البارت الثالث والستون
#لو_كان_لي_قلبان
تمايل
راوح اعله الروح
روحي معلمه وتحمل
جدم يصعد
جدم ينزل
عمرهه ولا تكول احاه
واليشكي المصيبه يذل
#عريان السيد خلف
🥀
هشام ـ صديق حجية ماكو شي …
ضليت كاعد واتصفن شلون ادبرهه
اميرة كامت صعدت فوك
ونور اخذت الصغير
وامي دخلت لغرفتهه
بقت توشة يمي تكتب…
كملتي كتابة
ـ لا عندي هواي دروس فايتتني
ـ ميخالف اني ونور نكتب وياج
ـ شكرا
ـ أ ..توشة عندي مووضوع مهم وياج
ـ باوعت لعيونة واضحة الحيرة عليه عفت القلم وكلتلة ..
شنو صاير هشام شبيك ..
ـ اسمعيني بنت عمي
انتي هسة كبرتي
وصرتي واعية اكثر من قبل
واكدر اسولف وياج بهيج مواضيع
ـ خرب
هذا اكيد يريد يحجي حجي مال كبار يعني سوالف جنسية وهيج كاعد ينطي مقدمات ..
عرفتك اكيد تريد تحجي وياية بمواضيع مالت متزوجين مو بلة ؟
ـ باوعت بعيونهه من حجت هيج
عود مسوية نفسهه ضايجه ورافعتلي حاجبهه …
اكلج انتي عقلج كله بهالسوالف ماعندج غير شي
ـ عزة
لا مو بهالسوالف ..
بس غير انت دتكول صرتي جبيرة واكدر اسولف وياج بهالمواضيع يعني يامواضيع يحجوهه الكبار مثلا
ـ خرب عقلج المزنجر..
يعني الكبار ماعدهم سالفة عملة غير بس هالحجي ..
ـ لعد شتريد تحجي حيرتني
ـ وج بابا
قصدت مووضوع الديون العلينة
ـ يا ديون ؟
ـ نزلت من القنفة وتربعت يمهه بالكاع ..
من نخطف عمي الله يرحمة
مو اداينة من التجار
ومن فلوسهم دفعنة الفدية
ـ اي صح
ـ اي يعني هالناس متريد فلوسهه متبرعه بيهه مثلا . . صار اشهر ممسددين ولا فلس الهم
ـ صفنت بكلامة ..
اي والله صدك ..
تدري اني نسيت سالفة الديون تماما
ـ عادي بحكم كاعدة بالبيت
ماعندج احتكاك بالناس ولا بمحل عمي الله يرحمة..
ـ زين شنو المطلوب مني
ـ والله بنت عمي لو عندي اني ادفعهن
بس صفيت ولا فلس ايدي والكاع و ……
ماكملت كلامي معرفت شلون افاتحهه بالمووضوع
ـ اي و .. شنو؟
ـ من الاخير
الطفل صارلنة شهر مارايحين ناطين اي تعهد عليه
اني نسيت والوالد تعرفي بعد
ـ لاتكلي ياخذون اخوية
ـ اذا مننطي التعهد ياخذو
ـ زين روحو شتنتضرون ليش باقين
أنت تقرأ
لو كان لي قلبان
ChickLitمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
