البارت السابع والستون
#لو_كان_لي_قلبان🥀
مرات أكرهك وأشتهي أشكيلك ،
ومرات أشوفك غاثني
و أسكت واضل أدعيلك
🥀
نتاشا ـ مــات مـو
ـ خطية ارتاح الطفل
و الله يصبركم
ـ مابينت اي ردة فعل
بس عيوني تصب دموع
الطبيب شال الاجهزة من الصغير وطلع
راسا حضنتة وضميته لصدري
وشهكت بالبجي
ـ الله يصبرج نتاشا
خطية ارتاح وراح لرحمة الله
هو احن من البشر عليه
ـ ماحجيت شي وياه
لفيت ايدة علئ رقبتي وكأنو حضني وخليت راسه علئ صدري
مشطت شعرة بايدي
نام ياعمري
نام انت تعبان
اعرف بيك هواي تعبان ونعسان
نام وارتاح من هاي الدنية الوسخة
ـ شكلهه يقهر وهي حاضنة اخوهه وتمسدله واطبطب عليه
حتئ مالكيت الكلمات المناسبة الاواسيهه بيه
اجو الممرضين يريدون ياخذو للثلاجة بس ماخلتهم توشة ..
حاولت احجي وياهه اقنعهه
رفضت تسمعني تماما..
اترجيتهم يتركو بيدهه
ويكملون الاجرائات مراعاة لضروفهه
وفعلا استجابو الممرضين …
ضروري اروح اكمل الاجرائات
بس خايف عليهه اتركهه لوحدهه..
توشة كعدي هنا لا تتحركين
اروح اكمل الاجرائات واجي اوك حبيبتي
ماحجت وياية بس هزتلي براسهه
عفتهه كاعدة ورحت اكمل الاجرائات
ساعه تقريبا 3 نص الليل منو يجي يعيني عليمن اتصل ماعرف
كلش احتاجيت احد ويايه لان بالي يم توشة
ياريت لو رائد يمي ..
بس مو وقته اتصل ماحبيت افززة بهالوقت
خلي يطلع الفجر والله كريم…
خلصت كلشي
ورجعت اركض للردهه
شفتهه بعدهه لازمته وكاعدة بمكانهه ابد متحركت
اتقربت منهه وكلتله ..
بعدج لازمته توشة انطينيا اكيد تعبتي هسة
ـ هزت براسهه رافضه تنطينياه
ـ زين خلي علئ السرير
ـ ماجاوبته
وحضنته اكثر لسيريل
ـ تبجي ودموعهه تصب
اتصورتهه راح تصيح
او تعيط او احتمال تكون عدوانية بتصرفاتهه
بس ابد ماسوت شي منهن
لا اكدر احجي وياهه واواسيهه
ولا اكدر اخذ الطفل منهه
حسيت هدوئهه وراه شي
هالهدوء اليسبق العاصفة
الدقايق متمر الا بطلوع الروح
ماصدكت صارت ساعه 5 وربع الفجر
وطلع النهار
راسا اتصلت بصديقي الضابط
خبرته عن الصغير
كلي جيب تقرير الوفاة ومر علينة ..
سديته منه واتصلت علئ رائد
رن مرتين ماشال الفون
بالثالثة رد عليه..
اكعد من النوم رائد احتاجك
ـ خير ولك خو ماكو شي
ـ الصغير نطاك عمرة
ـ والله عرفت صاير شي من نبرة صوتك
أنت تقرأ
لو كان لي قلبان
ChickLitمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
