لو كان لي قلبان

part 71

البارت الحادي والسبعون

#لو_كان_لي_قلبان🥀

هو اليعشك صدك يتحمل المحبوب
صح مرات تجرح حيل الحجايه

اليحبك مايسولف بيك للشمات
اليحبك يذكر اسمك علئ المصلاية                          

🥀

هشام ـ من فرحتي صرت اوزع ابتسامات
شلتهه من غرفة السونر لغرفة التحليل شي مقابل شي ..
ماكو اي ردة فعل بوجه توشة ساكته
اخذو تحليل الدم وضلينة ننتضر برة
صاحت البنت اسم نتاشا هيثم
كمزت من يمي كلتلهه نعم

ـ مبروك زوجتك حامل

ـ كلتلي حامل
لو احس طلعتلي جناحات من فرحتي
ماصدكت الخبر
معقولة حامل مني
معقولة ربي استجاب دعائي
ويخليهه تنجبر تبقئ يمي ومتتركني
واخيراا صار رابط قوي بيني وبينهه
اذا هي بأخوهه اتعلقت
اكيد بابنهه تتعلق اكثرر
اخذت التحليل وشكرتهه
ورجعت لمكاني
فرحان ماواسعتني الارض
كعدت يمهه شفت وجهه شاحب وكاتمة المهه .. بثواني راحت فرحتي وخفت عليهه وعلئ الجنين لا يروح
ثنيت عليهه اريد اشيلهه بس رفضت

نتاشا ـ من كالت حامل انقبض كلبي
حسيت نفسي انحكم عليه بالسجن طول العمر هنا ..تايهه لوحدي بنص هالناس
اني لوحدي وممدبرتهه
انوب عندي طفل وية هالمجرمين
لا ابد مو وووقتهه ابد ..

حسيت هشام يريد يشيلني لزمت ايدة وبعدتة عني ...
لا عوفني اريد امشي

ـ  ﻻ شلون تمشين لوحدج مو متاذية وخاف متكدرين

ـ صرت احسن ..

ـ اكيد من فرحتج بهالخبر صرتي احسن

ـ خزرتة بطرف عيني وكلتله ابتعد عني لاتتقرب عليه ..

ـ بعدهه قافلة ومطايقتني ..
اوك براحتج

ـ جسمي كلة يرجف من الالم
والدمعه بطرف عيني
بس متحملة وساكته
ردت اكوم مكدرت اكو شي ابطني يأذيني يعني معقولة هيج الحمل يوجع

ـ هسة انتي ليش اتكابرين متألمة ومتكدرين تمشين
جيبي ايددج وخليني اساعدج ..
لزمت ايدهه كوة وكومتهه من مكانهه وهي تسحل بروحهه سحل
ردت اشيلهه عنيدة راسهه يابس طلعت روحي بين موصلتهه للطبيبة تمشي مثل النملة كعدتهه وانطيت التحاليل للطبيبة

ـ راح اكتبتلك حبوب دوفاستون راسا اربع اقراص تاخذ 

ـ يعني اربعتهن طبك لو بينهن ريست

ـ لا هسة بس تطلع للصيديلة و تشتري الشريط اخذلك بطل مي وياهه وانطيهه 4 حبوب سوية اطبكهن
وبعدين يومية تاخذ 3 حبوب بعد كل
وجبة حبة وحدة
يخلص الشريط تجيبهه اشوفهه استجابت للمثبت او لا حتئ اعيدلكم الدوة اذا تحتاج

ـ اوك ان شالله

ـ واهم شي لا تتقربلهه
مو عود عرسان ومكيفين بروحكم انطيهه مجال ترتاح خطية فد اسبوعين نشوف يروح الخطر لو لا .. سمعتني ابني