البارت التاسع والخمسون
#لو_كان_لي_قلبان🥀
يقول هشام:
ضحڪـتـﭻ حصــتي
ليــش لـــوجــه غــيري تصــير
حـــرام تضــيع نعــمه بوجــه مامقــهور
🥀
نتاشا ـ رجعنة للبيت كلش تعبانين نزل هشام فتح الباب ودخل السيارة
اخذت الصغير ونزلت
وهشام نزل الاغراض وفتح باب البيت دخلنة واتلكــتنه نور و اميـــرة بوجهنة عزة هاي شجابهه
اميرة ـ ويـن جنـتو بايتين ياولد اخوي
هشام ـ تحجي هيج وتباوعلنة بخزرة عين كلش اتنرفزت من اسلوبهه... شجابج ؟
ـ رجلية جابتني ..
هاي بمكان متسلم عليه تكلي شلونج عمة
ـ ما اتصورت راح تجين لهنا
ـ لعد وين اروح ؟
غير اياد اخوية الجبير واجي يمة
ام هشام ـ تعالو يمة دخلو لاتضلون واكفين بالباب
هشام ـ وشوكت اجيتو ؟
ام هشام ـ عمام نور جابو اميرة وشمروهه علئ بيت اختهه ..
فجابتهم ام رائد سوية لهنا
هشام ـ ليش شنو صاير ؟
ام هشلم ـ لاتخاف ماصاير شي
بس اهل ابو رائد طابين طالعين عليهم وبيتهم صغير تكول مترهم نكلهم زوجنة رائد بهالسرعه فجابتهه حتئ تجهز بيتهه وتاخذهه منا بزفة وعرس وهالسوالف
هشام ـ اها
ام هشام ـ ماكلتولي شكال الطبيب
هشام ـ ماكو شي لاتخافين
نتاشا ـ انصدمت من شفتهه
وجهه مجرح بكل مكان اكو خدش
وبي زراك وحمار مبين مضروبة
وحاطة بلاستر لخشمهه
يم كصتهه اكو كدمة حمرة جبيرة
وجف ايدهه مجروح ولافته
مبين شابعه كتل هناك
بس مادري ليش
كلبي رجف من شفتهه هيج
ضليت واكفة بمكاني اخاف ادخل
راسا هشام جرني من ذراعي ودخلني
هشام ـ تعالي دخلي ليش خايفة هنا
لاتخافين محد يمسج واني يمج..
اميرة ـ ماكلتو وين جنتو
ـ اولا ميخصج
وثانيا اكيد ماجنة بايتين ابيت دعارة مثل صليح ونهئ
ـ ليش تعيرني عمة
وبعدين ليش هيج تحجي عليهم
شسوولك هالجهال وهيج اذيتهم هالاذيهه ماخفت ربك
ام هشام ـ ﻻﻻلاااااا صدك تحجين انتي
عاد لهنا وكافــي يا اميروو
ـ اتركيهه حجيه اني اجاوبهه
بلة ام نمارق شسويت الهم ؟
ـ عود متدري شسويت
ـ كافي حجئ زايد رحمة للكعبة
تعرفيهه وتحرفيهه انتي
خليني ساكت لان اذا ينهد لساني عليج
بعد محد يعرف يسكتني
عوفيني بالع لساني وضام الحجي بكلبي وجايز عنج
أنت تقرأ
لو كان لي قلبان
ChickLitمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
