البارت الستون
#لو_كان_لي_قلبان🥀
#يظنونها قوية
ولو ان احداً احتضنها لبكت
بشهقة اوقفت انفااس العالم
🥀
اياد ـ ااااش صوووتكــــم لا تعلووو عليييه فهمتووو
وانتي خصوصاا هواي
تحملت سخافتج وتفاهتج
وهسة وحدة من اثنين كدامج ..
لو تقبلين تعقدين علئ ابني
لو متشوفين اخوج بعد
اختاري
نتاشا ـ حايرة وعيني وعلئ اخوية
من جرة بعنف مني مبين عليه خاف
وبدة يبجي
اباوع علئ اياد
الحقارة تنكت منة نكت
شنو من بشر هذا
يوجه سلاح لطفل صغير
ياربي شلون شسوي
اذا اوافق علئ ابنهم
راح اعيش طول العمر وهذا بخلقتي مكابلني
هشام ـ انطيني الطفل بسرعه ولاتضل بهالعقل
ـ تحلم تاخذة مني ..
وانتي قررتي لو بعددج ؟
نتاشا ـ للحظة بردت كل مشاعري ..
رغم هوسة هشام يمي وصياحة بس احس روحي فصلت عنهم ..
وقررت احجي بعقلي مو بعاطفتي
مستحيل اياد يجازف بنفسة ويدخل سجن ويترك هالفلوس وراه يعني مستحيل يقتلة
اقتلة ...
نطقت هالكلمة وانفجرت دموعي حاولت اتماسك بس مكدرت
اياد ـ شنو؟
ـ الكل استغرب من كلمتي
وفتحو عيونهم عليه ..
اي ليش مستغرب
هو طفل مريض
وما اتصور راح يعيش هواي هالمسكين
يعني اول وتالي راح يموت
هو يروح للجنة
وانت تروح لجهنم ان شالله
لوتنشمر بالسجن طول عمرك
واخلص منك
واصلاا السفارة الروسية ماراح تسكت عنك وراح تسحلك سحل
اياد ـ ابن داعش محد يحاسبني عليه
ـ لعد اقتله اذا تكدر ..
حجيت هالكلام وكمت ارجف
اريد اسيطر علئ اعصابي ماكدر .. عيوني صارت تمطر دمع من خوفي عليه
هشام ـ ابد ما انصدمت بكلامهه
احيانا الانسان بعز الازمات
يوصل مرحلة اللامبالاة
وتوشة حاليا وصلت هالمرحلة
بسبب تصرفات الوالد التافهه ..
ضليت واكف بمكاني مترقب لاي حركة من ابوية
اياد ـ يعني ممهتة بأخوج الخبصتينة بي ودكيتي ولطمتي عليه
ـ لا... لان ما عاد يهمني شي
هشام ـ عيني علئ نتاشا
وسلاح ابوية
خاف يثور منه طلقة
ويسويلنة مصيبة...
كافي يمعوود ابو هشام
سمعت ردهه الك
انطيني الطفل وماكو داعي لهيج تصرفات من شخص مثقف مثلك
ـ ابـــد تحلمم تااخذة
نتاشا ـ هالكلام كلة صار بثواني معدودة انتبهت علئ سيريل بدة يختنك من البجي
ويكلب لونة ازرك
وصوتة يروح يختفي ويرد يرجع
ويرجف بين ايد اياد
مكدرت اسكت اكثر من شفته هيج
ماسيطرت علئ نفسي وكمت اشهك .. هشاااام فدوة
الله يخليك سووي شي
الصغيرر راح يمووت
أنت تقرأ
لو كان لي قلبان
ChickLitمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
