لو كان لي قلبان

part 7

البارت السابع

#لو_كان_لي_قلبان 🥀 بقلم الكاتبة ياسمين السعدي

شويه ياعين الخشف ..
خزرات المعاتب جوني

من كثر ما نوح.. حتى اهلي
اصبحت جزعانه منـــي

رافكَتني الونه .. والحسرات
من بــــطن الحـــــملني

او هذا عمري امكَالب اويَه الضيم
ما مر الضحج .. مرة اعله سنّي

او هذا حجي الناس اونن
من لوعتي وكَالوا يغني

آخ مني او ..آخ من روحي
الكَضت هذا العمر بس بالتمني

(عريان السيد خلف)

جواد - شتحجين
هذني بالسيارة مو خواته
ليش مانزلن وجرنه وصعدنه للسيارة فهميني
ليش هيج سويــتي ليش دتحركين دمي

- شلون افهمك وانت متئتيني مجال اهجي..
اهدء شوي خلي اشرهلك..

جنت مندمجه احجي
ويه جواد اريدة يهدء
ما كو صاير نار وشرار
بس يعيط ويصيح
منتبهت علئ شي
بس حسيت اكو احد
ويايه بالغرفه رفعت
راسي وشفت بالمرايه

بــابــا واكــف ورايــه

احس نفسي انشليت
لا اكدر اتحرك
ولا اكدر احجي
الفون راسا فلت من ايدي ..

ضل بابا واكف بمكانة
مصدوم وبعينه الدمعه
ويباوعلي بغضب

من شفته هيج رجفت
وراسا انهاريت بالبجي
لازم الفون بايدة وعصرة عصر
وجهه صار احمر وعيونه تجدح نار

من غضبه شمره الفون علئ المرايه
وكسرهه وصارت قطع متناثرة بكل مكان

جمدت بمكاني ومعرفت شسوي بس ابجي وعيوني تراقب بابا بثورتة وعصبيته

- لـج بنــت الكـــلب منــو هذا
ولـج ليــــش
ولـج بشنو قصرت ويــــاج
ولج هاي تالي ثقتي بيج ..
لــج منـــــو هــــذااا
الـــدتحجين وياه
فهميني منو هذاا احجي

-حطيت ايدي علئ راسي وغصيت بالبجي اريد احجي مدكدر ..
كلتله بـاابــ

- ولــج ليــش
مو كلشي يصير ويايه احجي الج
من يايوم كمنة نظم
اسرارنه علئ بعض

واثق بيج اكثر من ثقتي بنفسي
جنت افتخر بتربيتج
واكول هيثم عرف يربي
تالي تلعبين عليه ومستغفلتني
لج ليــش احجي ليـــش

- لاا بابا لااا ..والله لا

- اش صوووتج ينرفزني
لاتحجين ماريد اسمعج
كتمي صوتج كتـــــمي

- انهاريت من البجي رميت نفسي علئ بابا اريد اعتذر منه لكن رفضني وكلي ابقي بمكانج لا تتقدمين ..

بهالعبارة حسيت نفسي خسرت بابا وخسرت ثقته بيه انجنيت ما اعرف شنو اسوي حتئ يعفو عني ..

حسيته تعب وخارت قواه كعد علئ الجربايه حط ايدة علئ راسه ثواني
وشفتة ينقط دم من وجهه الارض
اتخبلت واتهسترت اريد اعرف هالدم مين ..
لزمته من كتفه وضليت اعيط
بــابــاااا شبــــيك بابااا