البارت العاشر
#لو_كان_لي_قلبان 🥀 بقلم الكاتبه ڤينوس ٱرام
اريد أحضن عيونك وأبقى وياك
ولو أدفع حياتــي هم قليــله
غلاتك بالنفس والنفس يهــواك
وعود أنساك هاي المستحيله
🥀
هشام ـ كاعد علئ اعصابي بس ابد مابالعهم..
انوب هذا شيخهم يحجي بكيفه يريد بنت عمي فصليه ....
متحملت السمعته وكمزت من مكاني كلتلهم
شنـــــوو هذا الحجي شحدة الياخـــذ بنت عمي…
شيخ جبار ـ مو هيج الحجي ابني اصبر خلي نفتهم
هشام ـ شنفتهم عمي ديكولون نريد بنتكم ..مامجبورين ننطيهه ديه لاحد
شيخ مزاحم ـ كسرتو ايد ابنه وتهجمتو عليه ابيته ..
لا هو المتهجم عليكم ..
ولا انتو عدكم حك يمة حتئ نسكت..
وعليه يكون الحك ويانه مو وياكم ..
شيخ جبار ـ محد ناكر هالامر.. الحك وياكم بس ديه الكسر فلوس مو نسوان
شيخ مزاحم ـ السواه ابنكم يعتبر جناية والجنايه عليهه فلوس او نسوان كلهن نفس الوجهة ..
المهم النار الشتعلت تطفوهه
هيثم ـ تطفئ بعيد عن بنتي شيخنه
شيخ مزاحم ـ بويه هذا شرطنه ومانثني عنة
شيخ جبار ـ خويه قابل هو قتل حتئ تريدون هيج فصل ؟
شيخ مزاحم ـ وشتريدنه بويه ننتضر ابنكم يقتل ابنة حتئ نحجي ؟
كاسرله ايدة بطابوكه وجان ممكن هالطابوكه تجي براسه او اي مكان بجسمه وتقتله ..
فتنحسب شروع بالقتل وجنايه .. خويه انت شيخ حالك حالنه وتعرفلهه
شيخ جبار ـ الله بالخير خوية ماكالوهه هيج خلو حك الجورة البينه.. اذا تريدون احنه جاهزين للديه وشكد متأمرون غالي والطلب رخيص
وكل مصاريف المستشفئ والعمليات من المليون للـ مية مليون شكد متوصل احنة نشيلهه ومايكون خاطركم الاطيب
شيخ مزاحم ـ ابنكم شال كل حك للجورة البينه ..
و الخير العدنه يكفي وزايد ممحتاجين فلوس من احد ..
شيخ جبار ـ بس هذا حقكم ولازم تاخذوه
شيخ مزاحم ـ حقنه هي بنتكم واحنة سبق سوينة بأصلنه وكلنالكم نريد بنتكم لابنة.. وابوهه مانطة
هيثم ـ كلتلكم محجوزة لابن عمهه
شيخ مزاحم ـ طالما بعدهه يمك لا عاقدة ولا متزوجه واحنه واثقين من هالخبر ..
فـ خلص هية الابنة
وهيه ديتنه
والا قسما بالله
تشوفون من عدنة غير تصرف
ماراح يعجبكم وذاك الوكت ماتلومون غير نفسكم
شيخ جبار ـ شنو هذا الحجي شيخ مزاحم احنه كاعدين بمضيفكم ترة
شيخ مزاحم ـ هو هذا اخر الكلام عندي
أنت تقرأ
لو كان لي قلبان
Chick-Litمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
