادي يدير..
•فارس: مي عائشة في نظرك أشنو لخطوة لي خصنا نديروها بجوج من بعد...
... ضحكات لالة عائشة على فعايلو لي ما كيساليوش و عارفه من النوع المتملك...
•لالة عائشة: طبعا الزواج...
...ضياء كدور عينيها بين المسرحية لي كتحبك قدامها...ضحك فارس من ردة فعلها و نطق بصوت مايل لتسلط..
•فارس: جيت طالب راغب منك يد ضياء..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
