لو كان لي قلبان

part 42

البارت الثاني والاربعون

#لو_كان_لي_قلبان🥀

احنة مو علئ الموت نبچي ..
نبچي علئ العشرهَ ..

ينمسح بلدنيا كلشي ..
بس شيمسح الذكرى ..

نتاشا ـ كلهم ملتمين عليه
متحملت اكثر حجيت بقهر وخوف...

ترة البيت بيتي وعادي البس اي شي بي اذا متضايق استاذ صلاح خلي يطلع يرجع لبيته

اميرة ـ عيدي بلا خلي اسمع زين ..

ام هشام ـ تكلج هذا بيتي معاجبج طلعي انتي وابنج

ـ ماكلت هيج ..
كلت اذا متضايق مني خليرجع لبيته

اياد ـ لحظة لحظة ..
اكو كلمه حجيتيهه..
يمكن كلتي البيت بيتي ؟

ـ كلما يحجي اياد ويايه احس راح يغمئ عليه من الخوف
كوة جاوبتة..

أأ أي ..
يعني .. بيت بابا ..
غير يعني هذا بيتي

ـ لا بنتي ﻻ
انتي فاهمة غلط ..
اولا الشرع والدين يكول الي حصة وياج

اي شبيج لاتصفنين

يعني.. اني اورث وياج
يعني مو لوحدج الج حصة بهالبيت او باقي الاملاك ..
هسة افهمتي حتئ مرة ثانية متكولين بيتي ..

وثانيااا وهذا الاهم
اني وصي علئ اموالج لانج قاصر واني جبير اخوتي
يعني انتي وكل املاك ابوج جوة ايدي ..

ـ شـ شــنو هالحجي..
منو كال هيج

ـ الشرع يكول مو من جيبي احجي
فلاتتصورين اني عايش ابيت ابوج صدقة او عطف منج عليه ...
ﻻﻻ تؤ..
هذا حقي واجيت اخذته بما يرضي الله..

ام هشام ـ ها شفتي ام صليح
هالبيت حگ رجلي واني كاعدة بي ..
يعني مو جايبني من الشارع وحاطني هنا ..
علمود مرة ثانية ..لاتحجين وطلعين لسانج علية مثل مجنتي تسوين علئ بيت اهلج الخرابة

ـ هالخرابة جان لامج انتي وجلابج
شوفي وين صفئ بيج الدهر من تهجولتي منه انشمرتي خارج الكرادة

اياد ـ لج اميررررة
شنو اني مو بعينج شنوو هالـــغلط

ـ لعد لمهه وضب لسانهه فتهمت لو لا
ولااطلع مراجلك عليه
ويم مرتك صاير خيخة
مثل ما انت الك حگ هنا
اني هم الي حگ
فلاتضلون تنعثلون بكلامكم..

اياد ـ مالج اي حگ ..
وشتريدين تسوين سوي

اميرة ـ ليش متسكت لا اطلع ضيم ابو صليح بيك .. غصبااا عليك الي حك هنا

ام هشام ـ لا يمعودة خفنة من كلامج
لا والله جديات كلش خفنة...
ترة بعدج مشايفة وجهي الثاني

ـ وانتي هم بعدج مشايفة وجهي الثاني اجفي شري لا العب بيج طوبة اخليج كل وصلة بمكان

اياد ـ كافي كـــافي ..
ام هشام عوفيهه تحجي لوحدهه شعليج بيهه