البارت الاربعون
#لو_كان_لي_قلبان🥀
حال نتاشا :
ويــن الگــاك ؟
ويــن اشهــگ وامــوت ويــاك ؟
#كاظــم اسماعيل الكاطع
هشام ـ خلص..
لعد ماكو غير هذا الاقتراح
واكيد راح يرضي جميع الاطراف
امير ـ كول شنو
ـ نزوج جواد وتوشة
حتئ يكدر جواد يبقئ يمهم بالبيت بشكل شرعي ورسمي
وانتو حيرو ببيوتكم وعوفو المسؤليه بركبة جواد
منير ـ شهالحجي هذا
ـ عندك غير اقتراح عمي
سميرة ـ توازينة نزوجهم بهيج ضروف ابد مو وكته
ـ قابل راح اجيبلهم زفة ؟
مجرد عقد كدام الناس مو اكثر
امير ـ ترة كلامة صحيح
احنة منكدر نبقئ يم بيت اخونة
وهمة يحتاجون رجال يمهم بهالضروف
خلص نزوجهم ونفضهه
منيرة ـ والله اني ماعندي مانع ..عادي يتزوجون
سميرة ـ عادي شنو ؟
ومن يرجع هيثم بالسلامة شنكٌلة
هشام ـ اني احجي وياه
واكيد راح يتفهم هالوضع
منير ـ انت تريد اطلعنة بالوجه المصخم يم عمك
ـ ليش ؟
منير ـ اي واضحة ..
تريد تبينلة احنه حايرين ببيوتنه وعايفين بيته بغيابة
ليش مو اني تركت بيتي
واجيت بقيت هنا ..
اذا تسوي هالخطوة راح كل تعبنة ينمسح يمة
امير ـ لا مستحيل هيثم هيج يفكر
هشام ـ عدكم حل ثاني ؟
كلولي اسمعه
سميرة ـ زين ..علئ الاقل انطي خبر الابوك شلون نصرف هيج تصرف بدونه
ـ لا تخافون مستحيل اسوي شي بدون ما انطي علم بس اني اعرف ابوية يتحسس من بيت عمي هيثم
لذلك كلت احجي وياكم اول شي ونشوف شلون ندبرهه
امير ـ اني ماعندي مانع
همة اول وتالي يتزوجون
فـ خلي نعقدلهم ونفضهه
لان احنة كلنه عدنة بيوت ومسؤليات ومنكدر نبقئ يمهم...
وخصوصا احنة مندري لشوكت ننتضر ..
اني وياك هشام خوش خطوة
منير ـ بالنسبة الي اني ماقابل
بس اذا انتو مقتنعين فـ كولو لاياد هو جبيرنة اذا يقبل زوجوهم عود
نتاشا ـ كاعدة وصافنة علئ كلامهم
هذا يريد يزوجني
وهذا مقابل
وهذه تكول مدري شنو
التفتت علئ هشام وباوعت عليه
كلتلة... خلصت كلامك ابن عمي
ـ ليش توشة ..
معقولة مقابلة ؟
ـ اشو انت تريد تزوجني وممعبرني ولا اخذت رأئيي.. افتريتهم كلهم وعفتني
ـ ما اتصور عندج مانع؟
ـ ليش ماعندي مانع
تتصور بابا لو موجود راح يقبل بهالشي
أنت تقرأ
لو كان لي قلبان
Чиклитمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
