البارت الحادي والثلاثون
#لو_كان_لي_قلبان🥀
#جواد يكول
اداري الآه انته الآه ..
وانخه الروح لا تهتم
اداري الحيف كل الحيف ..
ظل بيك الحلم يحلم
اداري اوكَضت روحي انذور ..
لاوِد لا شمل يلتم
يهاوي الروح غم الروح كون
ابشان ما تحلم
يباجي العين .. ذل العين
بالدمعات تتوشم
#عريان السيد خلف
🥀
جواد ـ من العصبية
ماعرف افكر بعد
كعدت شوي وهدائت
صارت هواي افكار
براسيي تتضارب
الئ ان استقريت
خلص
ماكو غير المواجهه
اروحلهه واشوف
شنو الصار
ومنو هذا
لازم تعترف...
اكيد هالشخص تعرفة
والا ليش ضحكت وياه
جريت النقال
واتصلت عليهه
ضل يرن ومافتحت خط
رديت اتصلت
وهمين مافتحت خط
عيوني صارت بنص راسي
لو ماعدهه شي جان جاوبت
بس اكيد هسه هية وياه
لزمت النقال وركعته
ركضت علئ المجر
طلعت منة جوازي
وكف عقلي..
بعد شنو يرييدون بالحجز
صافن علئ حالي
ماعرف شريد ..
ثواني واندكت الباب
ابد مو صاحي لاحد
ولا الي خلك احجي
لبستهم
ردو دكو الباب
صحت مـــــــــنو
ـ اني رقية
ـ شتريدين
ـ افتح الباب خلي احجي وياك
ـ دخلي
ـ شبيك اشو مو علئ بعضك
ـ شنو مسودن كدامج شبية يعني
ـ علئ كيفك اهدئ
شنكسر يمك
ـ ماكو شي
ـ شنو ماكو شي
لعد هالهوسة شنو
ـ مبية شي
ـ عـــــزة بعيني عزة بعيني
شنو هذا جواد
ـ شنــــو شبيج اشفتي داعشي كدامج؟
ـ هالقوطية هاي
مال شنو ؟
ـ عوفيني رقية ترة ابد مالي خلكج
ـ معقولة جواد ؟
هاي تالي تربية امي بيك
تشرب وامي بعدهه مانشف كبرهه
ولك ماكالوهه هيج
شلون نطاك كلبك
والله لو يدرون اخوتك
والله يضلون يسبون بامي
يكولون هاي تالي دلالهه
ليش جواد ليش تجيب حجاية لامي وهي بتربتهه نايمة ليش
ـ .........
ـ جاوبني
ليش ساكت
ـ ترة ابد ماعندي عقل اتناقش وياج
عوفيني هسه الله يخليج
ـ بغلاة امي عليك احجي
جاوبني
فضفض
اريد افتهم شصاير شبيك
اول تالي تشرب ولك احجي
ـ شــــحجي
شــــكول
ولج حتئ الحجي خلص
نار بكلبي رقية
نار حركة الاخضر واليابس
أنت تقرأ
لو كان لي قلبان
ChickLitمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
