البارت الرابع والستون
#لو_كان_لي_قلبان🥀
عــريـٲن يڪـؤل ..
غـــيڔ ٲﻟروح تقنـع من ٲكـلهـا تـهون 💙
🥀
هشام ـ كعدت اشرحلهه القواعد
واكتبلهه بالدفتر
وهي ساكته
اقل من نص ساعه انتبهت عليهه ولكيتهه غفت بمكانهه ونايمة..
ما اتجرئت بالبداية اتقرب عليهه
ضليت صافن علئ خشمهه الاحمر وملامحهه الهادئة
و برائة عيونهه
وجهه احمر من حرارة الهيتر
متلفلفه بالبطانية ومرتجية علئ الجرباية وساندة راسهه للكومدي
شعرهه مفتوح ونازل علئ وجهه
لميت كتبهه وخليتهن علئ جهه
ردت اشيلهه واخليهه
بفراشهه يم سيريل
بس خفت تكعد واخسر هاللحظة
اتأملت شوي بمعانيهه اكثر
ملامح عمي وشكار امهه
شيطان لعب بعقلي
خلي انتهز هالفرصة
منو يكول تتكرر مرة ثانية
جريت مخدتهه وخليتهه
ونيمتهه علئ الارض
سحبت بطانيتهه وغطيتهه
عيوني عليهه ماتحركت
ياالله هالبنية تشع انوثة
اتمنيت بس انام يمهه
ماريد اسوي شي
بس اخلي راسي يم راسهه
واثنينة علئ نفس المخدة نصير
مقاومت نفسي اكثر
اتقربت عليهه
ودخلت وياهه بالبطانية
سمحت لنفسي العب بشعرهه
اتجرئت اكثر ولمست خدهه
بعدهه نايمة ما حست بشي
الشيطان لعب براسي و داعبت شفايفهه
وبعدهه نايمة
اتمدد يمهه وصرنة طول بطول
ثنيت ايدي وكعدت اباوع لوجهه
ماحسيت بنفسي الا واني متقرب عليهه وسرقت من شفايفهه
احلئ بوسة بحياتي
بوسة بريئة مو هوليوديه
بس ميخالف راضي بيهه
تحركت ونطتني ضهرهه واندارت علئ الجهة الثانية
اني هنا صخنت كل احوالي اتخربطت
فاتحة شعرهة ومنثور علئ المخدة
ضليت اشم بشعرهه مثل المدمن
اتقربت عليهه ونمت
اتمنيت احظنهه بس خفت
نطخيت بذراعهه وهي نامية
كلبي وكف خفت لاتحس
يالكعبة هيه نايمة صدك
لو دتغلس عليه
كل هذا وماحست
الا شوي وتطربك كل اموري
وكعد الصغير
راسا وخرت عنهه وعدلت كعدتي ولزمت الدفتر والقلم
نتاشا ـ شفت بابا بالمنام
يبوسني ويلعب بشعري ومنيمني يمة ونطاني ديج او دجاجة صغيرة يخبل بيدي ..
بس فزيت علئ صوت سيريل يريد يكعد …
اتمنيت ما اكعد من هالحلم ابد
صارلي فترة طويلة ماشفتة واليوم اجاني .. فتحت عيني شفت هشام كاعد وبيدة القلم والدفتر
واني نايمة علئ الكاع ومغطيني …
شنو هاي بعدك هنا ؟
ـ صح النوم
اي جنت اراجع القواعد
ـ زين ليش اني نايمة هنا
ومنو غطاني
ـ مو اخذتي حبوب الفلو اوت
اثرت عليج وخلتج تنامين
جنت اشرحلج وغفيتي
وحطيتلج مخدة وغطيتج
ـ ها .. احس جسمي تعبان مكسرة
ـ عادي اعراض الفلاونزة هيج
ـ تمغطت وكمت علئ سيريل ..
كافي هشام اكيد هسة تعبت روح نام
أنت تقرأ
لو كان لي قلبان
ChickLitمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
