لو كان لي قلبان

part 66

البارت السادس والستون
#لو_كان_لي_قلبان

إن كُنتَ مثلي للأحبة فاقِدًا ..
‏أو في فؤادك لوعة وغرامُ"
‏
قِف في ديار الظاعنين ونادِها ..
‏يا دار ما صنعت بكِ الأيامُ "

🥀

نتاشا ـ فجئة
رجعتلي كل مخاوفي بفقدانة
لالا ماريد ادمرة بحبي
مثل بابا وجواد
خلي بعيد عني وسعيد
ولا يموت بسببي
راسا قاطعتة
و ابتعدت عنة
سحبت نفسي و كعدت علئ جهة
ابعد شعري عن وجهي
واغطي نفسي
حسيت بخجل مو طبيعي منة
شجاني وهيج تصرفت وياه
شلون ماقاومت نفسي
هسة شيكول عليه
بديت الم كتب علئ السريع
حتئ اصعد فوك
و راسا لزمني من ايدي

هشام ـ شبيج توشة ليش ابتعدتي

ـ حاولت ابعد ايدة عني ماكو فايدة ..
مابية شي

ـ لعد ليش انسحبتي

ـ ما ادري ..

ـ شنو مادري هذا مو كلام

ـ  خلينة نكـــونـ ..

ـ لاتكولين اخــــوة
اكــــــــره هالكلــمة

ـ وهي هم بعد مترهم احجيهه بعد الصار

ـ الي يسمعج يكول ارتكبنه معصية
و جنة ثنين وثالثهم الشيطان ..
ترة اني زوجج والصار بالحلال

ـ ماجاوبتة وسكتت
مدنكة راسي وماعرف وين اباوع من خجلي .. و ابد ماراضية عن نفسي

ـ ليش خايفة وترجفين ؟

ـ كل جسمي يرجف
ما اكدر اسيطر علئ نفسي
احاول اتماسك بس صرت اختض خض..
شال كتبي وخلاهن علئ جهه
وحاول يسحبني يمة
ورديت سحبت ايدي و ابتعدت وكمت من مكاني ..
خلينة اصدقاء
ولد عم
اي لقب تحبة
بس مو زوج وزوجته
ابد مترهم

ـ زين ليش واكفة .. كعدي خلي نتفاهم

ـ لاما اريد
اريد اصعد لغرفتي  ..

ـ كمت ووكفت يمهه
متتحركين منا ااذا ما اعرف شبيج وليش انسحبتي ..

ـ مابية شي ليش تلح

ـ بشررفج وتسألين هم
ليشش الــح
غير افتهم شنو صارر
ليش هيج انكلبتي بثواني

ـ ما ادري

ـ ماكو شي اسمه مادري
اذا متنطيني سبب مقنع
مستحيل اخليج تفلتين من ايدي اليوم

ـ مالي نفس بيك بابا ليش تجـبـرني

ـ بلة عيديهه مرة ثانية ماسمعت
شوكت جبرتج؟
واذا مالج نفس بية
ليش سمحتيلي اتقرب منج..  والمسج
واصلا ليش اتجاوبتي وياية ؟!
كل هاي التسأوئلات اريدلهه جواب
مستحيل اخليج تروحين بدون اجوبة مقنعه

ـ مـــاعندي جواااب

ـ هذا الحجييي ااقنعي بي نفسج
شكدد احاول افهمج مدكدر
صارت امنيتي افهمج يابنت عمي
واتحداج تكولين جبرتج علئ شي