البارت الخامس والخمسون
#لو_كان_لي_قلبان🥀
#لا بأس
كان مجرد حلم
وغالبا الأحلام
لا تتحقق ♥️♥️
ــــــــــــــــــــــــــــــــــــــــــــــــــــــــ
نتاشا ـ اين تريدين ان تاخديني ماااذا تريدين مني
تاتيانا ـ اخوكي مرريض وبحاجتك
انا وابني احق بأملاكك
هذا حقي... سنين تعبي مع والدك
ـ ماعرف ليش انرعبت منهه راسا كمت ابجي وصحت اتركــــيني ..
واني بنص هذول كاتلني الخوف حسيت بقيمة هشام اتمنيت يكون يمي هو الوحيد المستعد يساعدني وميخاف من شي ..
صحت بصوت عالي هشــــــــام هشـــــام استمريت اصرخ واعيط بأسم هشام
وتاتيانا تسكتني بالضرب والضغط بأيدهه علئ حلكي
الئ ان حسيت تعبت وبعد ماكو فايدة من المقاومة
ماعرف ليش كعدت وسكتت استسلمت لقدري وكلت خلص خلي يقتلوني واخلص من هالدنية واروح لبابا..
مشت السيارة بينه مسافة طويلة
بس عيني ابد مارفعتهه من الخوف
خايفة اشوف شي مرعب واني لوحدي وياهم
وصلنة منطقة زراعية فارغة بيهه بيت مو كلش جبير ..
بس بي اكثر من 5 سيارات انواع الموديلات موجودة ..
مستغربة المكان وخايفة انزل
جرتني من ايدي وكلتلي
هياا انزلي يا ابنتي لاتخافي...
نزلنة يم شباك البيت سمعت صوت طفل يبجي
تاتيانا ـ ولدي حبيبي ..
تعالي تعالي يابنتي بسرعه نحن لانملك والوقت
ـ اريد ادخل وطلعو كومة رياجيل من البيت لابسين زي الدواعش
وبيدهم سلاح ويباوعولي من فوك ليجوة بنضرات مرعبة
جرتني تاتيانا من ايدي ودخلت للبيت خايفة و مستغربة من المكان
اباوع يمنة ويسرة فتحت الباب علئ غرفة صغيرة بيهه طفل
ركزت عليه هذا سيريل اخوية ..
كعدت يمة تاتيانا تحضن وتبوس بي
طفرت الدمعه من عيني
شلون هيج تحبه لهذا الطفل
وشلون رعبتني من اخذتني
ماكالت خطية بنتي اخذهه بهالطريقة خاف تنرعب ويصير بيهه شي
واصلا بالجذب مانطتني خبر تريد تاخذني وياهه اجتي عليه مثل ملك الموت فجأة
خلتة يمي وكلتلي اعتني بي هسة اجي
شلته لسيريل من الفراش واباوع عليه
عيونه تباوع عليه ويبتسملي
ماعرف احبة او اكرهه
بس هو طفل بريئ
شنو ذنبة يكون انولد بنص هالمجرمين وشنو ذنبة تكون تاتيانا امة...
ثواني وسمعت صوت بنات يبجن
اخذتة وكمت يم الشباك شفت هواي بنات لابسات اسود دياخذوهن بسيارة بيك اب
اصواتهن بالبجي نخرت اذني نخر
زاد خوفي ورعبي من المكان
يربي وين جابتني
معقولة ام تسوي هيج ابنتهه وتجيبهه لهيج مكان
ضليت اباوع علئ السيارة الئ ان طلعت خارج المزرعه ماعرف وين راحت ..
ثواني و دخلت تاتيانا واخذت ابنهه مني...
تاتياتا تاتيانا لماذا انا هنا ارجووكي
ماذا تريدين مني
أنت تقرأ
لو كان لي قلبان
ChickLitمعاناة بنت روسيه لاب عراقي يهرب والدهه بها من بلاد الغربة لتنصدم بغربه اكبر واتعس
