لو كان لي قلبان

part 37

البارت السابع والثلاثون

#لو_كان_لي_قلبان🥀

حال #نتاشا:
وهـيچي وتـدگ الباب وتگلّي رديت

أذبح حـزن فرگاك يم عتبة البيت💔

نتاشا ـ تقريبا ساعه 11 الصبح
اجاني اتصال وراسا رديت ..
الو

ـ بنتي لاتخافين

ـ بابا بابــــااا الوو الوو بابا حبــ

ـ اذا تريدين ابوج يرجعلج حضري 10 دفاتر .. والا بعد متشوفيه

ـ من كال بعد متشوفي كمت اعيط واصرخ واصيح... بــابــاا لاتقتلوو لااا
ركضت علية عمتي سميرة واخذتة مني

سميرة ـ يقتلو شنو ولج جيبي ..
ااالو الو هيــثم

ـ حضرو 10 دفاتر..
واحذرو تخبرون الشرطة
ترة بعد متشوفو

ـ الـــو
دخيلك لا تسدة الووو اوكف شوي

ـ اجتي روسيل تركض عليه تريد تفتهم شكو ..
وصلت يمي وعثرت ووكعت
ركضو عليهه ام سيف وعمة منيرة شالوهه..
عبالهه هذا اتصال من بابا
واجتي ركض حتئ تحجي وياه ..

واكفة اباوع عليهم
ماتحركت ولا حركة
اتذكرت صوت بابا شلون بي بحة من حجة ويايه..
يريد يطمنة حتئ منخاف
بس من سمعت صوته انرعبت اكثر.. صوته ابد ميطمن
اكيد بي شي
نبرتة تختلف مو مثل كل يوم
يمكن مقهور
او خايف
ويجوز متاذي
هالظلام اكيد مأذي
ومسوين بي شي
شهكت بالبجي واباوع بالوجوه بلكي يطلع كابوس واكعد منة...

شفت عمتي غلقت الفون
ركضت جريتة منهه..
وج عمـــــة ليــــش ســـــــديتي

ـ عمة ماسديتهه همة نهو الاتصال

ام سيف ـ عيني خلي الزلم يخبرون الشرطة همة ييجيبو

سميرة ـ كالو ديرو بالكم تكولون للشرطة والا بعد متشوفوه

ـ فقدت من هالكلام
معرفت شسوي
حسيت نفسي ضايعه
ولوحدي بهالدنية
فتشت بالفون
اريد اطلع الرقم التصلو منة
بس دموعي تمنعني اشوف
ركزت اكثر ولكيت الرقم
راسا اتصلت عليهم
بس جان مغلق
وخارج التغطية..

عمتي سميرة اتصلت
علئ عمامي تخبرهم..
عماتي وزوجات عمامي يحجون ويهوسون واني فاصلة مو وياهم ابد ..

جتي روسيل تخض بية وتكلي فهميني شبي هيثم لان مدتفهم ولا كلمة..
بس مدكدر اجاوب احس الكلام ضاع مني ولساني نعكد

سميرة ـ سودة عليه ربي يرجعك بالسلامة ياخوية وين جانتلك مضمومه هالمصيبة

روسيل ـ افهموني مابه
ماذا جرئ لــــــــه

سميرة ـ شبيهه مرة هيثم شدتحجي مدفتهم شي من حجية

نتاشا ـ استجمعت كل تركيزي وجاوبتهه لقد خطفو والدي يــاروسيــل ..
خطفـــوه المجرمين