البارت التاسع والاربعون
#لو_كان_لي_قلبان🥀
نتاشا تكول#
مابيه حيل ارفع جفن
ذبلان جسمي من الحزن
والدمع من گد مانزل
ماخله لون برمشي
محتااار بحلامي البقن
شوو مارظن يتحققن
مثل اليشوف ابنة البجر
كبران بس مايمشي
ماعندي كلشي بيا بخت
يردوني أرضا بكلشي
وحدي بغرفتي
وآي بشر مااحملة وماطيقه
ومارايد اسمع لانفس
لاصوت لاموسيقىٰ
نتاشا ـ كاعدين بالغرفة اني وروئ نسولف بعدنة ماحجينة شي وسمعنة
ام هشام تصرخ
ام هشام ـ يمــــــــةة ووووولك هشااااام الحك ابووك راااح من ايدنـــــــة
رؤئ ـ عـــــزة بعيني ابويـــة شبـــي
نتاشا ـ كامت روئ تركض من يمي
سوت الدرج خطوتين واني اركض وراهه واصيح ..
ديـــري بالج لاتوكعين اصبري لاتــــركضين ..
وصلنة الباب
لكيت الدنية كلهه برة
ام محمد وكل زوجات حمويني…
طلعت للكراج ورة رؤئ شفت هشام وجواد كاعدين نص رجل بالشارع
ويمهم اياد امدد وام هشام واميرة يهوسن ويصيحن
راحت روئ تركض علئ ابوهه
بس اني بقيت واكفة يم باب الكراج اخاف اتقدم بس اراقب الديصير
سمعت جواد يحجي بصوت عالي
جواد ـ صـــدك جـــذب كل هاي علمود الفلووس يابة اخذهن مرتي متريد فلووسهه حلال عليك كل املاكهه
هشام ـ انت شكاااعد تحجي هو هذا وقته
ـ مدتشوف ابوك انجلط مدري شصار بي من ورة الفلــــوس خلي ياخذهن هي كالت اتناازل عنهن
هشام ـ يــمة ووينج
تعالي يمعوودة عمـــة ساعدوني خلي نشيله ونخليه بالسيارة بسررعه
جواد ـ دشيل شيل اني اشيله وياك
النسوان يكدرن يشيلن …
نتاشا ـ شالوه وخلوه بالسيارة
صعد هشام ديسوق
روئ حاولت تروح وياهم
بس ماقبل هشام
اخذ بس امه وراح وبقت اميرة ورؤئ
ام محمد ـ اوي يمعودين دخلو دخلو الشمس حارة تسمط سمط..
ياخبر بفلوس باجر يصير ابلاش
اميرة ـ تعال تعال
صدك تحجي لو تلعب علينة انت ؟
جواد ـ ترة مامحتاج العب عليج
عندي خير من الله ومامحتاج فلوسهه اخذوهه وفضوني
ـ خوش نشوف كلامك صدك لو جذب
رؤئ ـ امشي دخلي جوة يمعودة عمة الناس وين وانتو وين ابوية ماعرف شصاير بي وانتي تكولين الفلووس
ـ انجبي انتي لج
احجي عدل وياية مو تأمريني ..
ولاتنفخين بابوج
شكو انجلط لعد غير علمود هالفليسات
وانت ياجواد ترة هذا كلامك اذا جذب تتحاسب عليه
أنت تقرأ
لو كان لي قلبان
Чиклитمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
