البرت الثامن والخمسون
#لو_كان_لي_قلبان🥀
شـما ثگلت يُخف بـَاچر حملها
الشدة التنعگد ربك يحلها.
🥀
هشام ـ المن اخطب انتي متبرعه بية
نتاشا ـ مو بالصدك بس نطلع نور منا والله خطية راح اموت من قهرتي عليهه..
ـ اصبري خلي نشوف رائد وعمتي
ـ شفت رائد وعمتي سميرة وكفو سوية دقيقتين ورجعو يمنه
رائد ـ خالي اني اريد اطلب منكم نور علئ سنة الله ورسولة
سميرة ـ اي ابو كريم اني رايدة نور لابني رائد
ابو كريم ـ مو جانت كبالكم ليش ماخذيتوهه اشفطنكم هسة
لو تريدون اطمطمون لسوايتهن الكشرة
سميرة ـ اولا
لو اعرف عدهه شي ما افكر بيهه لابني
بس ادري بيهه برئية ومضلومة
وثانيا هي صح جانت كبالنة
بس ممعقولة متعرف خالهه متوفي ماصارلة جم شهر..
شلون تقبل نعرسهم وخالهه ستوه دافنيه
ـ جان خطبتوهه لو صدك رايديهه
ـ هسة انت ليش اتظلمهه
اني رايدة بنت اختي لابني من زمان وهسة صار وكتهه نحجي و نطلبهه منك
ـ سالفتهن جايدة وجبيرة ماكدر اتصرف بوحدي
ـ اني خالتهه ودكلك نوووور معليييهه لاتخبطون الاخضر بسعر اليااابس
ـ شنو هاي اعصابج يابة شدعوة هالعصبية زين صبري خلي استشير باقي عمامهن ويصير خير
ـ الوكت اتاخر مو مال نضل ننتضر
وسالفة نرجع لهنا مرة ثانية علمود ناخذ حجاية منكم شوي صعبة
ابو كريم ـ نتخابر ياخوية هذا تلفوني
ـ هااا.. اها
انت كلتهه نتخابر
دخذ تلفونك ياخوية واتصل علئ اخوتك
حتئ نجيب ابو رائد باجر ونخطبهه منك رسمي
نتاشا ـ خطية نور كامت تبجي بالزايد من سمعت هالحجي
لكن تبجي بسكته
بس دموع تهل من عيونهه
اما رائد ابد ماجان فرحان
مبين عليه مقهور من شي
ماعرف شنو هو
وعمتي سميرة ضغطت علئ ابو كريم حتئ تاخذ موافقته ..
همست لهشام ..
شبي رائد
ـ الله يعينة والله
ـ عبالك اكو حسبة اباله
ـ اي مبين عمتي جبرتة علئ نور
ـ صـدك
ـ لعد ليش مدلغم لان شافهه صارت صدك هالمرة
ـ دة احجي وية هشام
وكعد سيريل يبجي
الطفل هادئ ماعندة لجة بالبجي
اتلمسته اكو رطوبة بملابسة ردت اطلع ملابس خبصني
طلعت الممه ونطيته ..
هشام حباب شوي الزمة بس اطلعلة ملابس
أنت تقرأ
لو كان لي قلبان
Chick-Litمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
